Mumpar 31:24 - mzwDBL

²⁴ Korowii ba Laban be deera ta awola jwaana, dɛ ba ŋɔ o be ŋɔ, “Nyiŋi kɛrɛdɛ dɛ bɛ Jekɔb ba aah ŋwɛnɛ bɛlbwa ta.”

Mumpar 31:24 ပူးပေါင်းရင်းမြစ်များ

Mumpar 20:3

Jwaana bɛl, Korowii ba o be deera ta, dɛ ba ŋɔ o be ŋɔ, “Na! Haah la haa kpɔɔ nomanta, hɛɛ sewɔɔ, dɛkalkɛ nomɛl haahnee.”

Mumpar 20:6

Belaa Korowii ŋɔ o be deera ta ŋɔ, “Kpelaa. N ɡbabir jemɔ kɛŋɔ liichɔɡa laa he lii. Menee lawɛ kpoŋe, ásɛ he bɛ n nɛɛ jo. A waa n ta ɡelɛ he kpɔ he te leɡo la.

Mumpar 24:50

Belaa Laban ne Bɛtoɛl chaŋe ŋɔ, “Korowii bee waa nɔ bwa le, anomanta, ya ta liire bɛlbwa dɔe kpa.

Mumpar 28:5

Belaa Aesek ta Jekɔb ŋwɛnɛ o kaa Mɛsopoteemea harɛ ta Bɛtoɛl bibaa Laban be. Rebɛka waa lolɛ Jekɔb ne Esɔ la dɔɔree. O ɛ Aram te.

Mumpar 31:10

Peera la teene kpoŋa saŋ la, n deero dɛ na kɛŋɔ bombala aa dɛ jweera la peeɡɔ dɛ lɛɡre.

Mumpar 31:11

Belaa nyundua torome bɛl yer mɛ deera la ta dɛ ŋɔ, ‘Jekɔb’ asɛ n sɛh ŋɔ ‘Menee nɔ.’

Mumpar 31:23

Belaa o kpɔ o lolanar bane ja o nɛɛ ba ti Jekɔb, dɛ ka puu Gelead deŋɡarere harɛ ta bela. Aa ɛ tɔpera anuanɛ ŋwɛnɛɛ.

Mumpar 31:25

Dɛ Jekɔb baŋre o tɛnte dea Gelead deŋɡarere harɛ ta, asɛ Laban ɡe ne o nɛra baŋre ba kon baŋ bɛl.

Mumpar 31:29

N fe dɔ ŋwɛnɛ kɛŋɔ ń won ɛɛ wechɔɡa, kɛ dɛ jwaana ne la, Korowii he mɛɛ aa tomɔ la kah mɛ ŋɔ n bɛ hen aah ŋwɛnɛ bɛlbwa ta.

Mumpar 31:42

Korowii n nabaa Abraham ne n mɛɛ Aesek aa tomɔ la laa teŋɛ n nɛɛ aa, he fe ɡelɔ n kpɔ nɔŋɡbala kaa. Kɛ Korowii na n wenaale ne n toma maa ɛa, a waa dɛ jwaana ne o ba pa bole la.”

Mumpar 31:7

O ɡarɔ faah mɛ n kembɔr dɛ beɡra kera fi. Kɛ Korowii ta on ŋwɛnɛ tɛɛ asɛ o won ɛɛ mɛ wechɔɡa bɛlbwa.

Mumpar 40:5

Jwaana bɛl baa chɔ dea la bini la, kooro nomonome la deero. Bɛlbwa deera waa deera la ɡe korɔ.

Mumpar 41:1

Bene anɛ habɔɔ la, awola bɛl, Ijipt harɛ ta kooro deero, dɛ o cheɡɛ Nael Moo nyoa o harɛ ta bela,

2 Samoɛl 13:22

Absalɔm ɡe ta wedɛɛɡe kɛɛ wechɔɡe bɛlbwa bolɛ baɡle Amnɔn, kɛ dɛ o waa lɔ o bini o haoh, dɛkalkɛ o ɡelɔ sihiih kpo o nimambihaah Taama.

