Mumpar 37:14 - mzwDBL

¹⁴ O mɛɛ ŋɔ o be ŋɔ, “La dɛ́ ka na he dɔɔranar ne ɡɛ kondɛɛra la aa doa, ásɛ dɛ ba bol n be.” O tomɔ le Hɛbrɔn Fɛlembɔjen bɔr pera dɛ kaa Sɛkem.

Mumpar 37:14 ပူးပေါင်းရင်းမြစ်များ

Mumpar 35:27

Asɛ Jekɔb la o mɛɛ Aesek be Mamre, waa bɛne Hɛbrɔn bela Abraham ne Aesek fa aa soɡa ka la.

Amanesoma Luk Aa Chwera Tɔn 19:42

O wio ŋɔ, “Alako he fe jemɛ ɡɛ haa ɛ dɛ́ dɔ bosɔɔhna fini! Korowii kpɔɔ sɔh heya, anomanta, haa won jemɛ.

Yela 125:5

Kɛ dɛ he tɛr nɛnchɔɡa deŋne aa, tɛr nɛra baa vɛh he waa ta teŋa la ɡe deŋne. Israel tena, Korowii tɛ heyaa deŋnesɔɔhna!

Jeremia 29:7

Hɛ́ɛ nyin wedɛɛɡa ne waa aa ɡel he soɡa bini do wer, bwɛjena maa ɡela ba lawɛ heyaa ka so a ta la ta. Hé che ba naa ta soŋe le n be dɛɛ tɛɛ ba, dɛkalkɛ dɛ ba wobɛlbwa wer dɛɛ tɛɛ ba, ba nɔn bini do wer aa, anee dɛ́ ɡel he ɡe nɔn bini do wer.

1 Koranar 2:33

Korowii ɡel ba deŋnetɛra ba dawɛ Joab ne o naanar nyu ta saŋ bɛlbwa dɛɛ la. Kɛ Devid ne o naanar ne o dem dɛ o kora te, Korowii tɛɛ ba deŋnesɔɔhna.”

2 Samoɛl 18:32

Anee Kooro bɔɔro ŋɔ, “N bibaa Absalɔm dɔ o nyu tenaa?” Asɛ Itiopia te la chaŋe ŋɔ, “N naa, n dɛ nyin kɛŋɔ anɔ la aa puu la, ɡe pu he dɔma bwa.”

Josua 14:13

Ate, Josua swee andɛɛɡa tɛ Jefune bibaa Kaleb, dɛ kpɔ bwɛjen Hɛbrɔn tɛo ŋɔ ó ɛ o kapɛrɛ kon.

Nɛra Kura 13:22

Ba kpɔ Nɛɡɛv waa ɛ pua hɛŋle ɡbo harɛ weekaŋle harɛbɔr dɛ ka tel Hɛbrɔn. Dɛ nɛra bane baa dɛ yer ba Anak naanar soɡe bela. Banee Ahiman ne Sɛsae dɛ Talmai tena. Dɛ ba vɔrɔwe Hɛbrɔn bene anuanɛ mɔɔ dɛ vɔrɔwe Soan waa lɔ Ijipt harɛ ta.

Mumpar 41:16

Anee Josef ŋɔ, “N naa, n laa dɛ́ baɡle deera nɔ mun. Korowiirii dɛ́ won baɡle a mun tɛɛ.”

Mumpar 29:6

Anee Jekɔb bɔɔ ba ŋɔ, “O lea aa?” Ba ŋɔ, “O bwara kpeɡri.” Ba ŋɔ, “Nyiŋi na, o bihaah baa dɛ yerɔ Rakɛl la ne o peeraa dɛɛ ba la.”

Mumpar 23:2

Keenan harɛ ta bobɛl baa dɛ yerɛ bela Kiriat Aaba, dɛ berɛ dɛɛ yerɛ bela Hɛbrɔnee o ka sewɛ. Asɛ Abraham la ka ɛ o lwe dɛ wiu.

Mumpar 13:18

Asɛ o ir bela waa soɡa la, dɛ ba so dajena ane mun Mamre, o bɛne bwɛɛ bɛl sɔne Hɛbrɔn. Asɛ o kwaa kon waa kpoo kwaa dɛɛ ɛ saraha o ta tɛ Korowii bela.

Josua 14:15

Ba fa dɛ yerɛ Hɛbrɔn, bwɛjen Aaba. Dɛ Aaba ɛ nɛnjen tenten Anak tena la bini. Ate, deŋnesɔɔhna berɛ ba harɛ la ta.

Mumpar 23:19

A habɔɔ la, Abraham huɡe o haah Saara bwebɔɔ la ta. Belaa baa yerɛ Hɛbrɔn, o do Keenan harɛ ta la.

Mumpar 37:15

Waa le Sɛkem dɛ kaa ɡaaɡe ba bɔr la, baa bɛl nao kɛŋɔ waa lɔ kpɔɡ bini bela dɛɛ ɡaaɡe. Asɛ dɛ bɔɔro ŋɔ, “Bɔkwaa hɛɛ nyin bonɔ nɔ?”

Josua 14:14

Kaleb yarada Korowii Israel tena aa dɛ tomɔ o bambile bwa ne kɛrɛdɛ, anomanta, Korowii kpɔ bwɛjen Hɛbrɔn tɛo. O naanar ta soɡe bela ba le fini.

Sitɔɔla 1:10

Ba berɔ ka pu Keenan tena baa soɡe bwɛjen Hɛbrɔn la yo, dɛ pɔ Sɛsae ne Ahiman dɛ Talmai deene tena nɛ.

2 Samoɛl 11:7

Uria aa bala la, Kooro Devid bɔɔro ɡɛ Joab ne laa tena la bwara aa doa, ne laa la bini waa ɡe bwa.

Mumpar 43:27

Asɛ o bɔɔ ba ɡɛ ba bwara aa doa dɛ berɛ ŋɔ, “Hé fa bol he mɛɛ wa n be. Ɛrɛɛ o bwara doɔ? O ta soɡe le o bwara do kpeɡri aa?”

1 Samoɛl 17:22

Devid kpɔ o kondikwaa ja nɛn waa dɛ nyiŋi ba laala ta la, dɛ chwa kaa o dɔɔranar be laa la ta, dɛ ka na ɡɛ baa doa.

Ɛsta 2:11

Tɔpere bɛlbwaa Mɔdekae yon le o dem dɛ́ la haahna dobɔr la sie bela, dɛ́ ka valɛ la sie dɛɛ ba habɔɔ kɛŋɔ o ken ɛɛ na Ɛsta dembaah belaa ɡɛ waa doa.