Mumpar 29:25 - mzwDBL

²⁵ Jekɔb ne haah la aa kaa chɔ la, bɔr chaahnɔ mɔɔ o ta na kɛŋɔ Leaa o ne o chɔ la. Belaa o la Laban be dɛ ka bɔɔro ŋɔ, “Bɔkwa waa he ɛɛ mɛ ken? Rakɛl waa laa n koh dɛ ɛ he toma aa? Aah ɛrɛ he berɛ neɡ mɛ ken nɔɔ?”

Mumpar 29:25 ပူးပေါင်းရင်းမြစ်များ

Mumpar 12:18

Belaa kooro la aa na ɡɛ la, o tomɛ ba ka yerɛ Abram ba, asɛ o pɛɛro ŋɔ, “Bɔkwa waa he ɛɛ mɛ kenɔ? Ɛrɛɛ he ta n be ŋɔe ŋɔ he haahnee yɔ?

Mumpar 20:9

Belaa o yerɛ Abraham dɛ bɔɔro ŋɔ, “Bɔkwa waa he ɛ yaa ken? Bɔkwa waa n den ɛɛ, asɛ he fe ɛɛ ba wechɔɡa damanta nɔ dɔŋa kpɔe ba ta n ne n nɛra nɛɛ nɔɔ? A ta chɛ kɛ he kpɔ a ɡɛ waa nɔ ɛɛ mɛ.

Mumpar 26:10

Belaa Kooro Abemɛlɛk ŋɔ, “Bɔkwaa he ɛ yaa ken? A ka tamaa ken ya bini bɛl fe nyin he haah nɔ, dɛ he fe ɡelɔ ya ɛ wechɔɡa dawɛ ya nɛ.”

Mumpar 29:16

Dɛ o dɔ bihaahna banɛ. Nomoa la sɔne Lea asɛ bechala la ɡee Rakɛl.

Mumpar 29:24

Dɛ berɛ lawɛ tolo baa dɛ yerɔ Silpa la ba tɛ Lea ŋɔ ó do o sie.

Mumpar 29:26

Asɛ Laban chaŋe ŋɔ, “Gɛ laa a do ya harɛ nɔ ta. Nomoaa ba lawɛ dɛɛ tɛ yal mɔɔ bechala.

Mumpar 31:26

Laban la Jekɔb be dɛ ka ŋɔ, “Ɛrɛɛ he ɛɛ mɛ ɡɛ nɔɔ? He neɡ mɛ dɛ kpɔ n bihaahna chwa kɛŋɔ haa kaa yo laa dɛ laɡ ba la.

Mumpar 31:7

O ɡarɔ faah mɛ n kembɔr dɛ beɡra kera fi. Kɛ Korowii ta on ŋwɛnɛ tɛɛ asɛ o won ɛɛ mɛ wechɔɡa bɛlbwa.

Sɛɡla 11:31

Nɛndɛɛɡa dɛ dɔ ba wedɛɛɡa kembɔr harɛ nɔ ta naa, ɡɛɛ wechɔɡ-ɛɛra baa wola Korowii ɔmɛ la, ɛɛ ba ba wechɔɡa kembɔr dɔe.

Matiu 7:12

Gɛ haa dɛ nyin kɛ nɛra ɛ dɛɛ tɛ heyaa la, hé ɡe ɛ ɡɛ tenten dɛɛ tɛɛ ba. A ɡɛɛ dɛɛ baɡle Mosis Mmara la, ne Korowii keamere la webaɡla la bini kɛrɛdɛ.”

Matiu 7:2

dɛkalkɛ ɡɛ haa dɛ pwah he dɔŋa la, ɡɛɛ Korowii ɡee ba heyaa pwaeh. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

1 Kɔrent 3:13

Dɛ Korowii Tɔpere waa dɛ ba nɛra bwa waa bola dɛ́ pa bole la telaa, belaa baa ba nae ɡɛ bɛlbwa toma aa doa. Awola tɔpere la, niinii dɛɛ ba toma nomɛlbwa aa ɛa la wer bini baɡla.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.

Sitɔɔla 1:7

Belaa kooro la ŋɔ, “N fa teŋni koranar fifraanuanɛ nanibala ne nonibala, ba tɔɔ kondikompuɡrere dɛɛ di n tiɡ ta. Korowiirii ɡela waa maa ɛɛ ba la ɡure n nyu ta la.” Ba kpɔɔ kaa bwɛjen Jerusalam o ka sewɛ.

Rut Tɔn 4:11

Belaa nomonome la ne nɛra baa lɔ doonyoa bela la sɛh ŋɔ, “Ɔɔh, ya bwa ɛ danseɛ tena. Korowiirii dɛ́ ɡel he haah nɔ waa dɛ ba he be bala nɔ do kɛŋɔ Rakɛl ne Lea baa lolɛ bii kohona, dɛ vɔrɔwe Israel la. Korowii ɡel he dɔ chebɔr Efrat baa bera dɛɛ yerɔ Bɛtlɛham la,

1 Samoɛl 28:12

Haah la aa na Samoɛl la, o do lɔŋɔ kohona dɛ ŋɔ Sɔɔl be ŋɔ, “Ɛrɛɛ he neɡ mɛ nɔɔ? Henee Sɔɔl.”