Mumpar 37:34 - mzwDBL

³⁴ Belaa Jekɔb loo ku o laa o batakaare kɛɛ, dɛ kpɔ lweyal tɔ dɛ ɛ o bie la lwe dɛ la sie.

Mumpar 37:34 ပူးပေါင်းရင်းမြစ်များ

Mumpar 37:29

Rubin aa bera la kɔlɔŋ la ta dɛ ka na kɛŋɔ o toole bela la, asɛ o laa o batakaare kɛɛ, a baɡle kɛŋɔ o loo kuu.

Mumpar 42:38

Ate Jekɔb ŋɔ, “Maa sɛh he kpɔ n bie nɔ kaa, o dɔɔ toole, o ɡboo kaa. N ɡe hwɛɛhrɔ tonɛ. Wobɛlbwa kaa ɛo ŋwɛnɛ ta bela haa dɛ kaa nɔ naa, n ne n tebinichɔɡee dɛɛ ba sewa.”

Mumpar 44:13

A we ba nɛ, ba laa ba laala kɛɛ, a baɡle kɛ ba tea bini chɔɡɔ, dɛ kwaa vɔwɛ ba bone choɡ keeɡore la, dɛ laa berɛ ba bwɛjen la ta.

2 Samoɛl 1:11

Belaa Devid ne laa tena baa ja o nɛɛ bwa kɛɛ ba laala a baɡle kɛ ba loo kuu.

2 Samoɛl 3:31

Ate, Kooro Devid ŋɔ Joab ne nɛra baa ja o nɛɛ la be ŋɔ, “Hé kɛɛ he laala dɛ́ kpɔ lweyale tɔ á baɡle kɛŋɔ he loo kuu dɛ́ tɔ Abna lale sie.” Kooro Devid ɡbabir ɡe teŋɛ lale la nɛ.

1 Koranar 20:31

Kooro Bɛn Hadad nomonome la o be dɛ ka ŋɔ, “Ya noɔ kɛŋɔ Israel koranar dɛ na nɛra sum. Gel ya kpɔ lweyale mile chara, dɛ kpɔ ɡboɡbie vɔwɛ nyuune, dɛ la kooro la be, o ken ɛɛ lɛɛ, dɛ bɛ hen kpo.”

1 Koranar 21:27

Kooro Ahab aa no waa Korowii keame Elaeja aa bola la, o laa o ɡbaɡba laala waa doa la kɛɛ dɛ ka kpɔ lweyal tɔ. O vɔwɛ nyoa dɛ tɔ o lweyal la dɛɛ chɔ, a baɡle kɛŋɔ o dɛ di suna.

2 Koranar 19:1

Kooro Hɛsɛkea aa no waa la, o ɡe laa o yal waa tɔɔ la kɛɛ, dɛ ka kpɔ lweyal tɔ dɛ ka jo Korowii Dea.

2 Koranar 2:12

Elaesa nao dɛ do lɔŋɔ yerɛ Elaeja ŋɔ, “N dɔɔ! N dɔɔ! Nɛn waa cheɡɛ Israel tena habɔɔ! He kaalɔ.” Elaesa ta on nae kpa. O kɛɛ o laala waa doa la bini anɛ, a baɡle kɛŋɔ o loo kuu kohona.

2 Koranar 22:11

Kooro la aa no Mmara Tɔn la bini waa la, o laa o laala waa doa la kɛɛ, a baɡle kɛ o loo kuu.

1 Webena 21:16

Kooro Devid ha sie nyiŋi dɛ na Korowii nyundua torome la kɛŋɔ waa cheɡɛ harɛ ne nyundua baah, dɛ pamɛ kere pa Jerusalam dɛɛ ba o chɔɡa. Dɛ Kooro Devid ne o nomonome tɔ lweyale, ba cholo dɛ kpɔ sie pi harɛ.

1 Webena 7:22

Ba mɛɛ Efrem ɛ ba lwe biɡri, asɛ o lolanar ba larawe o bwara.

Nehemia 9:1

Korobinuanɛ la tenten, tɔpera fifraanɛ dɛ anaarɛ ta, Israel tena chemo dɛ vɔwɛ nyoa, dɛ kpɔ lweyale tɔ, dɛ ɛ teera do ba nyuune ta, a baɡle kɛŋɔ ba tea bini chɔɡɔ ba wechɔɡa wa.

