Mumpar 41:42 - mzwDBL

⁴² Kooro laa o noniseɡ o nyanyini kon aa dawɛ o ta la foo do Josef, dɛ kpɔ yapondɛɛɡe batakaare ɡe doo, dɛ kpɔ suuɡaswɛm jɔɡrɔre baŋa kwaa ɡe do o baŋa.

Mumpar 41:42 ပူးပေါင်းရင်းမြစ်များ

Mumpar 38:18

Anee Juda ɡe bɔɔro ŋɔ, “Bɔkwa konee hɛɛ nyin kɛŋɔ n kpɔ tɛɛ he cheɡ ɔ?” O ŋɔ, “He noniseɡ he sɔn aa dawɛ o ta ne he daŋɡbala.” Ate, o kpɔa tɛo mɔɔ o ne o ta chɔ, asɛ o kpoŋe tea.

Mumpar 41:43

O ɡelɔ o so o koo kon waa do kɛ torɔɡo bini, asɛ nɛra tɔ o sie dɛɛ ŋɔ, “Hé tɛ ŋwɛnɛ! Hé tɛ ŋwɛnɛ!” Gɛɛ a do ba kpɔ Josef cheɡ ŋɔ wɛɛ nyiŋi Ijipt harɛ la bwa ta.

Ɛsta 10:3

Mɔdekae ɛ nomonjen, dɛ Kooro Sɛksɛs toole naa, dɛ onee lole. O ɛ nɛnjen o dɔŋa Juu tena la bwa bini, asɛ baa tɛo jirima dɛɛ nyin o wa, dɛkalkɛŋɔ o nyin kɛrɛdɛ tɛɛ ba, dɛ nyin deŋnesɔɔhna tɛ o naanar bwa.

Ɛsta 3:10

Belaa kooro sɛh, dɛ foo o noniseɡ waa kpɔa dɛɛ ɛɡɛ tɔn ta la, dɛ ɛ mmara la, dɛ kpɔ tɛ Hamedata bibaa Heeman waa hah Juu tena kohona la.

Ɛsta 3:12

Korobiloɡle tɔpera fi dɛ atoro ta la, Heeman yerɛ kooro nomonome bwa cheme. O ɡelɔ ba chwerɛ ɡɛ waa bol Juu tena waa la wobol bwa soo siwi aa lɔ harɛre la bɛlbwa ta, ne ɡɛ ba chwera aa doa, dɛ kpɔ ka tɛ koranar ne nomonome baa chɔ harɛ bɛlbwa nyoa, ne ba nomonjena bwa. Kooro sɔn taa ba chwera, dɛ kpɔ o noniseɡ ɛɡɛ a ta, asɛ a ɛ mmara, dɛ chɔ le saŋ bɛlbwa.

Ɛsta 8:10

Kooro Sɛksɛs kpeɡri taa Mɔdekae che dɛ ɡel ba chwerɛ tɔne la, asɛ dɛ kpɔ noniseɡ la ɛɡre a ta, dɛ kpɔa tɛ nɛra ba so kooro jaɡre aa won chwae ta, dɛ kpɔ tɔne la ka bɔne tɛ nɛra baa soɡe o harɛre la bwa ta.

Ɛsta 8:15

Mɔdekae aa le kooro sie bela dɛ kaa la, dɛ o do laalapoŋa ne laalaburum, dɛ berɛ do batakaare baa kpɔ yapondɛɛɡe ɛo dawɛ kɛŋɔ koolaala ken, dɛ pi suuɡaswɛm ɡbɛrɛdɛɛɡe bɛl. Asɛ Susa bwɛɛ tena la bwa ɡe ɛɛ moo silɛɛ ne.

Ɛsta 8:2

Kooro laa o noniseɡ waa kpɔa dɛɛ ɛɡre tɔne ta aa ɛ mmarare o faa kpɔ tɛ Heeman la foo, dɛ kpɔ tɛ Mɔdekae. O haah Ɛsta kpɔ Heeman kondɔɔh la bwa ɡe do Mɔdekae nɔn ta.

Ɛsta 8:8

Taraken nɔ, n tɛ heyaa ŋwɛnɛ kɛ hé kpɔ n sɔn, dɛ́ chwerɛ mmarafale ja ka tɛ nɛra baa lɔ n harɛre la bwa ta, dɛ́ tɔ Juu tena kpoora la ŋwɛnɛ. Hé chwerɔ ɡɛ bɛlbwa haa dɛ nyin. Hé chwerɔ tonaa, hé kpɔ n noniseɡ ɛɡre a ta, dɛkalkɛŋɔ tɔne baa chwerɛ n sɔn ta dɛ kpɔ n noniseɡ ɛɡre a ta la, nomɛlbwa aa won tire a ta.”

