Mumpar 41:32 - mzwDBL

³² He deera bele anɛ la dɛ baɡle kɛŋɔ Korowii ɡbaɡbaa ɛa ɡɛ, kɛ waa ɡel a biɡri ásɛ a chiɡ.

Mumpar 41:32 ပူးပေါင်းရင်းမြစ်များ

Mumpar 37:7

Ya dɛ vɔwɛ jaaɡe koo ta, asɛ bɛlbwa bil o kwaa dɛɛ korɛ. Belaa n kwaa maa vɔwa la ir che, asɛ he kwaa la ba bar n kwaa la cheme dɛɛ ɡuŋa.”

Mumpar 37:9

O berɔ dee anfala ja dɛ taa baɡle o dɔɔranar la ŋɔ, “Hé no, n deero asɛ wee ne korobie dɛ weweela fi dɛ beŋkpoŋ ɛɛ ɡuŋ mɛ.”

Mumpar 41:25

Belaa Josef ŋɔ Ijipt kooro be ŋɔ, “N naa kooro, he deera anɛ la bwa dɛ baɡle webeŋkpoŋ. Korowii ɡelɔ he na waa waa dɛ ba ɛɛ.

Mumpar 41:28

N naa kooro, ɡɛ n fa aa bol he be la, waa Korowii aa dɛ nyin ɛɛ laanee o ɡel he na la.

Mumpar 41:31

Lɔr la kpeɡri waa dɛ ba doe harɛ nɔ ta kohona nomanta, nɛn dɛ ba soeh kɛŋɔ kondikwaa fa lɔ harɛ nɔ ta taeh.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Daneɛl 2:45

Daneɛl berɔ ŋɔ, “Bwekuŋi la waa wola nɛn nɔn ta leɛ, dɛ le bwejen tenten bɛl ta, dɛ ba lɔ buni ne ayaawa ne choh ne suuɡapoŋ dɛ suuɡaswɛm la, dɛ kuuɡu burbur ken la munii. Nemenɛ Korowiirii baɡle kooro waa aa dɛ ba chiɡa kerekere. Deera haa deera la munii n baɡle dɛ berɛ baɡle a mun kɛrɛdɛ ken tɛɛ la.”

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Matiu 25:34

Belaa mɛɛ ba n ŋɔ banɔ la baa lɔ diɡ ta la be ŋɔ, ‘He banɔ n Mɛɛ aa swee andɛɛɡa tɛ heyaa la, hé ba di kora waa le harɛ mumpar dɛ kwaa cheɡ heyaa la,

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Amanesoma Mak Aa Chwera Tɔn 10:40

Kɛ n ta kpeɡri dɔe dɛ́ kpɔ nɛn so n diɡ ne n ɡal ta. Korowii ɡboo jemɛ nɛra waa kwaa a ɡɛ bɔra la cheɡ dɛ́ kpɔ ba ka so bela.”

1 Kɔrent 2:9

A ɡɛ waa nɔ waa ba faa chwerɛ dɛ ŋɔ, “Waa nomɛlbwa aa wola a dɔŋa nae, nomɛlbwa aa wola a waa noɛ, nomɛlbwa ɡe aa wola an liire laanee Korowii ɛ cheɡ nɛra baa dɛ nyin o wa.”

2 Kɔrent 13:1

N tooro tenaa nɔ maa dɛ ba ń ba chɔɔ heya. N balaa, wobɛlbwa nɛra banɛ kɛɛ nɛra batoro aa di danseɛ a ta la, anee mɛɛ ba noe kɛ a ɛ kasinteŋ, ɡɛ Korowii Tɔn aa baɡla la.

Wepila 9:15

Asɛ ba pur Bɔnsam toroma banaarɛ la Korowii fa aa vɔɡ ba dɛɛ kpa awola tɔpere la. O do dɔŋhwere la ne tɔpere la ne korobie la ne bena la baa kpɔ pur ba bá kpoo nɛra. Ba bɔne harɛ ta nɛra bini bɔre atoro naa, banɔ la baa dɛ ba kpoora la ɛɛ tel bɔr beŋkpoŋ nɛraa.