Mumpar 29:30 - mzwDBL

³⁰ Jekɔb lawɛ Rakɛl ɡe o ne o chɔ. Dɛ o dɛ nyinu dɛ ɡwaa Lea dɛ koh a waa dɛ tomɛ Laban bene anuanɛ ja.

Mumpar 29:30 ပူးပေါင်းရင်းမြစ်များ

Mumpar 29:17

Dɛ Lea sibie aa were kɛrɛdɛ, kɛ dɛ Rakɛl te wer tolo kohona.

Mumpar 29:18

Bii la bwa bini la, dɛ Rakɛl nɛɛ Jekɔb sie ɛɛ lɛ, anomanta, o ŋɔ Laban be ŋɔ, “Hɛɛ tɛ mɛ Rakɛlee n mo te naa, mɛɛ ɛ he tomaa tɛɛ bene anuanɛ.”

Mumpar 29:20

Anomanta, Jekɔb koh Rakɛl waa dɛ ɛ toma tɛ Laban bene anuanɛ. Nyina waa dɛ nyin Rakɛl kohona la ɡelɔ bene anuanɛ la do kɛŋɔ tɔpera tamaa ane ken o be.

Mumpar 29:29

Asɛ dɛ lawɛ o tolo baa dɛ yerɔ Bilha tɛo ŋɔ ó do o sie.

Mumpar 29:31

Belaa Korowii aa naa kɛŋɔ o dɛ nyin Rakɛl waa dɛ ɡwaa Lea la, o tɛ Lea lol asɛ Rakɛl te ɛ hambara.

Mumpar 31:15

O ɛ yaa kɛ nɛŋhɔɔhra dɛ yoɡ yaa. Suuɡa waa yoɡ yaa dɛ lɛ la ɡe, o di a bwa.

Mumpar 31:41

Dɛ kenii mɛɛ na bene fifraanɛ la bwa n ne haa soɡa. Bene fi dɛ anaarɛɛ n ɛ toma dɛ dɔ he bihaahna banɛ, asɛ bene anumɛl ɡe n ɛ toma dɛ dɔ kondɛɛra. Anɔ bwa habɔɔ la, he beɡre n kembɔr kera fi.

Mumpar 44:20

Asɛ ya chaŋe ŋɔ ya dɔ mɛɛ o hwɛɛh dɛ dɔ nime bɛl ɡe. Ya mɛɛ aa hwɛɛhra la taa o lolɔ, asɛ o dɔɔ o ne waa pɛ nya la sewɛ a ka o ɡbo, anomanta, o mɛɛ dɛ nyin o waa taeh.

Mumpar 44:27

Anee ya mɛɛ ŋɔ ya be ŋɔ ya ɡbabir jemɔ ŋɔ bibaala banɛ ɡboo Rakɛl lolɛ tɛo.

Hosia 12:12

Ya nabaa Jekɔb chwao kaa Mɛsopoteemea harɛ ta. Waa dɛ nyin haah dɛ́ mo la, o kaa teɡɛ baa bɛl peera.

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

Matiu 6:24

Anee Yeesu berɛ ŋɔ, “Nomɛlbwa aa won tomɛ dɔɔranar banɛ. Dɛ a ba ɡɛ naa, wɛɛ dɛɛ nyin bɛl waa dɛ́ ɡwaa bɛl. A laa ɡe aa, o sie ɛɛ dɛɛ lɛ bɛl bee dɛ́ ɡwaa bɛl. Haa won tomɛ Korowii dɛ́ berɛ won nyin harɛ nɔ ta kondɔɔh a maɡre.

Amanesoma Luk Aa Chwera Tɔn 14:26

“Dɛ nomɛlbwa ba n be o ta men nyine ɡwaa o mɛɛ ne o nya, ne o haah ne bii, o dɔɔranar ne nimanar ne nimambii dɛ o ɡbaɡba aa, waa won ɛ n habɔteŋre.

Amanesoma Jɔn Aa Chwera Tɔn 12:25

Nomɛlbwa o siwi aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Asɛ nomɛlbwa ɡe o siwi aa wola harɛ nɔ ta silɛɛ kwaa ta lɛ la, wɛɛ dɔ o nyuu dɛ dɔ Korowii mkpa aa wola jaɡa dɔe la.

Mmarare 21:15

Mosis berɔ ŋɔ, “Dɛ he mo haahna banɛ asɛ dɛɛ nyin bɛl, haa bɛl nyin, he ne ba bwa loɡle bibaala kɛ he chanche la bie laa nomoa,