Mumpar 28:13 - mzwDBL

¹³ Dɛ Korowii cheɡɛ o jwɛh dɛ ŋɔ, “Menee Korowii, menee he mɛɛ Abraham ne Aesek tomɛ la. Harɛ haa chɔ o ta nɔ, he ne he naanaree mɛɛ ba kpɔe tɛ.

Mumpar 28:13 ပူးပေါင်းရင်းမြစ်များ

Mumpar 12:7

Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.” Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa.

Mumpar 13:15

A ɡɛ harɛ nɔ bwaa mɛɛ ba kpɔe tɛ he ne he naanar ó den ɛ he kon saŋ bɛlbwa dɛɛ la.

Mumpar 13:17

Anomanta, ɡaaɡe harɛ la bwa ta, dɛ́ na ɡɛ waa doa dɛkalkɛŋɔ he nɔn taa mɛɛ ba kpɔe do.”

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

Mumpar 26:24

Awola jwaana la ne la, Korowii ba o be kɛŋɔ deera ta ken dɛ ŋɔ, “Menee Korowii he mɛɛ Abraham aa tomɔ la. Bɛ dɛɛ ɔmɛ, mɛɛ che he habɔɔ. Mɛɛ koh n bonɔndɛɛɡe Abraham waa dɛ́ tɛɛ hɛɛra dɛ́ ɡel he naanar warɛ.”

Mumpar 26:3

So bonɔ tama. Mɛɛ che he mun taa dɛ́ tɛɛ hɛɛra, dɛkalkɛŋɔ he ne he naanaree mɛɛ ba ń kpɔ harɛ nɔ bwa tɛ, ɡel n nyoa maa baɡɛ he mɛɛ Abraham la che kɛrɛdɛ.

Mumpar 28:4

Onee dɛ́ che he ne he naanar mun ta, ɡɛ waa cheɡɛ Abraham mun ta la, ásɛ harɛ nɔ yaa ɛ hɔɔhra o ta Korowii kpɔ tɛ Abraham nɔ ɛ he kon.”

Mumpar 31:13

Menee Korowii maa kpɔ n te baɡle Bɛtel asɛ he kpɔ bwe bɛl pa bela, dɛ fuɡe noo ta o ta, dɛ kpɔ dɛɛ lii mɛ, dɛ baɡ mɛ nyoa la. Ir dɛ́ kpɔ he te dɛ́ berɛ kaa harɛ baa lolɛ o ta la ta.’ ”

Mumpar 31:42

Korowii n nabaa Abraham ne n mɛɛ Aesek aa tomɔ la laa teŋɛ n nɛɛ aa, he fe ɡelɔ n kpɔ nɔŋɡbala kaa. Kɛ Korowii na n wenaale ne n toma maa ɛa, a waa dɛ jwaana ne o ba pa bole la.”

Mumpar 31:5

Asɛ o ŋɔ ba be ŋɔ, “N nao kɛŋɔ n ne he mɛɛ ta ɡɛ ya fa aa doa wubwa la doe kpa. Kɛ Korowii n naawa aa tomɔ la ta teŋɛ n nɛ.

Mumpar 31:53

Korowii ya nabaa Abraham ne Neehɔ aa tomɔ laanee dɛ́ bol ya baah waa dɛ́ pa bole.” Anomanta, Jekɔb ŋwɛɛ Korowii o mɛɛ Aesek aa ɔmɔ dɛ tomɔ la kɛŋɔ wɛɛ teŋɛ waa waa bola la taa.

Mumpar 32:10

He teŋa haa teŋa dɛɛ nyin mɛ, ne he kasinteŋ haa ɡela n na nɔ bini bɛlbwa ta men maa ɛ he bonɔɔ nɔ chɛɛ. N fa aa ɡale Jɔɔdan Moo la, dɛ n ta komɛlbwa kpoŋe nemenɛ n daŋɡbala ɡbo, taraken he berɛ ɡel n ya dɛ ɛ nɛmbele banɛ.

