Mumpar 35:22 - mzwDBL

²² Waa kaa so harɛ la ta la, Rubin kaa lawɛ tolo baa dɛ yerɔ Bilha baa lawa tɛ o mɛɛ o ɛ o sɛno la chɔ, asɛ Jekɔb no. Bii fi dɛ banɛɛ Jekɔb lolɛ.

Mumpar 35:22 ပူးပေါင်းရင်းမြစ်များ

1 Webena 5:1

Jekɔb binomoa sɔne Rubin, dɛ onee biloɡle, kɛ waa lawɛ o mɛɛ haah chɔ la nomanta, ba laa o nomonome lɛ o be tɛ o nime Josef. A ɡɛ nomanta, o sɔn toole ɡɛ baa lol ba teŋɛ dɔŋa nɛɛ la ta.

Lewi Dea Tena 18:8

Bɛ he mɛɛ haah lawɛ chɔ. A ba ɡɛ naa, dɛ duure bɛlbwa toole he ne he mɛɛ baah ta.

1 Kɔrent 5:1

N dɛ no kɛ he bini bane dɛ bɔ jwamane aa wola were, hale nɛra baa wola Korowii tomɛ kwara aa wola ɡɛɛ ɛ. Ba ŋɔ he bini bɛl lawɛ o mɛɛ haah kwaraa dɛɛ chɔ.

2 Samoɛl 20:3

Kooro Devid aa bera kaa o koodem Jerusalam la, o lawɛ o sɛnanar fi baa dɛ daah koodem la do dea, baa daah ba. Dɛ o dɛ tɛɛ ba komɛlbwa kɛ dɛ o ne baa chɔ. Ba chɔ dea ka tel ba serewe wee, kɛŋɔ luhaahna ken.

Wepila 21:14

Bwea baa ma danjwɛɛ la chɔŋɛ a ta la lɔ fi dɛ anɛ, asɛ Pebie la toroma fi dɛ banɛ la ɡe sɔna dawɛ bwea la ta.

We-ɛɛla 7:8

Asɛ Korowii baɡle Abraham ŋɔ wɛ́ɛ teŋe o bii pena, ásɛ a ɡɛ waa la ɛ nawee dɛ́ che tɛ o ne Abraham fɔo la baa fɔwa la wa. A waa Abraham aa lolɛ o bie Aesek o dɔ yawanyoa beŋkpoŋ la, ba teŋe o pen. Aesek ɡe aa baa lolɛ o bie Jekɔb la, o teŋe o pen. Asɛ Jekɔb ɡe teŋe o bii fi dɛ banɛ baa ɛ ya deene nomonome la bwa pena.

Mumpar 35:18

Dɛ Rakɛl dɛ ba sewa, anomanta, o pa bie la sɔn Bɛn Oni. Bɛn Oni munii n wenaale bie. Asɛ o mɛɛ ɡe pa o sɔn Bɛnjamen. Bɛnjamen munii n nɔndiɡ bie.

Kaala 2:1

A ɡɛ saŋ baa dɛ kpoo Hibru bibaala ɡɛ la, baa bɛl le Lewi dea, dɛ mo a ɡɛ dea la haah,

Nɛra Kura 10:14

Juda dea ne deene aa ja ba nɛɛ tɔ sie, ba ne ba fraŋkaa. Asɛ Aminadab bibaa Naasɔn ɛ ba sitɔɔ.

Nɛra Kura 13:4

Nɛra waa tom ba la sɔnaa teŋa nɔ, Rubin dea, Sakur bibaa Samoa.

Mmarare 27:12

“Dɛ he baa ɛɡɛ Jɔɔdan Moo la le tonaa, Simeon ne Lewi ne Juda, ne Isaaka ne Josef dɛ Bɛnjamen deene tena che Geresim Bwejen ta, dɛ́ soŋe andɛɛɡa tɛ nɛra la bwa.

Mmarare 27:20

Bá berɛ ŋɔ, ‘Nomɛlbwa waa lawɛ o mɛɛ haah chɔ la, Kórowii taahno, dɛkalkɛŋɔ a do kɛŋɔ waa wur o mɛɛ ken.’ Ásɛ Israel tena la bwa chaŋe ŋɔ, ‘Aamen!’

Sitɔɔla 5:14

Bane le Efrem dea harɛ ta dɛ le Amalɛk tena luɡe ta, bane le Bɛnjamen dea harɛ ta dɛ ba, laa sitɔɔla le Makir harɛ ne Sebulon dea harɛ ta dɛ ba.

1 Samoɛl 2:22

Sɔfo Eli baa hwɛɛh name, dɛ no waa o bibaala la aa kpɔa dɛɛ ɛ Israel tena bwa, ne ɡɛ baa lawɛ haahna baa dɛ ɛ toma Korowii Dea Cheremibɔr doonyoa bela dɛɛ chɔ.

2 Samoɛl 13:21

Kooro Devid aa no waa nɔ la, o baah diu kohona.