18 Waa kpɔ ba dɛɛ kaa dem la, dɛ ba dɛ ɔmɛ, asɛ dɛɛ bol dɔŋa be ŋɔ, “Suuɡa la baa bera do ya bone bini la waa baa ba ya ne dem bonɔ la. Baa ɡuɡri yaa, dɛ́ lawɛ yaa yoma, dɛ́ kpɔ ya keeɡore.”
Dɛ ba dɛ bol dɔŋa be ŋɔ, “Taraken waa yaa dɛ na nɔ bwa le waa ya fa aa kpɔa ɛ ya nime Josef la. Ya na wenaale waa lɔ a ta dɛ soŋe yaa, kɛ ya ta noɛ. Anee ɡela ya ɡee na ɡɛ waa nɔ taraken la.”
Baa dɛ kaa la, bɔr kaa joo ba ŋwɛnɛ ta asɛ ba chɔ bela, asɛ ba bini bɛl ŋɔ ó pur o bɔɡtɔ dɛ́ tɛ o keeɡo kondikwa, asɛ dɛ na kɛŋɔ baa vɔwɛ suuɡa o pur la nyoa.
Anee o ŋɔ o bala la be ŋɔ, “Ba berɛ n suuɡa tɛ mɛ. Anee lɔ n bɔɡtɔ bini la.” Ba bwara yɔrɔ, asɛ ba kpɔ bochela dɛ ŋɔ dɔŋa be ŋɔ, “Bɔkwa waa Korowii ɛ yaa ken?”
A ɡɛ waa nɔ tel Juda Kooro Ahas ne o nɛra be kɛŋɔ Siiria tena ne Israel tena pɛo ba harɛ la ta dɛ́ ba yoo ba, asɛ ba bwara yɔr dɛɛ sa kɛŋɔ peu aa taa jo daa bini la.
Anee o bala nomonjena la ne nomonome baa lee ba baa nyiŋi harɛ la bamperi la, ɛɛ nyin Daneɛl bwara wechɔɡa dɛ́ le kora la be pera, kɛ ba ta wone. Ba ta o bwara wechɔɡe bɛlbwa nae, dɛkalkɛ o waa wer dɛ dɔ kasinteŋ.
Liichɔɡa nao kɛŋɔ aa wonoo che Mmara Korowii aa doa la ta, dɛ́ ɡel n ɛ wechɔɡa. Liichɔɡa aa na ɡɛ la, a cheɡɛ Mmara la ta dɛ ɡel n sie ɛɛ beɡre komɛlbwa ta. Dɛ mmara toole naa, wechɔɡa ta kpeɡri dɔe.