Mumpar 31:29 - mzwDBL

²⁹ N fe dɔ ŋwɛnɛ kɛŋɔ ń won ɛɛ wechɔɡa, kɛ dɛ jwaana ne la, Korowii he mɛɛ aa tomɔ la kah mɛ ŋɔ n bɛ hen aah ŋwɛnɛ bɛlbwa ta.

Mumpar 31:29 ပူးပေါင်းရင်းမြစ်များ

Mumpar 24:50

Belaa Laban ne Bɛtoɛl chaŋe ŋɔ, “Korowii bee waa nɔ bwa le, anomanta, ya ta liire bɛlbwa dɔe kpa.

Mumpar 28:13

Dɛ Korowii cheɡɛ o jwɛh dɛ ŋɔ, “Menee Korowii, menee he mɛɛ Abraham ne Aesek tomɛ la. Harɛ haa chɔ o ta nɔ, he ne he naanaree mɛɛ ba kpɔe tɛ.

Mumpar 31:24

Korowii ba Laban be deera ta awola jwaana, dɛ ba ŋɔ o be ŋɔ, “Nyiŋi kɛrɛdɛ dɛ bɛ Jekɔb ba aah ŋwɛnɛ bɛlbwa ta.”

Mumpar 31:42

Korowii n nabaa Abraham ne n mɛɛ Aesek aa tomɔ la laa teŋɛ n nɛɛ aa, he fe ɡelɔ n kpɔ nɔŋɡbala kaa. Kɛ Korowii na n wenaale ne n toma maa ɛa, a waa dɛ jwaana ne o ba pa bole la.”

Mumpar 31:5

Asɛ o ŋɔ ba be ŋɔ, “N nao kɛŋɔ n ne he mɛɛ ta ɡɛ ya fa aa doa wubwa la doe kpa. Kɛ Korowii n naawa aa tomɔ la ta teŋɛ n nɛ.

Mumpar 31:53

Korowii ya nabaa Abraham ne Neehɔ aa tomɔ laanee dɛ́ bol ya baah waa dɛ́ pa bole.” Anomanta, Jekɔb ŋwɛɛ Korowii o mɛɛ Aesek aa ɔmɔ dɛ tomɔ la kɛŋɔ wɛɛ teŋɛ waa waa bola la taa.

Mumpar 31:7

O ɡarɔ faah mɛ n kembɔr dɛ beɡra kera fi. Kɛ Korowii ta on ŋwɛnɛ tɛɛ asɛ o won ɛɛ mɛ wechɔɡa bɛlbwa.

2 Samoɛl 13:22

Absalɔm ɡe ta wedɛɛɡe kɛɛ wechɔɡe bɛlbwa bolɛ baɡle Amnɔn, kɛ dɛ o waa lɔ o bini o haoh, dɛkalkɛ o ɡelɔ sihiih kpo o nimambihaah Taama.

2 Koranar 19:10

“Bɛ he Korowii haa dɛ tomɔ dɛ kpɔ he te dawɛ o nɛɛ la neɡre kɛŋɔ, Asiiria koojen la aa won yo lɛ Jerusalam.

Yela 52:1

Nomonjen, ɛrɛɛ hɛɛ baɡle he te wechɔɡa ɛɛ ta nɔɔ? Korowii nyina waa dɛ nyin yaa, lole saŋ bɛlbwa.

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

Daneɛl 3:28

Kooro Nebukadnesa ŋɔ, “Hé kpɛɛ Korowii Sadrak, ne Mesak dɛ Abɛdnɛɡo aa dɛ tomɔ la. O ɡelɔ o nyundua torome ba, dɛ ba lɛ o bonɔɔna. Ba kpɔ ba te tɛo, dɛ vɛh waa maa do ba a ta, dɛ sɛh kɛŋɔ ba sewɔ bɔ ba be kɛŋɔ ba ɡuŋi kɛɛ dɛ tomɛ voɡ bɛlbwa, atane Nemenɛ Korowii baa dɛ tomɔ ɡbo.

Daneɛl 6:20

Waa dɛ bɛne bɔɔ la la, o bambile chɔɡɔ o kpɔ takpeɡ dɛ yerɛ Daneɛl ŋɔ, “Daneɛl, Korowii waa lole saŋ bɛlbwa la bonɔɔ, Korowii haa dɛ tomɔ kasinteŋ ne tɔpere bɛlbwa la wono ba lɛɛ le nyujentena la be naa?”

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Maeka 2:1

Nɛra baa dɛ vɔrɔwe wechɔɡa, dɛ chɔ ba chɔɔbɔra dɛɛ vɔrɔwe wedoŋa la, bá bwɛɛlɛ. Tɔɔ perɔ chɔɔ aa, dɛ ba ɛ ba wechɔɡa la, dɛkalkɛ kpeɡri baa dɔa nomanta, bɛlbwa aa won tɔ ba ŋwɛnɛ.

We-ɛɛla 9:5

Asɛ Sɔɔl ŋɔ, “Henee umeo, n Dɔɔ?” Asɛ naate ŋɔ, “Menee Yeesu la haa dɛ yoo mɛ la.