Mumpar 31:7 - mzwDBL

⁷ O ɡarɔ faah mɛ n kembɔr dɛ beɡra kera fi. Kɛ Korowii ta on ŋwɛnɛ tɛɛ asɛ o won ɛɛ mɛ wechɔɡa bɛlbwa.

Mumpar 31:7 ပူးပေါင်းရင်းမြစ်များ

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Mumpar 20:6

Belaa Korowii ŋɔ o be deera ta ŋɔ, “Kpelaa. N ɡbabir jemɔ kɛŋɔ liichɔɡa laa he lii. Menee lawɛ kpoŋe, ásɛ he bɛ n nɛɛ jo. A waa n ta ɡelɛ he kpɔ he te leɡo la.

Mumpar 29:25

Jekɔb ne haah la aa kaa chɔ la, bɔr chaahnɔ mɔɔ o ta na kɛŋɔ Leaa o ne o chɔ la. Belaa o la Laban be dɛ ka bɔɔro ŋɔ, “Bɔkwa waa he ɛɛ mɛ ken? Rakɛl waa laa n koh dɛ ɛ he toma aa? Aah ɛrɛ he berɛ neɡ mɛ ken nɔɔ?”

Mumpar 30:28

Gel n jemɛ kembɔr maa chɛ kɛ n kpɔ tɛɛ, ásɛ n nyin tɛɛ.”

Mumpar 31:24

Korowii ba Laban be deera ta awola jwaana, dɛ ba ŋɔ o be ŋɔ, “Nyiŋi kɛrɛdɛ dɛ bɛ Jekɔb ba aah ŋwɛnɛ bɛlbwa ta.”

Mumpar 31:29

N fe dɔ ŋwɛnɛ kɛŋɔ ń won ɛɛ wechɔɡa, kɛ dɛ jwaana ne la, Korowii he mɛɛ aa tomɔ la kah mɛ ŋɔ n bɛ hen aah ŋwɛnɛ bɛlbwa ta.

Mumpar 31:41

Dɛ kenii mɛɛ na bene fifraanɛ la bwa n ne haa soɡa. Bene fi dɛ anaarɛɛ n ɛ toma dɛ dɔ he bihaahna banɛ, asɛ bene anumɛl ɡe n ɛ toma dɛ dɔ kondɛɛra. Anɔ bwa habɔɔ la, he beɡre n kembɔr kera fi.

Nehemia 4:12

Ate, Juu tena baa soɡa bɛne ya dɔma la ba ŋɔ ya be kera fi ne a habɔɔ bwa ŋɔ, “Bobɛlbwa haa kpɔ bwa, baa yo yaa.”

Job Tɔn 1:10

He kpɔ nɔn tɔ o ne o dem tena ne komɛlbwa waa dɔa nɛ. Dɛ swee andɛɛɡa tɛo o toma bɛlbwa ta, dɛ ɡel o kondɛɛra ya perɛ harɛ la bwa ta.

Job Tɔn 19:3

Saŋ bɛlbwaa hɛɛ chɛɡ mɛ, sihiih aa heyaa kpo ɡɛ haa dɛ sopa mɛ nɔ naa?

Job Tɔn 19:8

Korowii tɔ mɛ ŋwɛnɛ, n ta bɔr dɔe dɛ́ kpɔ, o ɡelɔ n ka biro ta dɛɛ nyin bɔr dɛ kaa.

Yela 37:28

Waa aa wera dɛ toɡre laanee Korowii ɛɛ nyin, waa nɛra ba wa aa dɔ kasinteŋ laanee ɡel. Korowii ɛɛ kpɔ nɔnee tɔ ba nɛ, saŋ bɛlbwa dɛɛ la, kɛ nyubinikpeɡ tena naanar te, wɛɛ doŋ baa le harɛ la ta.

Aesaya 4:1

Gɛ tɔpere la, haahna banuanɛɛ ka lɔɔ tɔ babeŋkpoŋ nɛɛ dɛ́ ŋɔ, “He te kpɔ he sɔn dawɛ ya nɛɛ dɛ mo yaa, dɛ laa sihihsɔn haŋkwii la kpɔ ya nɛ. Yaa hen kondikwaa waa pɛɛ, yaa hen yal waa pɛɛ.”

Aesaya 54:17

Dɔmkon bɛlbwa toole bá won kpɔ che he nɛɛ á maɡre. Nomɛlbwa waa kpɔ waa dawɛ he nɛɛ la, wɛɛ di bolchɔɡee. Mɛɛ che n bonɔɔna habɔɔ, bá di bole ba dɔma nɛ. Men Korowiirii bola.”

Daneɛl 1:20

Le ɡɛ saŋ dɛɛ kaa la, wobɛlbwa kooro la aa dɛ nyin a wejema ne waa mun noe waa la, o dɛ bɔɔ ba, asɛ dɛ na kɛŋɔ Daneɛl ne o bala batoro la wejema ɡwaa voɡra ne dobodobo tena baa lɔ o harɛ ta bwa kerafi.

Lewi Dea Tena 26:26

Mɛɛ ɡeloo kondikwaa waa do kpeɡri, ásɛ haahna fi pɛ wɔɔ he paanoo bwa kombeŋkpoŋ baa kpɔa dɛɛ wɔɔ paanoo bini. Baa maɡa tɛ heya he di haa vaɡre.

Sekaria 8:23

A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”

Nɛra Kura 14:22

nɛra la baa na n jirima ne nyokpowe-ɛɛla maa ɛa Ijipt harɛ ta ne pua hɛŋle ɡbo harɛ ta, ba ta n waa noe dɛ ta daah mɛ dɛɛ na hale kera fi bwa la,