Mumpar 36:8 - mzwDBL

⁸ Asɛ Esɔ ka so Edom harɛ ta deŋɡarere ta.

Mumpar 36:8 ပူးပေါင်းရင်းမြစ်များ

Mumpar 14:6

Ba yo nɛra bane ɡe baa dɛ yer ba Hɔr tena baa lɔ deŋɡarere harɛ Sɛɛ ta, dɛ kpɔ ka le bwɛɛ Ɛlparan waa bɛne pua hɛŋle ɡbo harɛ bɛl ta, dɛ pɔ ba nɛ.

Mumpar 25:30

Belaa o ŋɔ Jekɔb be ŋɔ, “Ɛ warane dɛ́ tɛ mɛ he kondikonswɛɛma nɔ ane. Dɛkalkɛ lɔr dɛ kpo mɛ taeh. Anomanta, ba kpɔɔ dɛɛ yerɛ Edom. O munii kɛŋɔ konswɛm.”

Mumpar 32:3

Belaa Jekɔb tomɛ toroma ŋɔ bá tɔ o sie dɛ́ kaa o dɔɔ Esɔ be. Dɛ Esɔ soɡe harɛ bɛl baa dɛ yerɛ bela Edom.

Mumpar 32:4

Jekɔb do toroma la ŋɔ bá ka ŋɔ o be ŋɔ, “He bonɔɔ Jekɔb ŋɔ, o kaa so Laban be, belaa o do dɛ ba le fini,

Mumpar 36:1

Kenii Esɔ baa bera dɛɛ yerɔ Edom la bii ne o naanar waa do.

Mumpar 36:43

ne Maɡdiel dɛ Iram. Banee di kora Edom. Gɛ baa sosoɡa ba harɛre ta ne ɡɛ bɛlbwa wobol baa dɛ bol laanee la. Esɔ ɛ ba bwa naa.

Mumpar 36:9

Kenii Esɔ waa ɛ Edom tena naa la bii ne o naanar teŋɛ dɔŋa nɛ.

1 Webena 4:42

Belaa Simeon dea tena nɛra lafraanue ne ba nomonome, Pɛlatea ne Nearia ne Refaya ne Usiel baa ɛ Isi bibaala tɔ ba sie, ba ka yo harɛ bɛl baa dɛ yerɔ Sɛɛ waa ɛ deŋɡarere harɛ.

2 Webena 20:10

Taraken, Amɔn ne Moab ne Edom tena balɔ dɛ́ ba yo yaa. Ya naawa fa aa le Ijipt harɛ ta dɛɛ ba la, he ta ɡelɛ ba jo ɡɛ harɛre la ta. Ba valɔ dɛ bar ba, dɛ ɡel ba kpoora.

2 Webena 20:23

Amɔn ne Moab laa tena pɛo, dɛ yo Edom laa tena dɛ kpoo ba bwa kwaraa. Baa kpoo ba tonɛ la, ba berɛ sie dɔŋa be dɛɛ kpoo dɔŋa, ka tel kɛŋɔ ba bwa aa tona.

Jeremia 40:11

Juu tena bwa baa lɔ Moab ne Amɔn ne Edom, dɛ harɛre aa jaa nɛra aa noa kɛ Babelɔn kooro ɡel nɛra bane Juda harɛ, dɛ le Ahikam bibaa Gedalia, o nabaa aa ɛ Safan wɛɛ nyiŋi ba nɛɛ la,

Obadia 1:1

Waa aa dɛ ba Edom harɛ ta chiɡa Nemenɛ Korowii kpɔ baɡle Obadia laanee nɔ. Ya noɔ ɡɛ Korowii aa bol Edom harɛ wa. O tomɛ o torome bɛl harɛre nɛra be ŋɔ, “Hé ir, ya kpɔ ya te ka pu Edom tena yo.”

Obadia 1:3

He mbarafo neɡre heya. He soɡe bɔɔne bini bwejena dor, dɛ yon ŋɔ, ‘Umee dɛ́ won ba n ne harɛ nɔ?’

Malakae 1:3

dɛ hah Esɔ ne o naanar baa ɛ Edom tena. A habɔɔ Esɔ aa baa dɔ deŋɡarere harɛ ta so la, asɛ n chɔɡ bela bwa o berɛ kalampoŋare sobɔr.”

Mmarare 2:22

Korowii ɛ ɡɛ tenten tɛ Esɔ naanar baa soɡe Sɛɛ ɡe. O kpoo Hɔr tena ba siwi ta, dɛ ɡel ba so ba buɡ ta ba le fini.

Mmarare 2:4

A ka tama hé ka kpɔ he lolanar baa ɛ Esɔ naanar dɛ do Sɛɛ harɛ jwɛh ta kaa. Baa dɛɛ ɔmɛ heyaa, kɛ hé nyiŋi kɛrɛdɛ.

Mmarare 2:5

He bɛ yoi kpɔ puu ba, maa ɡel he dɔ ba harɛ la naɡale del ɡba. N dɔɔ kpɔ bela tɛ Esɔ naanar.

Josua 24:4

asɛ Aesek lolɛ Jekɔb ne Esɔ. N kpɔ Edom deŋɡarere harɛ tɛ Esɔ, asɛ Jekɔb te ne o bibaala kaa Ijipt harɛ ta.

1 Samoɛl 14:47

Kooro Sɔɔl aa baa di kora dɛɛ nyiŋi Israel tena nɛɛ la, o yo dɔma baa baro cheme la bwa. Moab ne Amɔn tena ne Edom ne Soba koranar, dɛ Filisti tena. Bobɛlbwa waa ka yo la, o dɛ pɔ ba nɛ.