Mumpar 37:20 - mzwDBL

²⁰ Hé ba ya kpoo, dɛ́ kpɔɔ ta kɔlɔŋ nɔ bɛl nee aa wola toole o bini nɔ bini, dɛ́ ka ŋɔ olchɔɡe bɛl lawɔ chwe, dɛ́ na ɡɛ o deera waa deera la aa dɛ ba chiɡa.”

Mumpar 37:20 ပူးပေါင်းရင်းမြစ်များ

Mumpar 37:19

Ba ŋɔ dɔŋa be ŋɔ, “Deera te laanee ka dɛ ba la.

Mumpar 37:26

Anee Juda ŋɔ o bala la be ŋɔ, “Dɛ ya kpo ya nime nɔ dɛ tɔ a ta naa, bɔkwa tɔnɔɔ yaa ba dɔe yɔ?

Mumpar 37:32

asɛ dɛ kpɔ ka chaɡle ba mɛɛ dɛ ŋɔ, “Batakaare nɔɔ ya na, nyiŋi na kɛŋɔ he bie la kon laanee kɛɛ?”

Mumpar 37:33

Waa nyiŋa na la, o jemɔ asɛ dɛ chaŋe ŋɔ, “N bie batakaaree kpela! Olchɔɡe bɛl lawɔ chwe, o ka toɡri o bini.”

Mumpar 45:3

A habɔɔ la, Josef ŋɔ o dɔɔranar la be ŋɔ, “Menee Josef. N mɛɛ ta lole naa?” Waa bɔɔ ba ɡɛ la, ba ta wone chaŋe wobɛlbwa, dɛkalkɛ ɔmee laɡ ba.

1 Koranar 13:24

Waa chiɡ ŋwɛnɛ ta dɛɛ kaa la, o ne nyujente kaa cheme asɛ nyujente la kpoo. O lale chɔ ŋwɛnɛ baah ta bela o keeɡo la che bela nyujente la ɡe che lale la jwɛh.

2 Koranar 2:24

Asɛ Elaeja ke nyiŋ ba dɛ taah ba Korowii sɔn ne, asɛ sisirere anɛ le daa ane bini, dɛ ba kpoo bii la bini fifraanaarɛ dɛ banɛ dɛ toɡri ba ola.

Yela 64:5

Ba dɛ do dɔŋa ɡbemba ba wechɔɡa vɔrɔwa ta, dɛɛ baɡle bela baa kpɔ kwaa baa kpɔ haɡre bela la sɔh. Ba yon ŋɔ, “Nomɛlbwa aa yaa na.”

Sɛɡla 1:10

N bie, dɛ wechɔɡ-ɛɛra dɛ doe hé ɛ wechɔɡa aa, bɛ sɛh.

Sɛɡla 1:16

ba ɡbaŋre wechɔɡa ɛɛ ta, baa won ba te lawɛ nɛŋkpoa ta.

Sɛɡla 10:18

Nɛn waa hah o dɔŋ dɛɛ tɔh la ɛ nyosonteŋni, asɛ nomɛlbwa waa dɛ taa nyokpɛl la ɡɛnɔ.

Sɛɡla 27:4

Nɛn o baah aa dɛ di wɛɛ tɔ waa wel la, o nyu bini kpeɡri dɛɛ chɔɡ wa, kɛ bɔweela te ɡwaalo.

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Sɛɡla 6:17

nɛn waa nyiŋi nɛn dɛɛ vah, ne nyosonteŋni, ne nɛŋkpoa,

Aesaya 28:15

He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”

Amanesoma Jɔn Aa Chwera Tɔn 3:12

Aah dɛ maa dɛ bol waa aa lɔ harɛ ta bonɔɔ haa wola men yarada nɔ, dɛ n bol waa aa lɔ Korowii doa aa, ɛrɛɛ hɛɛ ba ɛɛ dɛ won yarada a te nɔ?

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

1 Samoɛl 24:20

N jemɔ kɛrɛdɛ kɛŋɔ henee dɛ́ di kora Israel harɛ, dɛ harɛ la ɛɛ cheo kɛrɛdɛ naa, he bee aa ba lee.

1 Samoɛl 26:2

Anomanta, Kooro Sɔɔl le Israel laa tena kaɡboŋa batoro baa jemɛ yoi Sif pua hɛŋle ɡbo harɛ ta bela dɛ́ ka ɡaaɡe Devid bɔr.