Mumpar 43:27 - mzwDBL

²⁷ Asɛ o bɔɔ ba ɡɛ ba bwara aa doa dɛ berɛ ŋɔ, “Hé fa bol he mɛɛ wa n be. Ɛrɛɛ o bwara doɔ? O ta soɡe le o bwara do kpeɡri aa?”

Mumpar 43:27 ပူးပေါင်းရင်းမြစ်များ

Mumpar 42:13

Ba ɡe ŋɔ, “Nomoa, he bonɔɔna, ya lɔ bii fi dɛ banɛ, dɛ ɛ babeŋkpoŋ bii, dɛ le Keenan harɛ ta. Ya bini bechala te lɔ ya mɛɛ be dem, asɛ ya bini beŋkpoŋ ɡe toole.”

1 Webena 18:10

o tomɛ o bibaa Hadoram Kooro Devid be o ka jaamo yoi waa kaa yo Kooro Hadadesa, dɛ pɔ o nɛɛ la wa. Dɛ o ne Kooro Tou nɔ yo laa ka. Hadoram kpɔ suuɡaswɛm ne suuɡapoŋa dɛ ayaawa kwaa bwa soo siwi ba tɛ Kooro Devid.

1 Samoɛl 25:5

Anomanta, o tomɛ bonɔɔna fi dɛ ŋɔ ba be ŋɔ, “Hé la Nabal be Kaamɛl dɛ́ ka chɔɔro ba tɛ mɛ.

1 Samoɛl 17:22

Devid kpɔ o kondikwaa ja nɛn waa dɛ nyiŋi ba laala ta la, dɛ chwa kaa o dɔɔranar be laa la ta, dɛ ka na ɡɛ baa doa.

Sitɔɔla 18:15

Ba bɛɡɔ jo Maeka dem dɛ ka na Lewi bonɔɔ la bela dɛ chɔɔro.

Kaala 18:7

Ate, Mosis le dɛ ka chemo, dɛ ɡuŋu harɛ dɛ jaamo. Ba jam dɔŋa tonɛ dɛ lawɛ dɔŋa ka jo tɛnte Dea la bini.

Mumpar 42:11

Babeŋkpoŋ biirii yan, ya ne ya tepoŋee. Ya ta balɛ dɛ́ ba sɔh nyiŋi harɛ nɔ.”

Mumpar 41:16

Anee Josef ŋɔ, “N naa, n laa dɛ́ baɡle deera nɔ mun. Korowiirii dɛ́ won baɡle a mun tɛɛ.”

Mumpar 37:14

O mɛɛ ŋɔ o be ŋɔ, “La dɛ́ ka na he dɔɔranar ne ɡɛ kondɛɛra la aa doa, ásɛ dɛ ba bol n be.” O tomɔ le Hɛbrɔn Fɛlembɔjen bɔr pera dɛ kaa Sɛkem.

Mumpar 43:7

Asɛ ba ɡe chaŋe ŋɔ, “O teŋɔ dɛɛ bɔɔ ya ne ya lolanar wa. Dɛ́ ya mɛɛ ta soɡe le naa? Ya dɔ nime bɛl dɛ ja ya nɛ aa? Waa waa bɔɔra laanee ya ɡe chaŋe. N mɛɛ, dɛ ya ta jemɛ kɛŋɔ wɛɛ ŋɔɔ ya kpɔ ya nime la ba.”

Mumpar 45:3

A habɔɔ la, Josef ŋɔ o dɔɔranar la be ŋɔ, “Menee Josef. N mɛɛ ta lole naa?” Waa bɔɔ ba ɡɛ la, ba ta wone chaŋe wobɛlbwa, dɛkalkɛ ɔmee laɡ ba.

2 Koranar 4:26

Chwa ka chemo dɛ́ pɛɛro ŋɔ, ‘He wobɛlbwa wer tɛɛ naa? He jaa ne he bii leaa?’ ” Haah la ŋɔ Gehasi be ŋɔ, “Ya bwa bwara kpeɡri.”