Mumpar 31:42 - mzwDBL

⁴² Korowii n nabaa Abraham ne n mɛɛ Aesek aa tomɔ la laa teŋɛ n nɛɛ aa, he fe ɡelɔ n kpɔ nɔŋɡbala kaa. Kɛ Korowii na n wenaale ne n toma maa ɛa, a waa dɛ jwaana ne o ba pa bole la.”

Mumpar 31:42 ပူးပေါင်းရင်းမြစ်များ

Yela 31:7

N sie ɛɛ lɛo dɛ́ hɛɡre, nyina haa dɛ nyin mɛ la wa, dɛkalkɛ he na n wahala, dɛ jemɛ n weweele.

Mumpar 31:29

N fe dɔ ŋwɛnɛ kɛŋɔ ń won ɛɛ wechɔɡa, kɛ dɛ jwaana ne la, Korowii he mɛɛ aa tomɔ la kah mɛ ŋɔ n bɛ hen aah ŋwɛnɛ bɛlbwa ta.

Mumpar 31:53

Korowii ya nabaa Abraham ne Neehɔ aa tomɔ laanee dɛ́ bol ya baah waa dɛ́ pa bole.” Anomanta, Jekɔb ŋwɛɛ Korowii o mɛɛ Aesek aa ɔmɔ dɛ tomɔ la kɛŋɔ wɛɛ teŋɛ waa waa bola la taa.

Mumpar 29:32

Lea kpoŋe tea dɛ lolɛ bibaa dɛ pa o sɔn Rubin. O munii kɛŋɔ Korowii na wahala maa lɔ a bini. “Name te n jaa ɛɛ dɛɛ nyin mɛɛ.”

Aesaya 8:13

Jemɛ kɛŋɔ Men Nemenɛ Korowii do ɡoroŋ. Menee chɛ kɛŋɔ hɛɛ ɔmɛ.

Mumpar 31:24

Korowii ba Laban be deera ta awola jwaana, dɛ ba ŋɔ o be ŋɔ, “Nyiŋi kɛrɛdɛ dɛ bɛ Jekɔb ba aah ŋwɛnɛ bɛlbwa ta.”

Tɔn Jud Aa Chwera 1:9

Nyundua toroma bwa nomoa Maekel ɡba ta a dɔŋa ɛɛ bwa. O ne Bɔnsam aa dɛ yo dɛɛ tɔŋle dɔŋa Mosis lale waa dɛ́ jemɛ ba bini onɔ la waa dɔɔ la, Maekel kwaraa ta liire kɛ ó bol Bɔnsam wobochɔɡe. O waa waa bola bwaa kɛŋɔ, “Korowiirii dɛ́ dii kasinteŋ.”

1 Webena 12:17

Asɛ Kooro Devid ir ka chem ba dɛ ŋɔ, “Dɛ deŋnesɔɔhna nee hɛɛ ba n be dɛ́ ba cha mɛ naa, n sɛoh kɛŋɔ ya nyoa pɛ. Kɛ dɛ he balɔ, dɛ́ ba lee mɛ tɛ n dɔma maa wola wechɔɡe bɛlbwa lii nɔ tenaa, Korowii ya naawa aa tomɔ laanee dɛ́ tɛr he deŋne.”

Kaala 3:7

Anee Korowii ŋɔ, “N na sibeɡra kohona baa dɛ do n nɛra baa lɔ Ijipt. N no ba wii, dɛ le ba dɔɔranar tonchɔɡa baa dɛ do ba la ta, anomanta, ba waa hiah mɛ kohona.

Mumpar 31:12

Anee o ŋɔ, ‘Ha sie dɛ nyiŋi na, bombala bwa aa dɛ jwee la peeɡɔ dɛ lɛɡre. Dɛkalkɛ n na ɡɛ Laban aa dɛ ɛɛ bwa.

Mumpar 31:5

Asɛ o ŋɔ ba be ŋɔ, “N nao kɛŋɔ n ne he mɛɛ ta ɡɛ ya fa aa doa wubwa la doe kpa. Kɛ Korowii n naawa aa tomɔ la ta teŋɛ n nɛ.

Mumpar 27:33

Anee o mɛɛ kpɔ bochechela dɛ bɔɔro ŋɔ, “Aah dɛ umee kpɔ kpɔɡ bini ol dɛ daa ba tɛ mɛ laɔ? Gɛ kondikwaa laanee n di tonɛ, dɛ soŋe Korowii andɛɛɡa tɛ naate, dɛ he ɡe deno baa jo la. Kasinteŋ, o wobɛlbwa ɛɛ do werii tɛo!”

Mumpar 16:13

Korowii aa bol waa Heeɡa be la nomanta, o pa bie la sɔn ŋɔ, “Korowii haa dɛ na mɛ,” dɛ ŋɔ, “Korowiirii n na dɛ ta so le nɔ naa?”

Mumpar 16:11

Dɛ berɛ ŋɔ o be ja ŋɔ, “Bie lɔ he be. Hɛɛ lolɛ bibaalee dɛ́ pa o sɔn Ismael, dɛkalkɛ Korowii no he suna wii.

Mumpar 11:5

Asɛ Korowii tu ba harɛ dɛ ba na bwɛjen la ne dejaŋ nɛwɛnyina aa dɛ ma la ɡɛ waa kaa nyundua.

Mumpar 32:9

Belaa o soŋe Korowii ŋɔ, “Korowii n nabaa Abraham ne n mɛɛ Aesek aa tomɛ, hen ŋɔ n be ŋɔ ń berɛ kaa n bwɛ n lolanar bini, dɛ ŋɔ hɛɛ ɡeloo n wobɛlbwa do wer.

Mumpar 35:3

Ya dɛ ba bonɔ ira dɛ́ kaa Bɛtel ka so. Mɛɛ ɛ kon baa dɛ ɛ saraha o taa dɛɛ tɛ Korowii waa cha mɛ ɡɛ saŋ waa puu mɛ dɛ ja n nɛɛ bobɛlbwa maa laŋa la.”

Mumpar 46:1

Jekɔb kpɔ kwaa waa dɔa bwa, dɛ chiɡ ŋwɛnɛ ta, dɛ ba tel Beɛseeba. O kpoo kwaa ɛ saraha tɛ Korowii o mɛɛ Aesek aa tomɔ la bela.

Daneɛl 2:23

N Naa Korowii ya naawa aa tomɛ, n dɛ jaame dɛɛ kpɛɛre. He tɛ mɛ wejema ne kpeɡri, dɛ pili waa yaa soŋe bini baɡ mɛ, he ɡelɔ ya jemɛ kooro deera.”

Mmarare 15:13

Dɛ he tɛo ŋwɛnɛ aa, bɛ ɡel o kaa pɛɛpɛɛ.