Mumpar 29:33 - mzwDBL

³³ A habɔɔ, o berɔ kpoŋe tea dɛ lolɛ bibaa ja asɛ dɛ ŋɔ, “Korowii noɔ kɛŋɔ baa men nyin a waa o tɛ mɛ bie nɔ ja nɔ.” Dɛ pa o sɔn Simeon.

Mumpar 29:33 ပူးပေါင်းရင်းမြစ်များ

Mumpar 34:25

Baa teŋni ba pena tɔpetooro wee a ta ɛɛ wee ba la, Jekɔb bibaala banɛ baa dɛ yer ba Simeon ne Lewi, ba ne Daena aa pɛ nya la iro kpɔ ba tokobie, asɛ dɛ piɡri bwɛɛ la tena dɛ jo ba bini dɛ kpoo ba baala te bwa.

Mumpar 42:24

Belaa Josef le ba be bela dɛ ka wi. Dɛ berɛ ba ba be ja o ne ba bol wa, asɛ o lawɛ Simeon le ba bini dɛ ɡel ba vɔrɔwo ba siwi ta.

Mumpar 35:23

Lea bii waa lol ba laanee nɔ. Rubin, onee binomoa, dɛ Simeon ne Lewi ne Juda ne Isaaka dɛ Sebulon.

Mumpar 34:30

Asɛ Jekɔb ŋɔ Simeon ne Lewi be ŋɔ, “He nyin waa dɛ ba dawɛ n nɛ, dɛ ɡel dɔm ba chɔ n ne Keenan ne Pɛrɛs tena baa soɡe harɛ nɔ ta la baah ta. Yaa wola kanɛ nɔ, dɛ ɡɛ nɛra nɔ kaa pɛ nyoa ŋɔ bá ba yoo mɛ naa, amɔ dɛ ya bwaa dena dɛɛ ba hee laɔ.”

Mumpar 30:20

Asɛ o ŋɔ, “Korowii kɛ mɛ kondɛɛɡe. Name te n jaa ɛɛ dɛɛ duu mɛɛ, dɛkalkɛ n lolɛ bibaala banumɛl bwa tɛo.” Anomanta, o pa bie la sɔn Sebulon.

Mumpar 30:18

Anee Lea ŋɔ, “Korowii tɛ mɛ n kembɔr, dɛkalkɛ n lawɛ n tolo tɛ n jaa asɛ o ne o chɔ.” Anomanta, o pa o sɔn Isaaka.

Mumpar 30:8

Asɛ Rakɛl ŋɔ, “N ne n nahaah yoo taeh, kɛ n pɔ o nɛ.” Anomanta, o pa bie la sɔn Naftale, o munii yoi.

Mumpar 30:6

Anee Rakɛl ŋɔ, “Korowii bol n waa tɛ mɛ. O no n wesoŋa dɛ tɛ mɛ bibaa, asɛ dɛ pa o sɔn Dan.”

Nɛra Kura 34:20

ne Amihud bibaa Sɛmoɛl waa le Simeon dea,

Mmarare 21:15

Mosis berɔ ŋɔ, “Dɛ he mo haahna banɛ asɛ dɛɛ nyin bɛl, haa bɛl nyin, he ne ba bwa loɡle bibaala kɛ he chanche la bie laa nomoa,

Ɛsekeɛl 48:24

Simeon dea tena ɡe ɛɛ dɔ bɔrbeŋkpoŋii. Ba jwɛh le Bɛnjamen dea tena jwɛh ta, wɛɛ le wee leebɔree teŋe ba kaa wee cholibɔr.