Mumpar 34:30 - mzwDBL

³⁰ Asɛ Jekɔb ŋɔ Simeon ne Lewi be ŋɔ, “He nyin waa dɛ ba dawɛ n nɛ, dɛ ɡel dɔm ba chɔ n ne Keenan ne Pɛrɛs tena baa soɡe harɛ nɔ ta la baah ta. Yaa wola kanɛ nɔ, dɛ ɡɛ nɛra nɔ kaa pɛ nyoa ŋɔ bá ba yoo mɛ naa, amɔ dɛ ya bwaa dena dɛɛ ba hee laɔ.”

Mumpar 34:30 ပူးပေါင်းရင်းမြစ်များ

Mumpar 12:12

dɛ ya jo bwɛɛ nɔ ta ba na n ne hen, dɛ jemɛ kɛŋɔ he jaaree men naa, baa kpo mɛɛ dɛ́ ɡele.

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Mumpar 12:6

Baa tel Keenan la, Abram ɡaaɡe harɛ la ta dɛ ka tel dajen bɛl mun More, o lɔ bwɛjen Sɛkem, dɛɛ nyin wɛɛ tomɛ Korowii bela. A ɡɛ saŋ baa tel bela la, dɛ Keenan tena soɡe harɛ la ta.

Mumpar 13:7

A ɡɛ nomanta, naɡra chole Abram bonɔɔna baa dɛ nyiŋi o kondɛɛra ta la, ne Lɔt bonɔɔna baa dɛ nyiŋi o ɡe kwaa ta la baah. Gɛ saŋ dɛ Keenan harɛ tena ne nɛra bane baa dɛ yer ba Pɛrɛs tena ta soɡe harɛ la ta.

Mumpar 34:2

Hivi tena Kooro Hamɔ bibaa Sɛkem nao dɛ lawɔ, dɛ ɡuɡru o ne o chɔ.

Mumpar 34:29

ne kondɔɔhkwaa te bwa ne haahna ne bechale, asɛ dɛ pa ba deene bini laala bwa dɛ chea kaa.

Mumpar 34:31

Anee ba chaŋe ŋɔ, “Yaa won so nyiŋi ba ɛ ya nimambie kɛŋɔ hanjwamane.”

Mumpar 46:26

Jekɔb naanar baa teŋɛ o nɛɛ dɛ la Ijipt la lɔ fifraanumɛl dɛ banumɛl. O bibaala haahna te ta jae.

Mumpar 46:27

Josef lolɛ bibaala banɛ Ijipt. Anomanta, dɛ ba jao waa, dɛ Jekɔb ne o bii dɛ o naanar baa la Ijipt la lɔ fifraanuanɛ.

2 Samoɛl 10:6

Amɔn tena la aa na Kooro Devid bandia kɛŋɔ o mee le ba we-ɛɛla ta la, ba kaa kpɔ Siiria laa tena kaɡboŋa fifraanɛ baa dɛ valɛ le bwɛjena Bɛt Rehob ne Soba, ne Maaka Kooro ne o laa tena kaɡboŋ, dɛ laa tena kaɡboŋa fi dɛ banɛ baa le Tob harɛ ta ɡe ba ba cha ba.

2 Samoɛl 16:21

Anee Ahetofɛl chaŋe ŋɔ, “La ka lawɛ he mɛɛ sɛnanar waa ɡel ba habɔɔ baa daah koodem la he ne ba chɔ. Anee dɛ́ ɡel Israel tena bwa no kɛŋɔ he ɛ he mɛɛ dɔm kɛrɛdɛ, dɛ́ ɡel nɛra baa ja he nɛɛ la bwara do kpeɡri name.”

1 Koranar 11:25

Kooro Solomɔn saŋ bwa dɛ Resɔn ɛ Israel tena dɔm, dɛ ja anɔ la Kooro Hadad aa ɛa la ta dɛ hah Israel tena. Anomanta, Resɔn di kora Aram harɛ ta dɛ ɛ Israel dɔm.

1 Koranar 18:18

Elaeja ŋɔ, “N laa ba waa ne Israel harɛ nɔ ta, he ne he mɛɛ dem nɛraa. Heyaa vɛh Korowii waa ta teŋa dɛ kaa teŋɛ voɡa Baalre nɛ.

