Mumpar 29:31 - mzwDBL

³¹ Belaa Korowii aa naa kɛŋɔ o dɛ nyin Rakɛl waa dɛ ɡwaa Lea la, o tɛ Lea lol asɛ Rakɛl te ɛ hambara.

Mumpar 29:31 ပူးပေါင်းရင်းမြစ်များ

Mumpar 11:30

Dɛ Sarai te ɛ hambara o ta bie dɔe.

Mumpar 16:1

Abram haah Sarai ta bie lolɛ tɛo. Dɛ o dɔ tolo bɛl waa ɛ Ijipt te baa yerɔ Heeɡa o do o sie,

Mumpar 20:18

dɛkalkɛ Saara nomanta, Korowii tɔ Abemɛlɛk dem haahna bwa lol.

Mumpar 25:21

Dɛ hambaraa. Asɛ Aesek soŋe Korowii o haah Rebɛka kpoŋe tea.

Mumpar 27:41

Gɛ Jekɔb aa neɡre o mɛɛ o soŋe andɛɛɡa tɛo la, Esɔ haoh. O lii o nyu bini ŋɔ, “Aa biɡri bɛlbwa n mɛɛ sewɛ. Ba baa ɛ o lwe tonaa, ásɛ n kpo Jekɔb.”

Mumpar 29:30

Jekɔb lawɛ Rakɛl ɡe o ne o chɔ. Dɛ o dɛ nyinu dɛ ɡwaa Lea dɛ koh a waa dɛ tomɛ Laban bene anuanɛ ja.

Mumpar 29:32

Lea kpoŋe tea dɛ lolɛ bibaa dɛ pa o sɔn Rubin. O munii kɛŋɔ Korowii na wahala maa lɔ a bini. “Name te n jaa ɛɛ dɛɛ nyin mɛɛ.”

Mumpar 30:22

Korowii no Rakɛl wa dɛ no o wesoŋa dɛ tɛo lol.

Mumpar 35:23

Lea bii waa lol ba laanee nɔ. Rubin, onee binomoa, dɛ Simeon ne Lewi ne Juda ne Isaaka dɛ Sebulon.

Yela 127:3

Bii ɛ kwaa Korowii aa swee nɛra andɛɛɡa, dɛ kpɔ dɛɛ kɛ ba.

Kaala 3:7

Anee Korowii ŋɔ, “N na sibeɡra kohona baa dɛ do n nɛra baa lɔ Ijipt. N no ba wii, dɛ le ba dɔɔranar tonchɔɡa baa dɛ do ba la ta, anomanta, ba waa hiah mɛ kohona.

Malakae 1:3

dɛ hah Esɔ ne o naanar baa ɛ Edom tena. A habɔɔ Esɔ aa baa dɔ deŋɡarere harɛ ta so la, asɛ n chɔɡ bela bwa o berɛ kalampoŋare sobɔr.”

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

Matiu 6:24

Anee Yeesu berɛ ŋɔ, “Nomɛlbwa aa won tomɛ dɔɔranar banɛ. Dɛ a ba ɡɛ naa, wɛɛ dɛɛ nyin bɛl waa dɛ́ ɡwaa bɛl. A laa ɡe aa, o sie ɛɛ dɛɛ lɛ bɛl bee dɛ́ ɡwaa bɛl. Haa won tomɛ Korowii dɛ́ berɛ won nyin harɛ nɔ ta kondɔɔh a maɡre.

Amanesoma Luk Aa Chwera Tɔn 1:7

Sekaria moo, ba bwa ba hwɛɛh, kɛ dɛ ba ta bie dɔe, dɛkalkɛŋɔ dɛ Ɛlesabɛt ɛ hambara.

Amanesoma Luk Aa Chwera Tɔn 14:26

“Dɛ nomɛlbwa ba n be o ta men nyine ɡwaa o mɛɛ ne o nya, ne o haah ne bii, o dɔɔranar ne nimanar ne nimambii dɛ o ɡbaɡba aa, waa won ɛ n habɔteŋre.

Amanesoma Jɔn Aa Chwera Tɔn 12:25

Nomɛlbwa o siwi aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Asɛ nomɛlbwa ɡe o siwi aa wola harɛ nɔ ta silɛɛ kwaa ta lɛ la, wɛɛ dɔ o nyuu dɛ dɔ Korowii mkpa aa wola jaɡa dɔe la.

We-ɛɛla 7:8

Asɛ Korowii baɡle Abraham ŋɔ wɛ́ɛ teŋe o bii pena, ásɛ a ɡɛ waa la ɛ nawee dɛ́ che tɛ o ne Abraham fɔo la baa fɔwa la wa. A waa Abraham aa lolɛ o bie Aesek o dɔ yawanyoa beŋkpoŋ la, ba teŋe o pen. Aesek ɡe aa baa lolɛ o bie Jekɔb la, o teŋe o pen. Asɛ Jekɔb ɡe teŋe o bii fi dɛ banɛ baa ɛ ya deene nomonome la bwa pena.

Mmarare 21:15

Mosis berɔ ŋɔ, “Dɛ he mo haahna banɛ asɛ dɛɛ nyin bɛl, haa bɛl nyin, he ne ba bwa loɡle bibaala kɛ he chanche la bie laa nomoa,

Rut Tɔn 4:13

Asɛ Boas ir dɛ kpɔ o haah Rut kaa dem o ɛ o haah, asɛ o ne o chɔ Korowii chao, asɛ o kpoŋe tea dɛ lolɛ bibaa.

1 Samoɛl 1:20

Gɛɛ a do o kpoŋe tea, dɛ lolɛ bibaa dɛ pa o sɔn Samoɛl, dɛ ŋɔ, “Korowiirii n soŋe o tɛ mɛ.”

1 Samoɛl 1:27

N kpɔɔ bil Korowii sie ŋɔ ó tɛ mɛ bie nɔ, asɛ o sɛh n nyoa dɛ tɛ mɛ.

1 Samoɛl 1:5

A lole kɛŋɔ dɛ Korowii ta ɡelɛ Hana dɔ bii te, dɛ Ɛlkana dɛ nyinu taeh, anomanta, o yon tɛo bɔre anɛ.

1 Samoɛl 2:21

Korowii na Hana sum dɛ tɛo bibaala batoro dɛ bihaahna banɛ. Samoɛl lɔ Silo bela Korowii sie dɛɛ tomɔ, dɛ ba kpeɡ.