Mumpar 31:26 - mzwDBL

²⁶ Laban la Jekɔb be dɛ ka ŋɔ, “Ɛrɛɛ he ɛɛ mɛ ɡɛ nɔɔ? He neɡ mɛ dɛ kpɔ n bihaahna chwa kɛŋɔ haa kaa yo laa dɛ laɡ ba la.

Mumpar 31:26 ပူးပေါင်းရင်းမြစ်များ

Mumpar 12:18

Belaa kooro la aa na ɡɛ la, o tomɛ ba ka yerɛ Abram ba, asɛ o pɛɛro ŋɔ, “Bɔkwa waa he ɛɛ mɛ kenɔ? Ɛrɛɛ he ta n be ŋɔe ŋɔ he haahnee yɔ?

Mumpar 2:24

A waa ɡela baa yon ɡel o nya ne mɛɛ, dɛ́ ka kpɔ haah ba yon pɛ so, dɛ́ ɛ beŋkpoŋ la.

Mumpar 26:10

Belaa Kooro Abemɛlɛk ŋɔ, “Bɔkwaa he ɛ yaa ken? A ka tamaa ken ya bini bɛl fe nyin he haah nɔ, dɛ he fe ɡelɔ ya ɛ wechɔɡa dawɛ ya nɛ.”

Mumpar 29:25

Jekɔb ne haah la aa kaa chɔ la, bɔr chaahnɔ mɔɔ o ta na kɛŋɔ Leaa o ne o chɔ la. Belaa o la Laban be dɛ ka bɔɔro ŋɔ, “Bɔkwa waa he ɛɛ mɛ ken? Rakɛl waa laa n koh dɛ ɛ he toma aa? Aah ɛrɛ he berɛ neɡ mɛ ken nɔɔ?”

Mumpar 3:13

Belaa Korowii pɛɛ haah la ŋɔ, “Ɛrɛɛ he ɛ ɡɛ nɔɔ?” Anee o chaŋe ŋɔ, “Harɛkon laanee neɡ mɛ asɛ n di.”

Mumpar 31:16

Kondɔɔh Korowii aa ɡela he dɔ le ya mɛɛ kwaa ta la berɛ ya ne ya bii kwa. Ɛ wobɛlbwa Korowii aa ŋɔa he ɛ.”

Mumpar 31:25

Dɛ Jekɔb baŋre o tɛnte dea Gelead deŋɡarere harɛ ta, asɛ Laban ɡe ne o nɛra baŋre ba kon baŋ bɛl.

Mumpar 31:27

Ɛrɛɛ he neɡ mɛ dɛ sɔh dɛ chwa he ta men amaneɛ ba bɔe nɔɔ? He ɡelɔ n deŋne no aa, n fe kpɔ janjela ne kwaa baa dɛ yiiɡa kɛŋɔ loŋa ba tae ŋwɛnɛ silɛɛ ne.

Mumpar 31:36

Belaa Jekɔb kpɔ bandia dɛ bɔɔro ŋɔ, “Bɔkwa wechɔɡaa n ɛɔ? Mmara besoo n koni asɛ he ti mɛ kɛŋɔ nɛnchɔɡe nɔɔ?

Mumpar 34:29

ne kondɔɔhkwaa te bwa ne haahna ne bechale, asɛ dɛ pa ba deene bini laala bwa dɛ chea kaa.

Mumpar 4:10

Asɛ Korowii berɛ ŋɔ, “Ɛrɛɛ he ɛ waa aa do ken nɔɔ? He nime chal aa le harɛ la ta la dɛ baɡle kɛŋɔ he ɛ wechɔɡa a chɛ kɛŋɔ ń bɔe a kem.

Amanesoma Jɔn Aa Chwera Tɔn 18:35

Anee Paelet ŋɔ, “Haa na mɛ nɔ, Juu tee men aa? He ɡbaɡba bwɛɛ tena ne he Sɔfonomonomee ba he ne n be. Bɔkwa wechɔɡaa he ɛɔ?”

Josua 7:19

Anee Josua ŋɔ Akan be ŋɔ, “N bie, ɔmɛ Korowii, kpɔ duure tɛ Korowii Israel tena aa dɛ tomɔ la, dɛ́ bol he wechɔɡa haa ɛa la, dɛ bɛ nyosone teŋe. Bol wobɛlbwa haa ɛa, bɛ kpɔ sɔɔh mɛ.”

1 Samoɛl 14:43

Ate, Kooro Sɔɔl bɔɔ Jonatan ŋɔ, “Baɡ mɛ waa haa ɛa.” Asɛ o ŋɔ, “N daŋɡbala nyoa n kpɔ li tooh tama di, dɛɛ ba sewa taraken la.”

1 Samoɛl 17:29

Devid ŋɔ, “Bɔkwa waa n ɛɔ? N bɛ waa ɡe bolaa?”

1 Samoɛl 30:2

dɛ lawɛ haahna ne bechale, dɛ nomonome baa kaa dɛ do bwɛɛ la bini la bwa laa la ta kaa. Ba ta ba bini bɛlbwa kpoe, dɛ laɡ ba kaa.