Mumpar 39:4 - mzwDBL

⁴ Anomanta, Pɔtefa sie lɛ o nɛ asɛ dɛ kpɔɔ ɛ o bonɔɔ, dɛ ɡel wɛɛ nyiŋi o dem ne o komɛlbwa waa dɔa ta.

Mumpar 39:4 ပူးပေါင်းရင်းမြစ်များ

Mumpar 15:2

Anee Abram ŋɔ, “Nemenɛ Korowii, bɔkwa konee hɛɛ ba kpɔe tɛ mɛ ó ɡwaa kɛŋɔ maa wola bie lolɛ bwa nɔɔ? N bonɔɔ Eliesa waa le Damaskɔs laanee dɛɛ ba n kapɛrɛ dii.

Mumpar 18:3

dɛ ŋɔ, “Nomonome, dɛ men maa ɛ he bie chɛo kɛŋɔ hé choɡ mɛ naa, he bɛ men ɡarɛ ta kaa.

Mumpar 19:19

He sune n nɛɛ kohona dɛ ɡel n dɔ n nyu, kɛ bwea nɔ dor bela haa dɛ baɡle nɔ jaŋne kohona kɛŋɔ, n ne bela tela dɛ siswɛm nɔ puu mɛ n sewɛ.

Mumpar 24:2

Asɛ o ŋɔ o bonɔɔna bwa nomoa waa dɛ nyiŋi o komɛlbwa ta dem bela la be ŋɔ, “Gɔɔ nɔɔra nyundua,

Mumpar 32:5

o dɔ nae ne keeɡore, ne boohna ne peera dɛ nɛndɔɔla baala ne haahna bwa. Taraken, o dɛ tomɛ nɛra ŋɔ ba ba bol hen haa ɛ o dɔɔ be, ásɛ he jemɛ o waa dɛ́ lɛo silɛɛ ne.”

Mumpar 33:10

Anee Jekɔb ɡe ŋɔ, “Akai, n dɛ soŋe dɛ he sie lɛ n nɛɛ tenaa he kpɔ. Taraken maa nae nɔ, a denɔ ɛɛ mɛ kɛŋɔ maa na Korowii ken.

Mumpar 33:8

Esɔ bɔɔro ŋɔ, “Nɛra maa chem ba ba kpɔ kondɛɛra damanta dɛɛ kaa la ɡe sɛ?” Anee Jekɔb chaŋe ŋɔ, “N kpɔa dɛɛ ba ba tɛɛ ásɛ he sie lɛ n nɛ.”

Mumpar 39:8

Kɛ Josef ta sɛɛh, asɛ dɛ ŋɔ o nomoa haah la be ŋɔ, “N dɔɔ aa dɛ yarada mɛ kohona nomanta, o kpɔ komɛlbwa waa lɔ o dem bonɔ, ne o komɛlbwa waa dɔa do n nɔn ta, waa wola a waa lii kpa.

1 Koranar 16:9

Kooro Ɛla bonɔɔ bɛl baa dɛ yerɔ Simri, dɛ onee dɛɛ nyiŋi kooro kwaa aa do kɛŋɔ torɔɡore ba vɔwɛ dɛɛ pɛl jaɡre ane ta. O ɛ kooro dɔm. Dɛ Kooro Ɛla lɔ nomoa bɛl baa dɛ yerɔ Arsa dem dɛ nyɔ sen dɛɛ. Dɛ Aasaa dɛɛ nyiŋi koodem waa lɔ bwɛjen Tirsa ta.

Ɛsta 2:9

Heɡai sie lɛ Ɛsta nɛɛ kɛrɛdɛ o waa su o siwi, anomanta, o do sie nyiŋu ɡɛ aa chɛa. Buɡ la ta, o tɛo kwaa waa kpɔ dɛɛ di toli, ne kondikondɛɛɡa wɛ́ɛ di, dɛ berɛ tɛo haahna banuanɛ dɛ le koodem bela báa tomɔ, dɛ kpɔ ba ka do haahna dobɔr bela waa wera kɛrɛdɛ.

Sɛɡla 14:35

Kooro bɛlbwa siwi dɛ su o bonɔɔ waa jemɛ wa. O dɛ tɛr onɔ la waa dɛ ɛ sihihwaa deŋne.

Sɛɡla 16:7

Dɛ nɛn waa dɛ su Korowii siwi aa, o ɡelɔ deŋnesɔɔhna ɛɛ ba o ne o dɔma kwaraa baah ta.

Sɛɡla 17:2

Yom waa jemɛ waa la, dɛ nyiŋi o dɔɔ bie o wa aa wola kɛrɛdɛ doe nɛ, o dɛ dɔ kapɛrɛ kwaa aa ɛ bii la kwaa la ane.

Sɛɡla 22:29

Nɛn waa jemɛ nɔn toma kɛrɛdɛ la, koranar tomaa wɛɛ ɛ, waa nɛnsale toma ɛ.

Sɛɡla 27:18

Dɛ he nyiŋi fiɡ daa ta kɛrɛdɛ naa, he dɔ o nɔna dɛɛ di, ɡɛɛ dɛ bonɔɔ tomɛ o dɔɔ kɛrɛdɛ naa, wɛɛ dɔ sɔn.

Sɛɡla 3:4

He ɛ ɡɛ naa, hɛɛ dɔ sɔndɛɛɡee Korowii ne nɛra bwa be.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

Rut Tɔn 2:6

Anee o chaŋe ŋɔ, “Bitolo bɛl waa le Moab harɛ ta dɛ teŋɛ Naomi nɛɛ ba laanee.

1 Samoɛl 16:22

Ate, Kooro Sɔɔl ɡel ba ka ŋɔ Jese be ŋɔ, “Gel Devid so n be dɛɛ tom mɛ, n sie dɛ lɛ o nɛ.”

1 Samoɛl 2:26

Samoɛl nao dɛ ɡee kpeɡ, o waa do wer Korowii ne nɛwɛnyini bwa be.