Mumpar 35:5 - mzwDBL

⁵ Jekɔb ne o bii aa dɛ ba bela ira la, Korowii ɡelɔ ɔmee kohona chole nɛra baa lɔ bwɛɛre aa bɛne bela tena bwa nɛ ba ta wone ti ba dɛ ɛɛ ba wobɛlbwa.

Mumpar 35:5 ပူးပေါင်းရင်းမြစ်များ

Kaala 23:27

Mɛɛ ɡeloo ɔmee kohona chole he dɔma nɛ, ásɛ harɛ bɛlbwa ta tena haa ka chem ba bwa wili. Mɛɛ ɡeloo he dɔma bwa berɛ habɔɔ, dɛ́ chwa kaa.

2 Webena 17:10

Korowii kpɔ ɔmee ta harɛre aa bar Juda la nɛ kɛŋɔ, bá la ka yo Kooro Jehosafat laa.

Yela 14:5

Baa ɔmɔɔ ba bwara ɛɛ sa, jae Korowii aa ja nɛra ba wa aa toɡra la nɛɛ wa.

Josua 5:1

Amɔre tena baa lɔ Jɔɔdan Moo la wee cholibɔr koranar, ne Keenan tena baa lɔ Mɛdetereenea Mpo nyoa koranar aa noa kɛŋɔ Korowii ɡelɔ Jɔɔdan Moo la teŋe, asɛ Israel tena won ɛɡɛ le o baŋ la, ba jum jaoh, ba hwɛɡa bwa tonɛ kɛŋɔ ba ne Israel tena aa won yo.

Mmarare 11:25

Nomɛlbwa toole dɛ́ won che he sie. Korowii ɛɛ ɡeloo bobɛlbwa haa kpɔ la nɛra ɛɛ ɔmɛ heyaa kohona, ásɛ a ka ɡɛ, ɡɛ waa baɡɛ nyoa la.

Kaala 34:24

Mɛɛ doŋi harɛre nɛra baa lɔ he siee, dɛ́ kpɔ ba harɛre ja he kon ta o berɛ do kan. Hé iro dɛɛ ba men Korowii sie kera atoro la aa, nomɛlbwa aa lii kɛŋɔ wɛɛ ba yo heyaa dɛ́ lɛ he harɛ.

2 Webena 14:14

Ate, ba chɔɡ bwɛjeɡre aa bar Gerar la bwa, dɛkalkɛ Korowii ɡelɔ ɔmee kohona chole ba nɛ. Ba jo bwɛjeɡre la ta dɛ pa ba laala, dɛkalkɛ dɛ laala lɔ bela kɛrɛdɛ.

1 Samoɛl 14:15

Belaa ɔmee kohona chole laa tena la bwa nɛɛ baa chel, banɔ la baa lɔ bela baa baŋre ba tɛnte deene ne banɔ la baa lɔ kpɔɡ bini, dɛ nɛra baa laŋa dɛɛ la ka yo bwa. Korowii ɡelɔ harɛ jiɡri ɔmee kohona chole ba nɛ.

1 Samoɛl 11:7

O lawɛ nabala anɛ kpo, dɛ chɛwa dɛ kpɔ tomɛ nɛra Israel harɛ ta bwa ŋɔ, “Nomɛlbwa waa wola Samoɛl ne Sɔɔl nɛɛ teŋɛ la, kenii baa ba o nae kpoe dɛ chɛwa.” Korowii ɡelɔ ɔmee kohona chole ba bwa nɛ, asɛ ba pɛ nyoa ba ja Samoɛl ne Sɔɔl nɛ.

Mumpar 34:30

Asɛ Jekɔb ŋɔ Simeon ne Lewi be ŋɔ, “He nyin waa dɛ ba dawɛ n nɛ, dɛ ɡel dɔm ba chɔ n ne Keenan ne Pɛrɛs tena baa soɡe harɛ nɔ ta la baah ta. Yaa wola kanɛ nɔ, dɛ ɡɛ nɛra nɔ kaa pɛ nyoa ŋɔ bá ba yoo mɛ naa, amɔ dɛ ya bwaa dena dɛɛ ba hee laɔ.”

Mumpar 35:4

Anomanta, ba pa ba voɡa aa lɔ ba be la bwa ne deŋna kwaa baa doa la tɛ Jekɔb. Asɛ o huɡe a ɡɛ laala la bwa dajen bɛl waa cheɡa bɛne bwɛjen Sɛkem la mun.

Mmarare 2:25

Fini tɔpere nɔ, mɛɛ pa munii dɛ́ ɡel harɛre bwa nɛra baa no he waa la ɛɛ ɔmɛ kohona, dɛ́ kpɔ ɔmee ne bochela ta ba nɛ.’

Yela 105:14

Kɛ Korowii ta ɡelɛ nomɛlbwa fiɡ ba, ba lɛɛ nomanta, o kah koranar ŋɔ,

2 Webena 14:13

asɛ Kooro Asa ne o laa tena ti ba ka tel Gerar. Korowii ɡelɔ ba kpoo Itiopia laa tena la warɛ, ba kar ta wone yo kpa, asɛ ba pa ba laala.