Mumpar 31:1 - mzwDBL

¹ Jekɔb noɔ kɛŋɔ Laban bibaala aa dɛ bol ŋɔ, “Jekɔb kpɔ ya mɛɛ kwaa waa dɔa la bwa. O kondɔɔh waa dɔa nɔ bwa le ya mɛɛ kwaa ta.”

Mumpar 31:1 ပူးပေါင်းရင်းမြစ်များ

Mumpar 30:43

A cheɡɛ a ta Jekɔb ba ɛ kondɔɔh dɛ dɔ kondɛɛra ne nɛndɔɔla ne nyoɡmare dɛ keeɡore kohona.

Mumpar 31:2

Jekɔb nyiŋi Laban dɛ na kɛŋɔ ɡɛ o ne o fa aa doa wubwa la ta ɡɛ doe kpa.

Mumpar 31:43

Ate, Laban chaŋe ŋɔ, “N biirii haahna nɔ, ba bii ɡe n kwaa, asɛ kondɛɛra nɔ bwa ɡe ɛ n kwa. Komɛlbwa aa lɔ bonɔ ɛ n kon. Kɛ n bihaahna nɔ ne ba ɡe bii nɔ, maa won kpoŋ ba.

Mumpar 45:13

He ka ŋɔ n mɛɛ be n kpeɡri maa dɔɔ Ijipt harɛ ta bonɔ, ne wobɛlbwa haa naa bonɔ bwa, ásɛ dɛ ɛ warane, dɛ́ kpɔɔ ba n be bonɔ.”

Ɛsta 5:11

Ba bwa aa baa cheme la, o kpɔ o kondɔɔh aa kana ne o bibaala wara baa wara dɛ ta nyoa. Dɛ berɛ baɡle ŋwɛnɛ kooro aa cheɡɛ o ta dɛ tɛo jirima, ne nomonome waa tɛo o ɡwaa o dɔŋa nomonjena ne banɔ la baa dɛ ɛ toma koodem la bwa.

Job Tɔn 31:31

dɛ n dem nɛra fe ta bolɛ ŋɔ, ‘Umee wola Job nɔn ta ola dɔe chwe kohona kaɔ?’

Yela 17:14

N Naa Korowii, che he kpeɡri ta, dɛ́ lɛɛ mɛ le nɛra baa dɔ harɛ nɔ ta liire, dɛɛ nyin ba soɡa bini kwaa la nɔn ta. Banɔ la haa dɛ nyin ba waa la dɔ kondikwaa kohona, ba bii dɔ ane di dɛ́ vaɡɛ, ásɛ ane ka ba naanar ɡe ba dɔ.

Yela 57:4

N dɔma bar mɛ cheme, ba do kɛŋɔ nyujentena lɔr aa dɛ kpoa, aa nyin nɛra ola dɛ́ di ken. Ba nyena do kɛŋɔ lampeare ne hɛma, ba nyondoŋa nyɛɡre kɛ keri ken.

Sɛɡla 14:30

Deŋnesɔɔhna dɛ tɛ bokpeɡa, kɛ bɔweela te, ɛ weela.

Sɛɡla 27:4

Nɛn o baah aa dɛ di wɛɛ tɔ waa wel la, o nyu bini kpeɡri dɛɛ chɔɡ wa, kɛ bɔweela te ɡwaalo.

Wejereme 4:4

Ate, n na kɛŋɔ toma nɛra aa dɛ ɛ dɛ́ dɔ kwaa bwa, le o dɔŋ bɛl komɛl waa dɔa, o na o siwi beɡre la ta. Anɔ ɡe ɛ wepuu, a do kɛŋɔ nɛn waa dɛ loo vii habɔɔ dɛ ɡel o bini la ken.

Aesaya 5:14

Lalabwɛɛ chɔɔ dɛɛ kpaa ba, o doonyoa pilo che. Jerusalam nomonjena ne dansaara ba sie aa lɛa baa do ɡbɔɡa la bwa ɛɛ jo belaa.

Jeremia 9:23

Korowii ŋɔ, “Wejerema bɛ mbarafo ɛ ba wejema baa dɔa wa, bokpeɡa tena bɛ ba te dɛɛ maŋkura ba bokpeɡa baa dɔa wa, kɛɛ dɔɔh kpɔ o te dawɛ o kondɔɔh ta.

Ɛsekeɛl 16:44

Korowii ŋɔ, “Nɛra ɛɛ kpɔ ɡɛ sɛɡlaa dɛɛ bol he waa ŋɔ, ‘Jerusalam, ɡɛ nya aa doa la, ɡɛɛ o bihaah ɡe do.’

Matiu 4:8

Asɛ Bɔnsam berɛ kpɔɔ ka chɔŋɛ bobɛl waa do kɛŋɔ bwejen bɛl doa, dɛ baɡlo harɛ nɔ ta bela bwa kora dii aa lole, ne kondɔɔh ne konjena aa lɔ o ta bwa ɡale o sie ta,

1 Timoti 6:4

naate dɛ maŋkura o te pɛɛpɛɛ. Waa wobɛlbwa jemɛ. Wetɔŋla dɛ weo choɡla, asɛ wetama bɛlbwa dɛ o dɛ vuuɡa. Gɛ waa nɔɔ dɛɛ ba bɔweela ne naɡra ne dɔŋa chɛɡra ne liichɔɡa ne la.

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

1 Pita 1:24

Korowii Tɔn bolɔ ŋɔ, “Nɛwɛnyini bwa do kɛ kpɔɡa fee, ba jirima ɡe do kɛ kpɔɡa fee. Kpɔɡa dɛ sewɛ, a fee ɡe ɛɛ lee.