Mumpar 42:15 - mzwDBL

¹⁵ Kenii mɛɛ ba ɛɛ dɛ́ jemɛ he kasinteŋ. N ŋwɛɛ Ijipt kooro kɛŋɔ he bini bɛlbwa aa bɔree dɔ kaa, nemenɛ he nime bechala la ba bonɔ mɔɔ.

Mumpar 42:15 ပူးပေါင်းရင်းမြစ်များ

Mumpar 42:12

Ate, o ŋɔ ba be ŋɔ, “Nyosone. He balɔ dɛ́ ba sɔh nyiŋi na kɛŋɔ harɛ nɔ chɔ pɛɛ.”

Mumpar 42:14

Anee Josef ŋɔ, “Gɛɛ haa doa laanee n den bol la. He balɔ dɛ́ ba sɔh nyiŋi ya harɛ nɔ.

Mumpar 42:16

Hé ɡel he bini bɛl la ka kpɔ he nime la ba, ásɛ ba do he kar ɡe dea ka tel kɛŋɔ yaa na waa haa bola nɔ kasinteŋ. Dɛ ɡɛ laa tenaa, n ŋwɛɛ kooro kɛŋɔ he ɛ nɛra haa dɛ ba ba sɔh nyiŋi harɛ nɔ.”

Mumpar 42:20

Ásɛ dɛ kpɔ he nime la ba tɛ mɛ, á baɡle kɛ he waa la ɛ kasinteŋ, ásɛ n bɛ ɡel ba kpoo heya.” Ate, ba sɛh waa waa bola la ta.

Mumpar 42:30

“Nomoa harɛ la wobɛlbwa aa lɔ o nɔn ta la nyɛɡ ya nɛɛ dɛ ɛ yaa kɛŋɔ nɛra yaa laŋa dɛ́ ka sɔh nyiŋi ba harɛ dɛ́ ɛɛ ba waane ken.”

Mumpar 42:34

Ásɛ dɛ kpɔ ya nime bechala la ba tɛo, ásɛ o jemɛ kɛŋɔ ya ta nɛra yaa laŋa dɛ́ ka sɔh nyiŋi harɛ la ɛɛ, kɛ ya ɛ nɛndɛɛɡa. Ásɛ o le ya dɔŋ la tɛ yaa, yaa di harɛ la ta bona.

Mumpar 42:7

Josef aa na ba la, dɛ o te deno jem ba, kɛ o ɛ o te kɛŋɔ waa ban jemɛ ken. Asɛ dɛ nyɛɡ ba nɛɛ ŋɔ, “Leperaa he leɔ?” Asɛ ba chaŋe ŋɔ, “Keenan harɛ taa ya le dɛɛ ba ba yawɛ boyu.”

Mumpar 43:3

Anee Juda ŋɔ o mɛɛ be ŋɔ, “Baa la kpɔ kon kpaa ya nyu ta ŋɔ ya ta ya nime la ne balaa, ya bɛ ɡel o na ya siwi.

Mumpar 43:5

Kɛ dɛ haa sɛh tenaa, yaa la. Baa la ɡelɔ ya jemɛ kɛŋɔ dɛ ya ta ya nime la ne balaa, waa ya siwi nyin dɛ na kwara.”

Jeremia 5:2

A lole kɛ ba ŋɔ ba dɛ tomɛ men Korowii, kɛ ba teŋe nyosone dɛɛ ŋwɛɛ n sɔn ta.”

Jeremia 5:7

Korowii ŋɔ, “Juda tena, ɛrɛ waa a chɛ kɛ ń kpɔ he wechɔɡa kɛ heya ɔ? He vɛɛh mɛ dɛɛ tomɛ voɡare a wa aa wola kasinteŋ dɔe. N tɛ heyaa komɛlbwa haa dɛ nyin, kɛ he ɡarɛ kaa bɔ jwamane, he ne hanjwamanere ɛɛ valɛ.

Mmarare 6:13

Hɛ́ɛ duu Korowii dɛ́ɛ tomɛ o ɡbo, dɛɛ baɡɛ nyoa o sɔn ta.

Jems 5:12

Yabala, anɔ la aa jaa dɛ ɛ siswɛm waa laanee kɛ, he bɛ Korowii kɛɛ harɛ kɛɛ komɛlbwa dɛɛ ŋwɛɛ. Ba dɛ bɔɔ heyaa waa dɛ a ɛ kpela aa, hé sɛh ŋɔ, “Ɔɔh,” dɛ nyosone ɡee yaa, hé ŋɔ, “Ɔɔhɔh.” He bɛ ŋwɛɛ ja, ásɛ a bɛ wechɔɡa ɛ dɛ́ tɛ heya.

1 Samoɛl 1:26

asɛ Hana bɔɔ sɔfo Eli ŋɔ, “N poori, n dɔɔ, he dɛ lii mɛ naa? Menee he faa na n che bonɔ dɛɛ soŋe Korowii la.

1 Samoɛl 17:55

Gɛ saŋ Kooro Sɔɔl aa nyiŋi Devid o le dɛɛ la ka yo Goliat la, o bɔɔ Abna waa ɛ laa sitɔɔ la ŋɔ, “Ume bie bonɔɔ nɔɔ?” Ate, Abna chaŋe ŋɔ, “N dɔɔ, maa o wobɛlbwa jemɛ.”

1 Samoɛl 20:3

Anee Devid ŋwɛɛ ŋɔ, “He mɛɛ jemɔ kɛŋɔ n dɛ nyin he wa, asɛ o lii o nyu bini ŋɔ, ‘Jonatan ta chɛ kɛ ó jemɛ ɡɛ waa nɔ, ɡɛ laa aa, o bambile ɛɛ chɔɡoo.’ N ŋwɛɛ Korowii waa lole saŋ bɛlbwa nɔ kɛŋɔ, n ne seo baah aa jaŋɛ kpa.”