Mumpar 33:17 - mzwDBL

¹⁷ Kɛ Jekɔb te kaa Sukot harɛ ta, dɛ ka do o dea, asɛ dɛ do patare tɛ o kondɛɛra ɡe. A waa ba pa bela sɔn Sukot la. O munii patare.

Mumpar 33:17 ပူးပေါင်းရင်းမြစ်များ

Yela 60:6

Korowii bol waa o Dea bela waa do ɡoroŋ la dɛ ŋɔ, “Mɛɛ yo bwɛjen Sɛkem tenaa, dɛ́ pɔ ba nɛ, dɛ́ bɔne o ne Sukot Fɛlembɔjen bini tɛ n nɛra.

Sitɔɔla 8:5

Ba kaa tel Sukot, asɛ o ŋɔ bela tena be ŋɔ, “Hé tɛ n nɛra nɔ kondikwaa bá di. Ba koɔh taeh, kɛ n ta dɛ ti Midian tena koranar Seba ne Salmuna.”

Josua 13:27

Jɔɔdan Fɛlembɔjen ta ɡe, bwɛjena Bɛt Haram ne Bɛt Nimra ne Sukot dɛ Safɔn, dɛ Kooro Sihon waa di kora bwɛjen Hɛsbɔn la harɛ bwa. Jɔɔdan Moo la wee leebɔr, harɛ la teŋɔ kaa Galilia Moo nyoa.

Sitɔɔla 8:16

O lawɛ bwɛɛ la nomonome dɛ lɔɔ ba sɔɔhne ne jabalnadaŋɛre ne, dɛ tɛr ba deŋne bá kpɔ hweli wa.

Sitɔɔla 8:8

Waa le bela la, o la Pɛneɛl tena ɡe be, dɛ ka soŋ ba ɡɛ waa nɔ tenten, asɛ ba ɡe chaŋo ɡɛ Sukot tena aa chaŋo la.

1 Koranar 7:46

Jɔɔdan Moo deŋɡarere dor harɛ waa chɔa kaa dɛ do Sukot ne Saretan baah ta chooh ba kpɔ, dɛ charama ɛ komɛlbwa baa dɛ nyin dɛ fora bɔɔ, asɛ dɛ kpɔ ayaawa ɛ a bini.

Sitɔɔla 8:14

Gedeɔn lawɛ Sukot bonɔɔ bɛl dɛ bɔɔro nomonome baa lɔ Sukot wa. Asɛ o chwerɛ Sukot nomonome fifraanuanɛ dɛ banuanɛ sɔna tɛo.

Kaala 13:20

Baa le Sukot la, ba kaa baŋre ba tɛnte deene Etaam. O chɔ pua hɛŋle ɡbo harɛ ta nyoa bobɛl.

Kaala 12:37

Israel tena le Rameses waa lɔ Ijipt harɛ ta dɛ ba Sukot. Baala baa valɛ naa ta la ɡbo ɛɛ ɛ kaɡboŋa lafraanumɛlee. Haahna ne bechale te ta jae.

Mumpar 33:16

Awola tenten la, Esɔ ne o bonɔɔna la chiɡ ŋwɛnɛ ta dɛ kaa Edom harɛ ta.