Mumpar 35:27 - mzwDBL

²⁷ Asɛ Jekɔb la o mɛɛ Aesek be Mamre, waa bɛne Hɛbrɔn bela Abraham ne Aesek fa aa soɡa ka la.

Mumpar 35:27 ပူးပေါင်းရင်းမြစ်များ

Mumpar 13:18

Asɛ o ir bela waa soɡa la, dɛ ba so dajena ane mun Mamre, o bɛne bwɛɛ bɛl sɔne Hɛbrɔn. Asɛ o kwaa kon waa kpoo kwaa dɛɛ ɛ saraha o ta tɛ Korowii bela.

Mumpar 23:19

A habɔɔ la, Abraham huɡe o haah Saara bwebɔɔ la ta. Belaa baa yerɛ Hɛbrɔn, o do Keenan harɛ ta la.

Mumpar 18:1

Awola webaŋkpela bɛl, Abraham soɡe o tɛnte dea doonyoa Mamre dajena la bɔr, asɛ Korowii berɛ ba o be ja.

Josua 15:13

Jefune bibaa Kaleb waa le Juda dea tena bini la dɔ harɛ la pera, ɡɛ Korowii aa do Josua la. Bwɛjen Hɛbrɔn waa ɛ Aaba kon laanee ba kpɔ tɛ Kaleb. Anak tena nabaalee a ɡɛ Aaba nɔ.

Mumpar 23:2

Keenan harɛ ta bobɛl baa dɛ yerɛ bela Kiriat Aaba, dɛ berɛ dɛɛ yerɛ bela Hɛbrɔnee o ka sewɛ. Asɛ Abraham la ka ɛ o lwe dɛ wiu.

2 Samoɛl 5:5

Waa soɡe Hɛbrɔn la, o di kora Juda bene anuanɛ korobie anumɛl, asɛ Jerusalam ɡe, o di kora Israel ne Juda bwa bene fifraatoro dɛ atoro.

2 Samoɛl 5:3

Anomanta, Israel nomonome la bwa ba Kooro Devid be Hɛbrɔn, o ne ba fɔwɛ fɔo Korowii sie bela, asɛ ba fuɡe noo do Devid nyu ta dɛ cheɡo kora ta Israel harɛ.

2 Samoɛl 5:1

Israel deene la bwa ba Kooro Devid be Hɛbrɔn dɛ ba ŋɔ, “Ya bwa ɛ he lolanar dɛ ɛ nɛmbeŋkpoŋ.

2 Samoɛl 2:11

Kooro Devid di kora Hɛbrɔn Juda dea harɛ ta bene anuanɛ korobie anumɛl.

2 Samoɛl 2:3

O berɔ kpɔ laa tena baa ja o nɛɛ la ne bɛlbwa haah ne o bii, asɛ ba ka so Hɛbrɔn ne bwɛɛre aa baro la ta.

2 Samoɛl 2:1

A habɔɔ la, Devid bɔɔ Korowii ŋɔ, “N Naa Korowii, mɛɛ won la ka so Juda bwɛɛre nɔ bɛl ta naa?” Anee Korowii chaŋo ŋɔ “Ɔɔh.” Asɛ Devid berɛ bɔɔ ŋɔ, “Bwɛ besoo ta nɔ?” Anee Korowii ŋɔ, “Ka so Hɛbrɔn.”

Josua 21:11

Bwɛjen Kiriat Aaba waa lɔ Juda dea deŋɡarere harɛ ta, ne ba kondɛɛra dibɔraa Israel tena kpɔ tɛɛ ba. Anak nabaa sɔne Aaba.

Mumpar 28:5

Belaa Aesek ta Jekɔb ŋwɛnɛ o kaa Mɛsopoteemea harɛ ta Bɛtoɛl bibaa Laban be. Rebɛka waa lolɛ Jekɔb ne Esɔ la dɔɔree. O ɛ Aram te.

Mumpar 14:13

A habɔɔ la, nɛra baa chwaa la bini bɛl ba Abram waa ɛ Hibru te la be, dɛ ba bol ɡɛ waa la o be. Dɛ o soɡe Mamre dajena ane aa lɔ Amɔre te bɛl harɛ ta la mune. Dɛ Mamre ne o nimanar Ɛskɔl ne Aner bwa ja Abram nɛ baa cha dɔŋa laa ta.

Mumpar 31:18

dɛ kpɔ o kondɛɛra waa dɔa Mɛsopoteemea harɛ ta bwa, ne komɛlbwa waa dɔa ɡe ja dɛɛ kaa o mɛɛ Aesek be Keenan harɛ ta.

Mumpar 37:14

O mɛɛ ŋɔ o be ŋɔ, “La dɛ́ ka na he dɔɔranar ne ɡɛ kondɛɛra la aa doa, ásɛ dɛ ba bol n be.” O tomɔ le Hɛbrɔn Fɛlembɔjen bɔr pera dɛ kaa Sɛkem.

Mumpar 17:8

Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”

Mumpar 49:29

Ate, Jekɔb berɛ ŋɔ o bii la be ŋɔ, “Taraken, n dɛ ba sewa. N baa sewaa, hé ka huɡ mɛ n mɛɛwa huɡri bɔr o fa aa lɔ Hiti te Efron koo ta.