Mumpar 42:38 - mzwDBL

³⁸ Ate Jekɔb ŋɔ, “Maa sɛh he kpɔ n bie nɔ kaa, o dɔɔ toole, o ɡboo kaa. N ɡe hwɛɛhrɔ tonɛ. Wobɛlbwa kaa ɛo ŋwɛnɛ ta bela haa dɛ kaa nɔ naa, n ne n tebinichɔɡee dɛɛ ba sewa.”

Mumpar 42:38 ပူးပေါင်းရင်းမြစ်များ

Mumpar 37:33

Waa nyiŋa na la, o jemɔ asɛ dɛ chaŋe ŋɔ, “N bie batakaaree kpela! Olchɔɡe bɛl lawɔ chwe, o ka toɡri o bini.”

Mumpar 37:34

Belaa Jekɔb loo ku o laa o batakaare kɛɛ, dɛ kpɔ lweyal tɔ dɛ ɛ o bie la lwe dɛ la sie.

Mumpar 37:35

Asɛ o bii ne o lolanar bwa ba dɛ ba larawe o bwara. Kɛ o ta larawa la noɛ dɛ ŋɔ, “N wii nɔɔ dɛ́ kpɔ mɛ kaa n bie be lalabwɛ.” Anomanta, o wi o bie la kɛrɛdɛ.

Mumpar 42:13

Ba ɡe ŋɔ, “Nomoa, he bonɔɔna, ya lɔ bii fi dɛ banɛ, dɛ ɛ babeŋkpoŋ bii, dɛ le Keenan harɛ ta. Ya bini bechala te lɔ ya mɛɛ be dem, asɛ ya bini beŋkpoŋ ɡe toole.”

Mumpar 42:37

Asɛ Rubin ŋɔ o be ŋɔ, “Dɛ n ta Bɛnjamen ne balɛ ba tɛɛ naa, he kpoo n bibaala banɛ nɔ. Kpɔ o waa do n nɔn ta, mɛɛ berɔɔ ba o ne ba tɛɛ.”

Mumpar 42:4

Jekɔb ta ɡelɛ Bɛnjamen waa ɛ Josef nime pɔrɔdɔ la ja ba nɛɛ dɛ la. Dɛ o dɛ ɔmɛ kɛŋɔ waane ken ɛɛ ka ɛɔ.

Mumpar 43:13

Hé lawɛ he nime Bɛnjamen, he ne o kaa baa la be warane.

Mumpar 44:20

Asɛ ya chaŋe ŋɔ ya dɔ mɛɛ o hwɛɛh dɛ dɔ nime bɛl ɡe. Ya mɛɛ aa hwɛɛhra la taa o lolɔ, asɛ o dɔɔ o ne waa pɛ nya la sewɛ a ka o ɡbo, anomanta, o mɛɛ dɛ nyin o waa taeh.

Mumpar 44:22

asɛ ya ŋɔ bie la aa won le o mɛɛ jwɛh, dɛkalkɛ o le o jwɛh aa, o mɛɛ la ɛɛ sewɔɔ.

1 Koranar 2:6

Anomanta, he ɡbaɡba nyiŋi dɛ́ na ɡɛ haa tɛr o deŋne he wejema ne, dɛ bɛ ɡel o sewɛ nyumpompoŋ ne bansɔɔhna ta.

Job Tɔn 41:32

O pere nee dɛɛ kaa laa, nehɛma dɛ to teŋɛ o nɛɛ kɛŋɔ nyumpompoŋa ken.

Yela 71:18

Hale n hwɛɛhrɔ n nyumpona to kwaraa naa, N Naa Korowii, bɛ men ta. Ja n nɛ, ásɛ n bol he kpeɡri ne he kan haa doa waa baɡle n naanar baa ka ba bwa.

Yela 90:10

Bene yaa di lɔ fifraanuanɛ ɡbo, kɛɛ dɛ bokpeɡa ta lole naa, bene fifraanuatoro. Kɛ a bwa ɡe ta la, hɔhɔrɔwa ne suna dii ɡboo, aa biɡri dɛ a baa kaa, ya serewe.

Wejereme 1:14

N na komɛlbwa nɛra aa dɛ ɛa harɛ nɔ ta, a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 2:26

Korowiirii dɛɛ tɛ nɛn o wa aa dɛ lɛ o sie wejema ne liire dɛ silɛɛ, kɛ wechɔɡ-ɛɛ te, o ɡelɔ wɛɛ ɛ toma dɛɛ boa o kondɔɔh nyoa cheɡ tɛ nɛn o wa aa dɛ lɛ Korowii sie. Anɔ bwa ɡe ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini la ken.

Aesaya 38:10

“N liiro kɛŋɔ n ta n saŋ tele, dɛɛ ba sewa. N cheɡɛ lalabwɛɛ doonyoa, dɛ n fe aa lii kɛŋɔ mɛɛ dɔ mkpaa.”

Aesaya 46:4

Menee dɛɛ ba he nɛɛ nyiŋa, dɛ́ ka tel he hwɛɛhra saŋ he nyumpona aa to. Menee ta heya, mɛɛ chwaa heyaa, dɛ́ kpoŋe heya, dɛ́ lɛ heya.