Mumpar 30:39 - mzwDBL

³⁹ Anomanta, aa ba dɛɛ nyɔ nee la asɛ daa la paaɡe ɡɛ la, aa kpoŋe teene dɛɛ ba loɡla la, a loɡle bii aa peeɡa, anla aa lɛɡra ne anchɛchɛra.

Mumpar 30:39 ပူးပေါင်းရင်းမြစ်များ

Mumpar 30:38

O kpɔ daa la paaɡe kon aa dɛ nyɔ nee o bini la sie. Dɛkalkɛŋɔ belaa aa jwee.

Mumpar 30:40

Jekɔb pere a bii la le anɔ la ta, dɛ ɡel anɔ la aa kaa la sie chaɡɛ Laban kwaa la waa paaɡe daa a sie la ne ambiŋere la be. Asɛ dɛ teɡɛ o ɡbabir kwaa la kaa baŋ bɛl, o ta an kpɔe koo Laban kwaa la ta.

Mumpar 31:38

N ne he soɡoo bene fifraanɛ, he boohna ne peera maa nyiŋi a ta ɡe ya tɛɛ kɛrɛdɛ. N ta he pebal bɛlbwa ɡe kpoe di bwa.

Mumpar 31:40

Dɛ n dɛ na wahala, webaŋa wee dɛ kpo mɛ jwaana waa ɛɛ kpo mɛ, dɛ maa won dom chɔ.

Mumpar 31:42

Korowii n nabaa Abraham ne n mɛɛ Aesek aa tomɔ la laa teŋɛ n nɛɛ aa, he fe ɡelɔ n kpɔ nɔŋɡbala kaa. Kɛ Korowii na n wenaale ne n toma maa ɛa, a waa dɛ jwaana ne o ba pa bole la.”

Mumpar 31:8

Saŋ bɛlbwa waa ŋɔ, ‘Peera ne boohna aa lɛɡre laanee dɛ́ ɛ he kembɔr’ la, ɡɛɛ a bwa loɡle dɛ lɛɡre. O berɔ ŋɔ, ‘Pera ne boohna aa peeɡe laanee dɛ́ ɛ he kembɔr’ aa, ɡɛɛ a bwa loɡle dɛ peeɡe.