Mumpar 31:38 - mzwDBL

³⁸ N ne he soɡoo bene fifraanɛ, he boohna ne peera maa nyiŋi a ta ɡe ya tɛɛ kɛrɛdɛ. N ta he pebal bɛlbwa ɡe kpoe di bwa.

Mumpar 31:38 ပူးပေါင်းရင်းမြစ်များ

Mumpar 30:27

Anee Laban ŋɔ o be ŋɔ, “Dɛ hɛɛ sɛoh waa, ɡel n ne he so. N nao kɛŋɔ he nomanta, Korowii swee andɛɛɡa tɛ mɛ.

Mumpar 30:29

Belaa Jekɔb ŋɔ o be ŋɔ, “He ɡbabir jemɛ ɡɛ maa tomɛ ka tel, ne ɡɛ maa nyiŋi he kondɛɛra ta a do wer nyiŋa maa nyiŋi a ta kɛrɛdɛ la wa.

Mumpar 30:30

A fa lɔ tamaa ken mɔɔ n ba, a berɔ ya kohona, asɛ Korowii tɛɛ hɛɛra bobɛlbwa maa dɛ la. Taraken, tɔpere telo kɛŋɔ n ɡbabir ɡe vɔrɔwe n dem.”

Mumpar 31:10

Peera la teene kpoŋa saŋ la, n deero dɛ na kɛŋɔ bombala aa dɛ jweera la peeɡɔ dɛ lɛɡre.

Mumpar 31:37

Haa nyiŋi n bone bwa bini nɔ, he dem kon besoo he na nɔ? Kpɔ bil n ne he nɛra baa lɔ bonɔ nɔ sie, ásɛ ba pa bole.

Mumpar 31:39

Anɔ la konchɔɡa aa dɛ kpoora bwa la, n ɡbabirii dɛɛ bɔe a kem. Anɔ la baa dɛ ŋwɛa webaŋa ne jwaana ɡe bwa la, he ɡelɔ mɛɛ bɔe a kem.

Kaala 23:26

Ásɛ nomɛlbwa aa har ta kɛɛ dɛ ɛ hambara he harɛ la ta. Mɛɛ tɛ heyaa mkpajaŋ tentenee.

Mmarare 28:4

Wɛɛ swee andɛɛɡaa tɛ heya dɛ́ tɛ heyaa lol, dɛ́ berɛ ɡel he kooni do wer, ásɛ he kondɛɛra kɛŋɔ nae ne peera ya.