Mumpar 31:21 - mzwDBL

²¹ O kpɔ komɛlbwa dɛ ɛ warane dɛ le kaa. O kaa ɡale Yufretis Moo la, dɛ kpɔ sie pa Gelead deŋɡarere harɛ ta dɛɛ kaa.

Mumpar 31:21 ပူးပေါင်းရင်းမြစ်များ

2 Koranar 12:17

Gɛ saŋ dɛ Siiria Kooro Hasael ne o laa tena laŋɔ ka yo bwɛjen Gat tena dɛ pɔ ba nɛ, dɛ kpɔ sie chaɡɛ Jerusalam dɛ́ fe ba yo ba ɡe.

Jeremia 50:5

Baa bɔɔ Saayɔn ŋwɛnɛ waa, dɛ́ kpɔ sie chaɡɛ bela kaa. Baa kpɔ ba tenee ba pɛl men Korowii, ásɛ n ne ba fɔwɛ fɔo waa do le saŋ bɛlbwa dɛɛ la, baa wola o waa soh bwa.

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

Sitɔɔla 10:18

Asɛ Gelead nomonome la bol dɔŋa be ŋɔ, “Naate waa tɔ sie yá ka yo Amɔn tena la, onee dɛɛ ba nɛra baa lɔ Gelead harɛ nɔ ta sitɔɔ ɛɛ.”

Mmarare 3:12

Mosis berɔ ŋɔ, “Harɛ a ɡɛ saŋ yaa yoa lɛ la, n kpɔ anɔ la aa lɔ Arowa ne Aanɔn Moo weekaŋle nyunduabɔr, ne Gelead deŋɡarere harɛ pera ne a bwɛɛre tɛ Rubin ne Gad deene tena.

Nɛra Kura 32:1

Rubin ne Gad dea tena kondɛɛra warɔ taeh. Ba nao kɛ Jasa ne Gelead harɛre wer ne kwaa dɛɛra.

Nɛra Kura 24:1

Balam aa naa kɛŋɔ a too Korowii tea kɛŋɔ o swee andɛɛɡa tɛ Israel tena la, o ta laŋɛ ka voɡɛ ɡɛ o fa aa dɛ ɛ la. O berɛ sie chaɡɛ pua hɛŋle ɡbo harɛ la ta.

Mumpar 46:28

Baa dɛ tel Ijipt la, Jekɔb tomɛ Juda ŋɔ ó la ka ŋɔ Josef be ŋɔ ó ba tɔ o sie dɛ́ kaa o ne Gosen harɛ. Baa tel bela la,

Mumpar 37:25

Ba soɡo dɛɛ di kwa, belaa ba ha sie nyiŋi, dɛ na Ismael bonadiire ne ba nyoɡmare aa cheɡɛ konsɔɔhsoma baa dɛ fuah, ne dapɛɡa ane baa dɛ ɛ ane tɛɛɡa, ne korobo le Gelead harɛ baa kaa Ijipt harɛ.

Mumpar 31:23

Belaa o kpɔ o lolanar bane ja o nɛɛ ba ti Jekɔb, dɛ ka puu Gelead deŋɡarere harɛ ta bela. Aa ɛ tɔpera anuanɛ ŋwɛnɛɛ.

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

Mumpar 2:14

O kpal toorote la sɔne Tiɡris Moo. O palɔ dɛɛ kaa Asiiria harɛ wee leebɔr pera. Asɛ naarɛte la sɔne Yufretis Moo.

Mumpar 31:20

Jekɔb ta ɡelɛ Laban jemɛ kɛŋɔ o dɛ kaa o bwɛ.

Mumpar 31:22

A tɔpetooro wee laanee ba ŋɔ Laban be ŋɔ Jekɔb chwao.

2 Samoɛl 24:6

Ba la Gelead harɛ ne bwɛjen Kades waa lɔ Hiti tena harɛ ta, dɛ kpoŋe ka le Dan dɛ bar kaa bwɛjen Sidon bwa.