1 Webena 16:12

Hé lii o nyokpowaa waa ɛa, o wejena ne o waa aa dɔ kasinteŋ la wa,

1 Webena 16:19

Gɛ saŋ dɛ Korowii nɛra aa kanɛ, dɛ ɛ hɔɔhra do Keenan harɛ ta,

1 Webena 19:6

Amɔn tena aa na Kooro Devid bandia kɛŋɔ o mee le ba we-ɛɛla ta la, Kooro Hanun ne Amɔn tena la kpɔ suuɡapoŋa a tɔɡre aa ɛ kilore kaɡboŋa lafraatoro fifraanaarɛ, dɛ kpɔ nyin kwaa aa do kɛ torɔɡore, ne laa tena baa dɛ so jaɡre ta le Mɛsopoteemea ne Siiria bwɛɛre Maaka ne Soba ba.

1 Webena 2:7

Kaami ɡe lolɛ bibaa, o sɔne Akan. Onee kpɔ kwaa baa lea cheɡ tɛ Korowii berɛ o kwa, dɛ ba waa ne ba tɛ Israel tena la.

Yela 105:12

Gɛ saŋ dɛ Korowii nɛra aa kanɛ, dɛ ɛ hɔɔhra do Keenan harɛ ta.

Kaala 5:21

Asɛ ba ŋɔ Mosis wa be ŋɔ, “Korowiirii dɛ tɛr he deŋne kɛŋɔ haa ɡela kooro ne o nomonome hah yaa la. A deno do kɛŋɔ haa kpɔ keri do ba nɔɔra ta ŋɔ bá kpoo yaa ken.”

Sɛɡla 11:17

Nɛn o wa aa wera dɛ́ dɔ kɛrɛdɛ, nyubinikpeɡ te dɛ ha o ɡbaɡba.

Sɛɡla 11:29

Nomɛlbwa waa kpɔ waa dɛɛ dawɛ o dem tena nɛɛ la dɛ chɔ pɛɛ. Gɛɛ a do ɡɛne ɛɛ berɛ wejereme bonɔɔ.

Sɛɡla 15:27

Nɛn waa dɛ nyin kafo la kpɔ waa dɛɛ ba o ne dem tena nɛ, kɛ nɛn waa kia kɛ ba yawɔ sen la ɛɛ so lee.

Mmarare 4:17

kɛɛ ol waa lɔ harɛ nɔ ta, kɛɛ jumbii aa dɛ ɡah,

Mmarare 4:27

Korowii dɛ́ ba heyaa lɔe peɡre ja harɛre ta, he bini tama banee dɛ́ ba ka.

Mmarare 7:7

Wara laa he warɛ Korowii koh a waa nyin heyaa dɛ le heyaa kɛ o nɛra, heyaa fe wola kanɛ kwaraa.

Josua 7:25

Asɛ Josua bɔɔro ŋɔ, “Ɛrɛɛ he tɛ yaa waa ken? Fini he ne Korowii ɛɛ dɔɔ taeh.” Israel tena bwa foɡro bwea dɛ kpoo, dɛ foɡre ba kabora, dɛ pɛ fuh ba bwa.

1 Samoɛl 13:4

Anomanta, Israel tena la bwa aa noa kɛŋɔ Sɔɔl kpo Filisti tena laa nomoa bela o ne o laa tena aa soɡa la, Filisti tena hah Israel tena kohona. Israel laa tena la bwa baa cheme, dɛ ka ja Sɔɔl nɛɛ Gelɡal.

1 Samoɛl 16:2

Anee Samoɛl ŋɔ, “Dɛ n laŋɔ Kooro Sɔɔl noɔ kɛ n ba bela aa, wɛɛ kpo mɛɛ.” Anee Korowii ŋɔ, “Lawɛ nalor ásɛ he laŋaa, he ŋɔ he dɛ ba ba kpo ɛ saraha tɛ men Korowii.”

1 Samoɛl 27:1

Devid baa lii o nyu bini ŋɔ, “Tɔpebɛl Kooro Sɔɔl ɛɛ ba kpo mɛɛ. Chwae chɛ kɛ ń chwa kaa Filisti tena harɛ ta ka so. Anee dɛ́ ɡel ó ɡel n bɔr ɡaaɡa Israel harɛ ta bobɛlbwa, dɛ bɛ men dɔ lawɛ.”

1 Samoɛl 27:12

Kooro Akis yarada Devid, asɛ dɛ lii o nyu bini ŋɔ, “O nɛra Israel tena haoh kohona nomanta, wɛɛ so n bee dɛ́ tom mɛ dɛɛ la.”