Mumpar 37:26 - mzwDBL

²⁶ Anee Juda ŋɔ o bala la be ŋɔ, “Dɛ ya kpo ya nime nɔ dɛ tɔ a ta naa, bɔkwa tɔnɔɔ yaa ba dɔe yɔ?

Mumpar 37:26 ပူးပေါင်းရင်းမြစ်များ

Mumpar 25:32

Anee Esɔ chaŋe ŋɔ, “Sewaa mɛɛ ba sewa la, bɔkwaa nomonome dii ɡe ɛɛ ba wona ɛɛ mɛ nɔ?”

Mumpar 37:20

Hé ba ya kpoo, dɛ́ kpɔɔ ta kɔlɔŋ nɔ bɛl nee aa wola toole o bini nɔ bini, dɛ́ ka ŋɔ olchɔɡe bɛl lawɔ chwe, dɛ́ na ɡɛ o deera waa deera la aa dɛ ba chiɡa.”

Mumpar 4:10

Asɛ Korowii berɛ ŋɔ, “Ɛrɛɛ he ɛ waa aa do ken nɔɔ? He nime chal aa le harɛ la ta la dɛ baɡle kɛŋɔ he ɛ wechɔɡa a chɛ kɛŋɔ ń bɔe a kem.

Mumpar 4:9

Belaa Korowii bɔɔ Keen ŋɔ, “Leperaa Ebel dɔɔ?” Anee Keen ŋɔ, “N nɔn ta laa n nime do mɛɛ nyiŋi o nɛ. Maa jemɛ bela waa lole.”

Mumpar 40:15

Kpeɡri nee ba kpɔ mɛ le Hibru tena harɛ ta, dɛ ba n ne Ijipt bonɔ. Maa lɔ bonɔ ɡe nɔ, n ta waa maa ɛa a chɛ kɛ ba do mɛ dea nae.”

Mumpar 42:21

Dɛ ba dɛ bol dɔŋa be ŋɔ, “Taraken waa yaa dɛ na nɔ bwa le waa ya fa aa kpɔa ɛ ya nime Josef la. Ya na wenaale waa lɔ a ta dɛ soŋe yaa, kɛ ya ta noɛ. Anee ɡela ya ɡee na ɡɛ waa nɔ taraken la.”

Mumpar 50:20

He te la, he lii n ne wechɔɡa, kɛ Korowii ɡelɔ a berɛ wedɛɛɡa, ɡɛ aa ɛ ó won lɛ nɛndamanta mkpa ɡɛ waa ɛa fini nɔ.

2 Samoɛl 1:16

Dɛ Devid fa bol baa la be ŋɔ, “He waa haa ɛa laanee ɡure he nyu ta la. Waa aa le he nyoa he ŋɔ henee kpo nɛn Korowii aa cheɡo kora ta laanee ɛ danseɛ.”

Job Tɔn 16:18

Dɛ n sewaa, bɛ nɛra baa ɛɛ mɛ wechɔɡa kpɔ kɛ ba! Bɛ ɡel wii maa dɛ wi n kasinteŋ waa la ta tɔ.

Yela 30:9

“Dɛ n sewɔ ba huɡ mɛ naa, tɔnɔ besoo aa ba lee dɛ́ tɛɛ nɔ? Nɛn sewaa, wɛɛ won kpɛɛre ja aa? Wɛɛ won bol he wedɛɛɡa, aa wola jaɡa dɔe la waa ja aa?

Jeremia 36:25

A lole kɛŋɔ Ɛl Netan ne Delaya dɛ Gemaria soŋe kooro la ŋɔ o bɛ tɔn la fuh, kɛ o ta ba be noɛ.

Jeremia 41:8

Ba bini fi soŋe Ismael ŋɔ, “Bɛ yaa kpoo! Ya dɔ mea ne ɔleve no dɛ tooh a sɔh kpɔɡ bini.” Anomanta, o ɡel ba.

Ɛsekeɛl 24:7

Ba kpoo nɛra bwɛjen la ta, ba chale chɔ bwea ta, harɛpɛɛ ta laa a chɔ, ásɛ teera tɔ a ta.

Matiu 16:26

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ? Bɔkwaa nɛwɛnyini ɛɛ ba wona kpɔ dɛ́ charɛ o nyu ɔ?

Tɔn Pɔɔl Aa Chwerɛ Rom Tena 6:21

Dɛ wechɔɡa ɡboo hɛɛ ɛ. Taraken nɔ, a waa dɛ ɛ heyaa sihiih. A ɡɛ waa nɔ, dɛ tɔnɔ besoo a dɔ tɛ heya ɔ? Waa aa lɔ ɡɛ wechɔɡa nɔ habɔɔ laanee seo.

Mmarare 17:8

Dɛ waane bole pae baa do kpeɡri tɛ nɛra baa bol waa dɛɛ pa bole he bwɛɛre la ta, kɛŋɔ nomɛl aa saahna kpo o dɔŋ kɛɛ waa wola saahnɛ, kɛɛ laala ane wa aa lɔ bɛl ne o dɔŋ baah ta, kɛɛ nomɛl aa saahna do o dɔŋ bol kɛɛ waa wola saahnaa, hé kpɔ la bela Korowii haa dɛ tomɔ aa lea tɛ heyaa la,