Mumpar 29:21 - mzwDBL

²¹ Tɔpere la aa tela la, Jekɔb ŋɔ Laban be ŋɔ, “Bene anuanɛ la telo, tɛ mɛ n haah la ásɛ n mo name.”

Mumpar 29:21 ပူးပေါင်းရင်းမြစ်များ

Mumpar 29:18

Bii la bwa bini la, dɛ Rakɛl nɛɛ Jekɔb sie ɛɛ lɛ, anomanta, o ŋɔ Laban be ŋɔ, “Hɛɛ tɛ mɛ Rakɛlee n mo te naa, mɛɛ ɛ he tomaa tɛɛ bene anuanɛ.”

Mumpar 29:20

Anomanta, Jekɔb koh Rakɛl waa dɛ ɛ toma tɛ Laban bene anuanɛ. Nyina waa dɛ nyin Rakɛl kohona la ɡelɔ bene anuanɛ la do kɛŋɔ tɔpera tamaa ane ken o be.

Mumpar 29:22

Anomanta, Laban daa hanfalkondikwa dɛ yerɛ bwɛɛ la tena bwa ba cheme dɛ lɛ ba sie.

Mumpar 31:41

Dɛ kenii mɛɛ na bene fifraanɛ la bwa n ne haa soɡa. Bene fi dɛ anaarɛɛ n ɛ toma dɛ dɔ he bihaahna banɛ, asɛ bene anumɛl ɡe n ɛ toma dɛ dɔ kondɛɛra. Anɔ bwa habɔɔ la, he beɡre n kembɔr kera fi.

Mumpar 38:16

Belaa o pere kpɔ o be dɛ ŋɔ, “Gel n ne he ka chɔ,” Dɛ waa jemɛ kɛŋɔ o hela Taamaa. Anee o chaŋe ŋɔ, “Aah bɔkwaa hɛɛ ba n tɛɛ mɔɔ n ne he chɔɔ?”

Mumpar 4:1

Adam la o haah Hawa be, asɛ o kpoŋe tea dɛ lolɛ bie, asɛ haah la lii o nyu bini ŋɔ, “Korowii alaworomɛ, n dɔ bibaa, dɛ pa o sɔn Keen.”

Matiu 1:18

Kenii Yeesu Kristo lola bini waa do. Josef ne Yeesu nya Mɛɛre nɛra sɛoh ŋɔ ó kpɔɔ mo. Baa wola chɔe mɔɔ la, dɛ Mɛɛre cheɡɛ Korowii Domadɛɛɡe kpeɡri ta dɛ kpoŋe tea.

Mmarare 22:13

Anee Mosis berɛ ŋɔ, “Dɛ he mo haah, asɛ a habɔɔ he ŋɔ haa on nyin,

Sitɔɔla 15:1

A habɔɔ la, dɛ mea koma saŋ telo, asɛ Samsen lawɛ bombie ŋɔ ó kpɔ ka tɛ o haah. Waa laŋa la o ŋɔ, “Mɛɛ jo n haah be deaa.” Kɛ o haah mɛɛ ta on ŋwɛnɛ tɛɛ o jo.