Mumpar 35:3 - mzwDBL

³ Ya dɛ ba bonɔ ira dɛ́ kaa Bɛtel ka so. Mɛɛ ɛ kon baa dɛ ɛ saraha o taa dɛɛ tɛ Korowii waa cha mɛ ɡɛ saŋ waa puu mɛ dɛ ja n nɛɛ bobɛlbwa maa laŋa la.”

Mumpar 35:3 ပူးပေါင်းရင်းမြစ်များ

Mumpar 28:15

Berɛ lii kɛŋɔ mɛɛ teŋɛ he nɛɛ, dɛ́ tɔ he nɛɛ bobɛlbwa haa dɛ ba kaala, dɛ́ berɛ ba he ne harɛ nɔ ta ja. Maa hen ta bwa, nemenɛ n ɛ waa maa baɡɛ nyoa la.”

Mumpar 31:3

Belaa Korowii ŋɔ Jekɔb be ŋɔ, “Berɛ kaa he lolanar bini, he naawa harɛ la ta. Mɛɛ teŋɛ he nɛɛ.”

Mumpar 31:42

Korowii n nabaa Abraham ne n mɛɛ Aesek aa tomɔ la laa teŋɛ n nɛɛ aa, he fe ɡelɔ n kpɔ nɔŋɡbala kaa. Kɛ Korowii na n wenaale ne n toma maa ɛa, a waa dɛ jwaana ne o ba pa bole la.”

Mumpar 32:24

asɛ dɛ ɡbo ka baŋ bela. Belaa baa bɛl ba jwiiru, ba kpoŋe dɔŋa bini awola jwaana la ne, dɛ ka tel kɛŋɔ aa baa ka tama ásɛ bɔr chaah.

Mumpar 32:7

Jekɔb aa no ɡɛ la, o ɔmɔ kohona o bwara yɔr, asɛ dɛ bɔne o nɛra la ne peera ne nae, dɛ nyoɡmare la bini bɔre anɛ.

Mumpar 35:4

Anomanta, ba pa ba voɡa aa lɔ ba be la bwa ne deŋna kwaa baa doa la tɛ Jekɔb. Asɛ o huɡe a ɡɛ laala la bwa dajen bɛl waa cheɡa bɛne bwɛjen Sɛkem la mun.

Mumpar 35:7

Asɛ dɛ ɛ kon baa dɛ ɛ saraha o ta tɛ Korowii bela, dɛ pa bela sɔn El Bɛtel. O munii Bɛtel Korowii. Dɛkalkɛ Korowii kpɔ o te baɡlo ŋwɛnɛ ta ɡɛ saŋ waa chwaa dɛɛ le o dɔɔ be la.

Mumpar 48:15

Asɛ o soŋe tɛ Josef ŋɔ, “Korowii n mɛɛ Abraham ne Aesek aa tomɔ la swee bii nɔ andɛɛɡa. Korowii waa dɛ nyiŋi n nɛɛ, dɛ ba le fini tɔpere nɔ swee ba andɛɛɡa.

Yela 107:6

Asɛ ba wahala nae bini la, ba wi no Korowii, asɛ o lɛɛ ba le suna baa dɛ di ta.

Yela 107:8

A chɛ kɛ bá kpɔ jam tɛ Korowii, o nyina aa wola jaɡa dɔe, ne nyokpowaa waa ɛa tɛɛ ba la wa,

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Sɛɡla 3:6

Wobɛlbwa haa dɛ ɛ la, lii Korowii wa, ásɛ o baɡle ŋwɛnɛdɛɛɡe hé kpɔ o ta.

Aesaya 30:19

Saayɔn tena, nɛra haa soɡe Jerusalam, haa wi kpa. Korowii dɛ na he sum. He wio noo waa, buɡ la ta, wɛɛ no he bee.

Aesaya 43:2

He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

1 Samoɛl 10:3

He le bela dɛɛ kaa laa, hɛɛ ka tel dajen bɛl waa lɔ bwɛɛ Tabɔ munii. Hɛɛ ka pu baala batoro bane baa dɛ kaa bwɛjen Bɛtel ka ɛ saraha tɛ Korowii. Ba bini bɛl lawɛ bombiire atoro teŋɛ o nɛ, nɛɛte kpoŋe paanoo atoro, asɛ toorote la ɡe kpoŋe sen aa lɔ oltɔn pur bini.