Yela 73:6

Anomanta, ba kpɔ mbarafo do baŋa kɛŋɔ baŋa kwa, asɛ naɡrenyin ber ba yal ba kpɔ tɔ.

Sɛɡla 1:9

Ba webaɡla la ɛɛ ɡeloo he dɔ dadɛɛɡe, ásɛ he waa do wer kɛŋɔ, haa di bonɔɔne kɛɛ toli, dɛ kpɔ yal vɔwɛ nyu, kɛɛ dɛ do baŋa kwaa la.

Sɛɡla 31:22

O ɡbaɡbaa dɛ́ nyarɛ bombore dɛ́ kpɔ dɛɛ pa o chɔɔbɔr. O dɛ li yadɛɛɡa bwa soo siwi a yoɡ aa kpeɡa.

Sɛɡla 31:24

O dɛ sɔh yapondɛɛɡa ne kirisore dɛ yoɡ dɛɛ tɛ bonadiire.

Yelsom 1:10

Na ɡɛ he siebɔr ne deŋna kwa aa wera, he baŋa ne suuɡaswɛm baŋa kwaa ɡe do wer.

Yelsom 4:9

N hanfale ne n sɛnodɛɛɡe, he ɡelɔ n bambile lawɛ kohona, he nyiŋ mɛ kerabeŋkpoŋ he waa lɛ n liire, he baŋa kon beŋkpoŋ haa doa la wa.

Aesaya 3:23

ne diɡe, ne ba laalapoŋa andɛɛɡa, ne kwaa baa kpɔa dɛɛ tɔ ba nyuune, dɛ anɔ la baa kpɔa dɛɛ tɔ ba sie, a bwaa wɛɛ ba laa kpɔ.

Jeremia 52:33

Anomanta, Kooro Jehoiachin dɔ ŋwɛnɛ dɛ laa laala waa doa ba doo dea la foo bil, dɛ kpɔ anfala do, asɛ o ne Babelɔn kooro pɛ nɔn dɛɛ di kwa o soɡa bini bwa.

Ɛsekeɛl 27:7

Ijipt harɛ taa ba kpɔ ŋwɛndɛɛɡe sɔh yapondɛɛɡe waa baŋre he doa dɛɛ kaa he ne la, dɛ berɛ kpɔ ane ɛ he fraŋkaa. Saepros ekwi harɛ taa ba le yaburum ne oŋkɔl waa wera ne, a tɔ he nɛɛ dɛɛ tɛɛ chunchule.

Daneɛl 5:16

Taraken, n noɔ kɛŋɔ he won waa mun baɡla, waa a mun noe aa kpeɡa ɡe la, he won a mun baɡla. Dɛ he wono kure kwaa baa chwera nɔ dɛ baɡ mɛ a mun aa, mɛɛ tɔe yakɔlee, dɛ́ kpɔ suuɡaswɛm jɔɡrɔre do he baŋa, ásɛ n habɔɔ henee dɛ́ teŋɛ tooro, dɛ́ dɔ kpeɡri n kora ta harɛ nɔ ta.”

Daneɛl 5:29

Ate, buɡ la ta, Kooro Bɛlsasa ɡel ba ka kpɔ yakɔl ba tɔ Daneɛl, dɛ kpɔ suuɡaswɛm jɔɡrɔre do o baŋa, asɛ dɛ ɛo nɛntoorote waa dɔ kpeɡri o kora ta harɛ la ta.

Daneɛl 5:7

Ate, kooro kpɔ takpeɡ ŋɔ bá ka yerɛ nɛra baa dɛ ɛ sɔmwe-ɛɛla, ne wejerema baa jemɛ weweela wa dɛ voɡra, ŋɔ bá ba. Baa bala la, Kooro la ŋɔ ba be ŋɔ, “Dɛ bɛlbwa wono kure kwaa baa chwera nɔ, dɛ baɡ mɛ a mun aa, mɛɛ ɡeloo bá tɔɔ yakɔl, dɛ́ kpɔ suuɡaswɛm jɔɡrɔre do o baŋa, ásɛ n habɔɔ ó ɛ nɛn waa teŋa tooro, dɛ dɔ kpeɡri kohona n kora harɛ nɔ ta.”

Amanesoma Luk Aa Chwera Tɔn 15:22

Bie la nyoa ta lee mɔɔ dɛ o mɛɛ yerɛ o bonɔɔna ŋɔ, ‘Hé chwa ka nyiŋi n yale la bwa bini ondɛɛɡe ba tɛo ó tɔ, dɛ́ kpɔ noniseɡdɛɛɡe ba doo, dɛ́ nyin naŋɡawa ba tɛo ó do.

1 Samoɛl 18:4

Jonatan foo o batakaare waa doa, ne o laa batakaare tɛ Devid, hale o kere ne o to, dɛ o kiriso.