Mumpar 32:28 - mzwDBL

²⁸ Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

Mumpar 32:28 ပူးပေါင်းရင်းမြစ်များ

Mumpar 17:15

Korowii berɔ ŋɔ Abraham be ŋɔ, “He haah sɔn laa Sarai kpa. Le fini dɛɛ kaa o sɔne Saara.

Mumpar 17:5

Baa hen Abramee yerɛ kpa, kɛ baa dɛɛ yerɛ Abraham, dɛkalkɛŋɔ henee mɛɛ ba ɡela he ɛ nɛnfuuh bwa mɛɛ.

Mumpar 25:31

Anee Jekɔb ŋɔ o be ŋɔ, “Hɛɛ kpɔ he nomonomee charɛ tenaa, mɛɛ tɛɛ.”

Mumpar 31:24

Korowii ba Laban be deera ta awola jwaana, dɛ ba ŋɔ o be ŋɔ, “Nyiŋi kɛrɛdɛ dɛ bɛ Jekɔb ba aah ŋwɛnɛ bɛlbwa ta.”

Mumpar 32:24

asɛ dɛ ɡbo ka baŋ bela. Belaa baa bɛl ba jwiiru, ba kpoŋe dɔŋa bini awola jwaana la ne, dɛ ka tel kɛŋɔ aa baa ka tama ásɛ bɔr chaah.

Mumpar 32:27

Baa la bɔɔro ŋɔ, “He sɔne ɛrɔɔ?” Anee o ŋɔ, “N sɔne Jekɔb.”

Mumpar 33:20

O ɛ kon baa ɛ saraha o ta dɛɛ tɛ Korowii bela, asɛ dɛ pa o sɔn ‘Korowii Israel tena aa dɛ tomɔ’.

Mumpar 33:4

Esɔ aa nao la, o chwao dɛ ka ɡbaaro pɛl o te dɛ kpɔ o nɔɔra dawɛ o vaama ta dɛ mo o lwɛɛma, ba bwa berɛ wi.

Mumpar 35:10

Belaa Korowii ŋɔ o be ŋɔ, “He sɔne Jekɔb, kɛ le fini dɛɛ kaa baa hen ɡɛɛ yerɛ kpa, baa berɔ dɛɛ yerɛ Israel.”

2 Samoɛl 12:25

anomanta, Korowii tomɛ o keame Netan ŋɔ ó pa bie la sɔn Jɛdidia.

1 Koranar 18:31

Elaeja pa bwea fi dɛ anɛ, bɛlbwa che tɛ Jekɔb bii fi dɛ banɛ baa cheɡa tɛ Israel deene la. Dɛ Korowiirii pa Jekɔb sɔn Israel.

2 Koranar 17:34

Ba ta dɛ ɛ ɡɛ waa la ba le fini. Baa Korowii tomɛ kasinteŋ ne, kɛɛ dɛɛ teŋɛ o Mmarare ne waa waa do ba a ta, dɛ kpɔa tɛ Jekɔb baa bera dɛɛ yerɔ Israel la naanar.

1 Webena 1:34

Abraham lolɛ Aesek. Aesek ɡe bibaala waa lol ba laanee, Esɔ ne Jekɔb.

Sɛɡla 16:7

Dɛ nɛn waa dɛ su Korowii siwi aa, o ɡelɔ deŋnesɔɔhna ɛɛ ba o ne o dɔma kwaraa baah ta.

Aesaya 43:1

Israel tena, Korowii waa ta heya la ŋɔ, “He bɛ ɔmɛ. Menee lɛ heyaa ta, n yerɛ he sɔn dɛ le heyaa tɛ n te. Men dɔ heya.

Aesaya 65:15

He sɔn ɛɛ berɛ tooh tɛ nɛra maa lee ba tɛ n te laanee. Men Nemenɛ Korowii ɡbaɡba ɛɛ kpoo heyaa, dɛ́ tɛ banɔ la baa dɛ duu mɛ kɛrɛdɛ la sɔnfale.

Nɛra Kura 13:16

A ɡɛ nɛra nɔɔ Mosis tomɛ ba ka sɔh nyiŋi harɛ la. Dɛ Mosis tɛ Nun bibaa Hosia sɔnfale bɛl baa yerɔ Josua.

Amanesoma Jɔn Aa Chwera Tɔn 1:42

O la Seemɔn ne Yeesu be. Belaa Yeesu nyiŋu dɛ ŋɔ, “He sɔne Seemɔn. Jɔn biee hen. Taraken baa dɛɛ yerɛɛ Sefas.”

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

1 Samoɛl 26:25

Ate, Kooro Sɔɔl ŋɔ Devid be ŋɔ, “N bie, Korowii swee andɛɛɡa tɛɛ, ásɛ wobɛlbwa haa ɛ la, á chiɡi kɛrɛdɛ.” Asɛ Devid chiɡ ŋwɛnɛ ta kaa, Kooro Sɔɔl ɡe berɛ kaa o dem.