Mumpar 42:24 - mzwDBL

²⁴ Belaa Josef le ba be bela dɛ ka wi. Dɛ berɛ ba ba be ja o ne ba bol wa, asɛ o lawɛ Simeon le ba bini dɛ ɡel ba vɔrɔwo ba siwi ta.

Mumpar 42:24 ပူးပေါင်းရင်းမြစ်များ

Mumpar 34:25

Baa teŋni ba pena tɔpetooro wee a ta ɛɛ wee ba la, Jekɔb bibaala banɛ baa dɛ yer ba Simeon ne Lewi, ba ne Daena aa pɛ nya la iro kpɔ ba tokobie, asɛ dɛ piɡri bwɛɛ la tena dɛ jo ba bini dɛ kpoo ba baala te bwa.

Mumpar 42:23

Baa cheɡɛ nomɛl nɛɛ dɛ bol waa dɛɛ tɛ Josef nomanta, dɛ baa jemɛ kɛ o dɛ no ba wobol la.

Mumpar 43:14

Kórowii Waa Ɛ Kpeɡri Bwa Dɔɔ la ja he nɛɛ dɛ́ ɡel nomoa la na he sum, dɛ́ kpɔ Simeon ne Bɛnjamen tɛ heya he ba tɛ mɛ. Dɛ baa le n nɔn taa yaa, ba den le n nɔn ta.”

Mumpar 43:23

Anee bonɔɔ la chaŋe ŋɔ, “He bɛ ɡel a hiah heya hɛɛ ɔmɛ. Korowii he ne he nimanar aa dɛ tomɔ laanee ken kpɔa do he bone bini la. Gɛ suuɡa la tel n be.” Asɛ o le Simeon tɛɛ ba.

Mumpar 43:30

Nyina Josef aa dɛ nyin o nime la kohona nomanta, o haŋrɔ kahonɛ, dɛ le bela warane, dɛ ka jo o dea dɛ wi.

Mumpar 45:1

Josef ta wone lawɛ o te o bonɔɔna la sie, o kpɔ takpeɡ ŋɔ ba be ŋɔ nomɛlbwa le buse, asɛ dɛ kpɔ o te baɡle o dɔɔranar la.

Mumpar 45:2

O wio kohona, asɛ Ijipt harɛ tena la no, kooro dem tena la bwa no.

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Amanesoma Luk Aa Chwera Tɔn 19:41

Baa dɛ ba bwɛjen Jerusalam tela la, Yeesu nyiŋi bwɛɛ la dɛ wi tɛ o tena.

Tɔn Pɔɔl Aa Chwerɛ Rom Tena 12:15

Nɛra lɔ silɛɛ bini naa, hé puu ba he ne ba lɛ sie. Ba dɛ wi ɡe aa, hé ne ba wi.

1 Kɔrent 12:26

Dɛ bwadabii bobɛl dɔ weela aa, dɛ bwadabii bwaa weela lawɛ la. Dɛ ba kpɛɛ bwadabii bobɛl aa, a dɛ do bwadabii la bwa som.

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.