Mumpar 29:16 - mzwDBL

¹⁶ Dɛ o dɔ bihaahna banɛ. Nomoa la sɔne Lea asɛ bechala la ɡee Rakɛl.

Mumpar 29:16 ပူးပေါင်းရင်းမြစ်များ

Mumpar 29:15

Belaa Laban ŋɔ o be ŋɔ, “Bɛ koh kɛŋɔ n lolee hen nomanta hɛɛ ɛ tomaa dɛɛ tɛ mɛ pɛɛ. Suuɡa aŋwɛnɛɛ hɛɛ nyin kɛ ń bɔ dɛɛ tɛɛ nɔ?”

Mumpar 29:17

Dɛ Lea sibie aa were kɛrɛdɛ, kɛ dɛ Rakɛl te wer tolo kohona.

Mumpar 30:19

O berɔ kpoŋe binumɛlte tea, dɛ lolɛ bibaa tɛ Jekɔb.

Mumpar 31:4

Anomanta, o tomɔ ba ka yerɛ Rakɛl ne Lea ŋɔ bá chemo kpɔɡ bini bela o ne o kondɛɛra aa lole la.

Mumpar 33:2

O ɡelɔ o toli la lawɛ ba bii tɔ sie mɔɔ Lea ne o bii teŋɛ, asɛ Rakɛl ne Josef ka mun ta.

Mumpar 35:23

Lea bii waa lol ba laanee nɔ. Rubin, onee binomoa, dɛ Simeon ne Lewi ne Juda ne Isaaka dɛ Sebulon.

Mumpar 46:15

A ɡɛ bibaala nɔɔ Lea lolɛ tɛ Jekɔb ɡɛ saŋ baa soɡe Mɛsopoteemea harɛ ta Daena waa ɛ o bihaah la habɔɔ. Dɛ o bihaahna ne bibaala dɛ naanar o ne Lea aa dɔa la bwa lɔ fifraatoro dɛ batoro.

Mumpar 49:31

Belaa ba huɡe Abraham ne o haah Saara. Dɛ huɡe Aesek ne o haah Rebɛka ɡe. Belaa n huɡe Lea ɡe.

Rut Tɔn 4:11

Belaa nomonome la ne nɛra baa lɔ doonyoa bela la sɛh ŋɔ, “Ɔɔh, ya bwa ɛ danseɛ tena. Korowiirii dɛ́ ɡel he haah nɔ waa dɛ ba he be bala nɔ do kɛŋɔ Rakɛl ne Lea baa lolɛ bii kohona, dɛ vɔrɔwe Israel la. Korowii ɡel he dɔ chebɔr Efrat baa bera dɛɛ yerɔ Bɛtlɛham la,