1 Koranar 3:5

Waa lɔ Gebeɔn bela la, Korowii ba o be jwaana deera ta dɛ ba ŋɔ o be ŋɔ, “Baɡle komɛlbwa haa dɛ nyin ásɛ n kpɔ tɛɛ.”

Job Tɔn 33:25

ásɛ nɛra ba fa aa ka hoɡa la, bwadabii berɛ do wer kɛŋɔ bechale ken, dɛ́ do kɛŋɔ ba bonɔɔne saŋ.

Aesaya 37:29

N no he deŋnekpeɡ we-ɛɛla, ne he mbarafo haa dɛ ɛ, a chole n deŋna ta. Mɛɛ kpɔ ɡoŋaa do he mee ta, dɛ́ kpɔ kabaɡrare do he nyoa, dɛ́ berɛ kpɔe kpɔ ŋwɛnɛ haa kpɔ o ta ba la ta kaa.’ ”

Hosia 12:12

Ya nabaa Jekɔb chwao kaa Mɛsopoteemea harɛ ta. Waa dɛ nyin haah dɛ́ mo la, o kaa teɡɛ baa bɛl peera.

Nɛra Kura 12:6

O ŋɔ, “Hé no n waa nɔ, Dɛ n keame lɔ he bini naa, chaahna taa n che dɛ kpɔ n te dɛɛ baɡlo, dɛɛ bol waa o be deera ta.

Nɛra Kura 22:20

Awola jwaana la, Korowii ŋɔ Balam be ŋɔ, “Nɛra nɔ aa bala dɛɛ ba dɛ́ ba kpɔe nɔ, kpɔ he te he ne ba kaa, kɛ ka ɛ anɔ la maa ŋɔ he ɛ ɡbo.”

Nɛra Kura 22:26

Korowii nyundua torome la berɛ kaa sie, dɛ ka che bofeelɔɔ bobɛl keeɡo la aa wola won bɛɡɛ kpɔ diɡ kɛɛ ɡal.

Nɛra Kura 24:13

‘Hale dɛ Kooro Balak kpɔ o kara mun suuɡapoŋa ne suuɡaswɛm bwa tɛ mɛ naa, maa won le Korowii habɔɔ dɛ́ ɛ n bambile wa, dɛ́ ɡel anɔ la Korowii aa do mɛ ŋɔ n bɛ ɛ la. A wer oo, aa were oo, a ta chɛ kɛ ń ɛ anɔ la Korowii aa bola ɡbo aa?’

Matiu 1:20

Gɛ waa nɔ aa lɔ Josef liire bini la, belaa Korowii nyundua torome bɛl ba o be deera ta dɛ ba ŋɔ, “Devid naa Josef, dɛɛ berɛ ɔma kɛŋɔ hɛɛ mo Mɛɛree. Korowii Domadɛɛɡee ɡela o kpoŋe tea la.

Matiu 2:12

Baa dɛ ba kaala la, Korowii cheɡɛ deera ta dɛ ja ba ŋɔ ba bɛ Hɛrɔd be la kpa, asɛ ba berɛ che ŋwɛnɛfale ta kaa ba bwɛ.

Matiu 27:19

Nomoa Paelet aa soɡe o kara ta dɛɛ bol waa la, o haah tomɛ nɛn o be ŋɔ, “Nyiŋi kɛrɛdɛ dɛ bɛ baa la wobɛlbwa ɛ. Nɛndɛɛɡe tentenee. Gɛ maa dee o waa fini nɔ la, a we n nɛɛ taeh.”

Mmarare 26:5

Ásɛ name he che bela dɛ́ bol Korowii haa dɛ tomɔ nɔ sie ŋɔ, ‘N nabaa fa ɛ Aram te dɛɛ ɡaaɡe, nɛra tamaa kenii o kpɔ dɛ ka so Ijipt harɛ ta, kɛ ba baa warɛ kohona, dɛ ɛ harɛbir nɛra dɛ dɔ kpeɡri ɡe ja.