Job Tɔn 1:20

Job aa no ɡɛ la, o ir che dɛ laa o batakaare kɛɛ, a baɡle kɛ o loo kuu, dɛ fonɛ o nyu. Ate, dɛ chɔ kpɔ sie pi harɛ, dɛ jam Korowii,

Job Tɔn 16:15

N tɔ lweyal dɛɛ wi, Korowii pɔ n nɛɛ n so bomboɡ ta.

Job Tɔn 2:12

O daamanar la aa dɛ ba, dɛ che bojaŋ nao la, ba ta on jemɛ. Ba wio kohona, dɛ laa ba laala kɛɛ, dɛ ɛ tɔɔ do ba nyuune ta, a baɡle kɛ ba loo kuu.

Yela 69:11

N tɔ lweyal asɛ baa mam mɛ.

Aesaya 32:11

Haahna haa lɔ bosɔɔhna ta la bwara ɛɛ sao he ɔmɛ. Hé wur he laala ta, dɛ́ kpɔ lweyale mile chara.

Aesaya 36:22

Ate, Eliakim ne Sɛbna dɛ Joa kɛɛ ba laala, a baɡle kɛ ba loo kuu, dɛ la Kooro Hɛsɛkea be, dɛ ka bol waa Asiiria koojen laa sitɔɔ la aa bola la o be.

Jeremia 36:24

Kɛ ane a bwa, kooro ne nɛra baa ja o nɛɛ dɛ no waa nɔ la, ta ɔmɛ, a ba ɛ kɛ baa tea bini ɛɛ chɔɡoo.

Jeremia 48:37

Ba bwa fonɛ ba nyuune, dɛ fonɛ ba tampona ɡe, asɛ dɛ mɔne ba nɔɔra keri ne, bɛlbwa kpɔ lweyal tɔ, a bwa baɡle kɛŋɔ ba lɔ lwe ta.

Joel 2:13

He bɛ he laala kɛɛ á baɡle he suna dii, hé ɡel he suna dii baɡle kɛ he bambile chɔɡɔ.” Hé charɛ he liire dɛ́ berɛ ba Korowii haa dɛ tomɔ be, o bambile too dɛ dɔ tedoma tɛ nɛn. O baah aa di warawara, o nyina ta jaɡa dɔe. O kpɔ nɛra wechɔɡa dɛɛ kɛ ba saŋ bɛlbwa, waa wola ba deŋne tɛr.

Matiu 11:21

“Korasen tena, hé bwɛɛlɛ. Hɛɛ na waa taeh! Bɛtsaeda tena, hé ɡe bwɛɛlɛ. He ɡee na waa taeh! Nyokpowaa nɔ maa ɛa he bini nɔ, dɛ Taaya ne Sidonee n fee ɛa nɔ naa, ba fe charɛ ba liire le ba wechɔɡa ta biɡri, dɛ tɔ lweyale dɛ kpɔ tɔɔ fɔɡɛ ba bwara bwa.

Matiu 26:65

Belaa Sɔfonomoa la laa o ɡbaɡba laala waa doa la laa kɛɛ dɛ ŋɔ, “Hé no musu wa! Bɔkwa danseɛ yá berɛ dɛɛ nyin jaɔ? Kɛ he bwa no musu waa nɔ waa dena bol nɔ?

We-ɛɛla 14:14

Banabas ne Pɔɔl aa no ɡɛ waa nɔ la, a ɛɛ ba anebɛlbwa, asɛ ba kpɔ tebinichɔɡ kɛɛ ba ɡbaɡba batakaani, ɡɛ ba bwɛɛ tena yon dɛɛ ɛ la, dɛ lɔ jo nɛra la bini sibeɡra ne, dɛɛ bol waa takpeɡ ne dɛɛ ŋɔ,

Josua 7:6

Ate, Josua kɛɛ laala waa doa la, dɛ kpɔ sie pi harɛ Korowii Ne Nɛwɛnyina Fɔo Daka la sie, dɛ chɔ bela ka tel jɔmɔra. Israel nomonome la ɡe ɛ ɡɛ, ba ne Josua bwa ɛ teera do ba nyuune ta a baɡle kɛŋɔ ba loo kuu.

Wepila 11:3

O danseɛ tena banɛ lole, dɛ tɔ lweyale. Wɛɛ tɛɛ ba kpeɡrii bá baɡle o waa la tɔpera kaɡboŋ lafraanɛ fifraanumɛl.”

Sitɔɔla 11:35

Waa na o bihaah la, o tea bini chɔɡɔ, o laa laala waa doa la kɛɛ dɛ do lɔŋɔ ŋɔ, “Aa, n bie! He ɡelɔ n loo ku! N baɡɛ Korowii nyoa maa wola won berɛ nyoa kpa.”