Mumpar 38:26 - mzwDBL

²⁶ Juda ɡe nao kɛŋɔ onee, asɛ dɛ ŋɔ, “Haah la waa toɡrɔ ɡwaa mɛ. N na n wechɔɡa maa ɛa kɛŋɔ maa wola ɡelɛ o yalɛ n bibaa Seela la.” A habɔɔ la, o ta o be laŋɛ kpa.

Mumpar 38:26 ပူးပေါင်းရင်းမြစ်များ

Mumpar 37:33

Waa nyiŋa na la, o jemɔ asɛ dɛ chaŋe ŋɔ, “N bie batakaaree kpela! Olchɔɡe bɛl lawɔ chwe, o ka toɡri o bini.”

Mumpar 38:14

Asɛ o foo o laala waa doa so doŋa ta la bil, dɛ kpɔ kon waa chaahna bɔle nyu, dɛ ka so bwɛɛ Enaem doonyoa, Temna ŋwɛnɛ ta. Dɛkalkɛ dɛ o nao kɛŋɔ Seela kpeɡo, asɛ ba ɡe ta on kpɔe tɛo ŋɔ o yalɔ.

Mumpar 4:1

Adam la o haah Hawa be, asɛ o kpoŋe tea dɛ lolɛ bie, asɛ haah la lii o nyu bini ŋɔ, “Korowii alaworomɛ, n dɔ bibaa, dɛ pa o sɔn Keen.”

2 Samoɛl 16:22

Anomanta, ba baŋre tɛnte dea koodem bela saldoa tɛ Absalɔm, asɛ o lawɛ o mɛɛ sɛnanar la chɔ Israel tena la bwa siwi ta.

2 Samoɛl 20:3

Kooro Devid aa bera kaa o koodem Jerusalam la, o lawɛ o sɛnanar fi baa dɛ daah koodem la do dea, baa daah ba. Dɛ o dɛ tɛɛ ba komɛlbwa kɛ dɛ o ne baa chɔ. Ba chɔ dea ka tel ba serewe wee, kɛŋɔ luhaahna ken.

2 Samoɛl 24:17

Kooro Devid aa na ɡɛ nyundua torome la aa dɛ kpoo nɛra la, o soŋe Korowii ŋɔ, “N Naa Korowii, menee ɛ wechɔɡa dɛ di bolchɔɡe. Nɛra nɔ baa do kɛŋɔ peera nɔ laa ɛ waane. Kpɔ deŋnetɛra bɛlbwa ba ta n ne n haahna ne bii nɛ, dɛ́ ɡel he nɛra Israel tena.”

Job Tɔn 4:5

He ɡe kwaa bala fini, dɛ kpɔ bambichɔɡa ba ta he nɛɛ la.

Job Tɔn 40:5

N bol waa kpee he ta men chaŋɛ, dɛ bol nɛɛ, kɛ taraken maa waa bol kpa.”

Ɛsekeɛl 16:52

He ne he sihiih so, he ɡelɔ he nimanar waa do wer ɡwaale, dɛkalkɛ he wechɔɡa kan ɡwaa ba kwa. A do kɛŋɔ ba waa toɡrɔ kɛrɛdɛ ɡwaale. Sihiih kpoe, he di ncho, he nimanar waa berɔ toɡre ɡwaale.’ ”

Habakuk 1:13

He do ɡoroŋ kohona, haa soɡee dɛɛ nyiŋi waa aa ɛ wechɔɡa. Haa wechɔɡa nyin. Ɛrɛɛ hɛɛ ba nyoa tɔe, dɛ́ nyiŋi nɛnchɔɡa bá chɔɡ nɛra ba wechɔɡa aa wola doe kɛ ban ɔ?

Matiu 3:8

Hɛ́ɛ ɛ waa aa dɛ chaɡle kɛŋɔ he charɛ he liire le he wechɔɡa ta.

Amanesoma Jɔn Aa Chwera Tɔn 8:9

Waa ŋɔ ɡɛ la, bɛlbwa lii o wechɔɡa waa ɛa. Bɛlbwa ta wone kpɔ kon forɔ kpa, dɛ bwa peɡre. Ba nomonomee tɔ sie dɛ kaa beŋkpoŋa beŋkpoŋa a ba tel bechale nɛɛ dɛ ba tonɛ, a ba ka Yeesu ne haah la o ta che bela ɡɛ.

Tɔn Pɔɔl Aa Chwerɛ Rom Tena 13:12

Tɔpere waa kaa bɔr chaah la aa kanɛ kpa. Tɔɔ perɔ tonɛ. Hé ɡel ya ɡel waa aa ɛ biro bini waa ɛɛ, dɛ́ kpɔ bochaah laala do dɛ́ won yo biro bini wa.

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

1 Samoɛl 24:17

O ŋɔ, “He waa toɡrɔ dɛ ɡwaa mɛ. He te nyiŋi n nɛɛ kɛrɛdɛ, kɛ menee wola hen nyiŋe.”

1 Samoɛl 24:18

Kooro Sɔɔl ŋɔ, “Namee he baɡle wedɛɛɡa haa ɛɛ mɛ bwa, Korowii kpɔ mɛ do he nɔn ta, kɛ he ta men kpoe.