Mumpar 29:6 - mzwDBL

⁶ Anee Jekɔb bɔɔ ba ŋɔ, “O lea aa?” Ba ŋɔ, “O bwara kpeɡri.” Ba ŋɔ, “Nyiŋi na, o bihaah baa dɛ yerɔ Rakɛl la ne o peeraa dɛɛ ba la.”

Mumpar 29:6 ပူးပေါင်းရင်းမြစ်များ

2 Samoɛl 20:9

Joab bɔɔ Amasa ŋɔ, “N dam, ɛrɛɛ he bwara doɔ?” Belaa Joab kpɔ nɔndiɡ lawɛ Amasa tampona dɛ ɡbaaro pɛl o te.

1 Samoɛl 25:5

Anomanta, o tomɛ bonɔɔna fi dɛ ŋɔ ba be ŋɔ, “Hé la Nabal be Kaamɛl dɛ́ ka chɔɔro ba tɛ mɛ.

1 Samoɛl 17:22

Devid kpɔ o kondikwaa ja nɛn waa dɛ nyiŋi ba laala ta la, dɛ chwa kaa o dɔɔranar be laa la ta, dɛ ka na ɡɛ baa doa.

Kaala 18:7

Ate, Mosis le dɛ ka chemo, dɛ ɡuŋu harɛ dɛ jaamo. Ba jam dɔŋa tonɛ dɛ lawɛ dɔŋa ka jo tɛnte Dea la bini.

Mumpar 43:27

Asɛ o bɔɔ ba ɡɛ ba bwara aa doa dɛ berɛ ŋɔ, “Hé fa bol he mɛɛ wa n be. Ɛrɛɛ o bwara doɔ? O ta soɡe le o bwara do kpeɡri aa?”

Mumpar 37:14

O mɛɛ ŋɔ o be ŋɔ, “La dɛ́ ka na he dɔɔranar ne ɡɛ kondɛɛra la aa doa, ásɛ dɛ ba bol n be.” O tomɔ le Hɛbrɔn Fɛlembɔjen bɔr pera dɛ kaa Sɛkem.

Mumpar 29:7

Asɛ Jekɔb ŋɔ ba be ŋɔ, “Wee ta nyɛɡre he ba boa peera nɔ nyoa la, hé tɛa nee a nyɔ dɛ berɛ kpɔa kaa dibɔr.”

Kaala 2:16

Dɛ kɔlɔŋ bɛl lɔ bela, asɛ awola bɛl, Mosis la ka so o nyoa. Dɛ Midian sɔfo bɛl sɔne Jetro, o bihaahna banuanɛ ba ba viine ne dɛ́ ba dɔ nee tɛ ba mɛɛ peera ne boohna a nyɔ bela.