Mumpar 40:19 - mzwDBL

¹⁹ Tɔpetooro wee la, kooro ɛɛ teŋe he nyuu, dɛ́ kpɔe ka saɡɛ daa ta, ásɛ jumbii ba di he ola.”

Mumpar 40:19 ပူးပေါင်းရင်းမြစ်များ

Mumpar 40:13

Tɔpetooro wee la, kooro ɛɛ lee dɛ́ berɛ kaa he ne he tombena ta. Ásɛ he kpɔ kooro numol do o nɔn ta kɛŋɔ he fa aa dɛ doo sen la.

Mumpar 40:17

Dɛ paanoo bwa soo siwi aa ɛ Ijipt kooro kwaa su wɛɡrɛ waa chɔŋɛ nyundua tenten la bini, asɛ jumbii ɛɛ dia.”

Mumpar 40:18

Belaa Josef chaŋe dɛ ŋɔ, “Kenii he deera la mun ɛɛ baɡle. Wɛɡrɛre atoro la cheɡɔɔ tɛ tɔpera atoro.

Mumpar 40:20

A habɔɔ tɔpetooro wee la, kooro la dɛ di o lola tɔpere, asɛ dɛ yerɛ o nomonome bwa. O le o sendoola nomoa la ne paanowɔɔra nomoa la, dɛ kpɔ ba ba o nɛra la sie.

Mumpar 40:22

asɛ dɛ teŋe paanowɔɔra nomoa la nyu ɡɛ Josef aa bola la.

Mumpar 41:13

Gɛ waa baɡle ya deera la mun la a ɛ ɡɛ. He berɔ kpɔ n toma do n nɔn ta, asɛ dɛ kpo paanowɔɔra nomoa la.”

2 Samoɛl 21:10

Aeya bihaah Rispa, waa ɛ Kooro Sɔɔl sɛno, kpɔ lweyal paɡri tɔ bwe bɛl ta, dɛ so o lɔɡa dɛɛ daah nɛra baa serewa la. Le jaaɡe koma mumpar ka tel kɛŋɔ bwaala aa nɛa la, o ta ɡelɛ jumbii dɔ ba ola di webaŋa, kɛɛ kpɔɡ bini olchɔɡa ba dia jwaana.

2 Samoɛl 21:6

Anomanta, lawɛ o naanar banuanɛ baa ɛ baala tɛ yaa yá kpoo ba dɛ́ saɡ ba Korowii sie Gebea waa ɛ Kooro Sɔɔl bwɛɛ nɔ ta.” Asɛ kooro chaŋe ŋɔ, “Mɛɛ lee baa tɛ heya.”

Sɛɡla 30:17

Nɛn o siwi aa wola o mɛɛ tɔɡɛ wɛɛ mamɔ, dɛ berɛ nyiŋi o nya dɛɛ vah la, ɛɡreree dɛ́ foromi o sibie, ásɛ kokosakire di o ola.

Ɛsekeɛl 39:4

Israel bwejena taa hɛɛ ba sewa, he ne he laa tena bwa, ne harɛre ta laa tena baa ja he nɛɛ bwa. Mɛɛ kpɔe tɛ jumbii ne kpɔɡ bini olchɔɡa aa di konlala, he ɛ a kondikwa.

We-ɛɛla 20:27

dɛkalkɛŋɔ n ta waa Korowii aa dɛ nyin la wobɛlbwa kpɔe sɔh heya.

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Josua 10:26

Ate, Josua kpoo koranar la, dɛ kpɔ ba saɡre daa anue ta, ba saɡre ɡɛ naa, dɛ ka tel jɔmɔra.

Josua 8:29

O ɡelɔ ba saɡɛ bwɛjen Ai kooro daa ta, ka tel jɔmɔra. Wee aa baa jo la, o ɡelɔ ba fooru dɛ kpɔɔ ka ta Ai doonyojen baa cheɡɛ o ta dɛɛ jo bwɛɛ la ta la. Ba pa bwea dawɛ o nɛɛ a daŋɛ, dɛ ta chɔ bela ba le fini.

1 Samoɛl 17:44

“Ba bonɔ, mɛɛ kpoe ásɛ jumbii ne kpɔɡ bini ola di he ola!”

1 Samoɛl 17:46

Fini tɔpere nɔ, Korowii ɛɛ kpɔe do n nɔn taa, ásɛ n kpoe dɛ́ teŋe he nyu. Ásɛ jumbii ne kpɔɡ bini ola ba di he ne Filisti laa tena bwa ola, ásɛ harɛre nɛra bwa jemɛ kɛŋɔ Korowii Israel tena aa dɛ tomɔ la lole.