Mumpar 30:31 - mzwDBL

³¹ Anee Laban bɔɔro ŋɔ, “Aŋwɛnɛɛ hɛɛ nyin kɛ n bɔe nɔ?” Jekɔb ŋɔ, “Maa kembɔr bɛlbwa nyin. Dɛ he fe ɛɛ sɛh ɡɛ maa dɛ ba bola nɔ taa tɛ mɛ tenaa, he kondɛɛra la taa mɛɛ ba nyiŋa.

Mumpar 30:31 ပူးပေါင်းရင်းမြစ်များ

Mumpar 30:30

A fa lɔ tamaa ken mɔɔ n ba, a berɔ ya kohona, asɛ Korowii tɛɛ hɛɛra bobɛlbwa maa dɛ la. Taraken, tɔpere telo kɛŋɔ n ɡbabir ɡe vɔrɔwe n dem.”

Mumpar 30:32

Anee kɛŋɔ, ɡel n ka nyiŋi he kondɛɛra la bwa bini fini dɛ́ lawɛ pebie bɛlbwa waa ɛ ombiŋi ne bombiire aa lɛɡra kɛɛ dɛ peeɡe la. Anee ɛ kembɔr maa dɛ nyin.

Yela 118:8

A wer kohona kɛ nɛn kpɔ o te do Korowii lɔɡa, ɡwaa kɛŋɔ waa kpɔ o te dawɛ nɛwɛnyini nɛ.

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”