Mumpar 32:9

Belaa o soŋe Korowii ŋɔ, “Korowii n nabaa Abraham ne n mɛɛ Aesek aa tomɛ, hen ŋɔ n be ŋɔ ń berɛ kaa n bwɛ n lolanar bini, dɛ ŋɔ hɛɛ ɡeloo n wobɛlbwa do wer.

Mumpar 35:1

Anee Korowii ŋɔ Jekɔb be ŋɔ, “Ir kaa Bɛtel ásɛ dɛ ka so bela. Dɛ́ ɛ kon baa dɛ ɛ saraha o ta la tɛ men Korowii maa kpɔ n te baɡle ɡɛ saŋ haa chwaa dɛ le he dɔɔ Esɔ be la.”

Mumpar 35:12

Harɛ maa kpɔa baɡɛ he nabaa Abraham ne he mɛɛ Aesek nyoa la, he ne he naanar baa ka ba habɔɔ laanee mɛɛ ba kpɔe tɛ.”

Mumpar 35:15

Dɛ pa bela sɔn Bɛtel.

Mumpar 35:17

O lola bini aa dɛ do kpeɡri la, haah waa dɛ lɛo lol la ŋɔ o be ŋɔ, “Bɛ ɔmɛ, bibaalee hɛɛ ba lola ja.”

Mumpar 46:3

Belaa Korowii ŋɔ o be ŋɔ, “Menee Korowii he mɛɛwa aa tom mɛ la. Bɛ ɔmɛ kɛŋɔ he dɛ kaa Ijipt harɛ ta. Mɛɛ ɡeloo he mun ya bela taeh.

Mumpar 48:3

Jekɔb ŋɔ Josef be ŋɔ, “Korowii Waa Ɛ Kpeɡri Bwa Dɔɔ la kpɔ o te baɡ mɛ Bɛtel baa bera dɛɛ yerɔ Lus, Keenan harɛ ta dɛ swee andɛɛɡa tɛ mɛ.

1 Webena 16:16

Fɔo o ne ya naa Abraham aa fɔwa, ne nyoa waa baɡɛ Aesek la.

1 Webena 16:18

O ŋɔ, “He ne he naanaree mɛɛ ba Keenan harɛ kpɔe tɛ, ó ɛ he kapɛrɛ kon.”

Yela 105:11

O ŋɔ, “He ne he naanaree mɛɛ ba Keenan harɛ kpɔe tɛ, ó ɛ he kapɛrɛ kon.”

Kaala 2:24

Korowii no ba wii, dɛ lii fɔo o ne Abraham ne Aesek dɛ Jekɔb aa fɔwa la wa.

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Kaala 4:5

Asɛ o berɛ ŋɔ, “Gɛ aa ɛ ásɛ ba yarada kɛŋɔ Korowii ba naawa Abraham ne Aesek ne Jekɔb aa tomɔ la kpɔ o te baɡle laanee la.”

Kaala 6:4

Asɛ n ne ba fɔwɛ fɔo kɛŋɔ mɛɛ kpɔ Keenan harɛ baa soɡe o ta kɛŋɔ hɔɔhra laanee tɛɛ ba ó ɛ ba kon.

Kaala 6:7

Mɛɛ kpɔ heyaa ɛ n nɛra, ásɛ n ɡe ɛ Korowii haa dɛ tom mɛ. Anee dɛ́ ɡel he jemɛ kɛŋɔ menee Korowii haa dɛ tomɛ n lɛ heyaa le Ijipt tena nɔn ta.

Ɛsekeɛl 28:25

Nemenɛ Korowii ŋɔ, “N baa boa Israel tena maa lɔ ba peɡre harɛre ta bwa nyoa tonaa, harɛre nɛra bwa ɛɛ jemɔɔ kɛŋɔ n do ɡoroŋ. Israel tena ɛɛ so ba ɡbaɡba harɛ maa kpɔa tɛ n bonɔɔ Jekɔb la taa.

Emɔs 7:7

Korowii ɡelɔ men Emɔs na waane wepila ta ja. Dɛ Korowii cheɡɛ danjwɛɛ bɛl baa mao jwɛh, dɛ kpoŋe ŋwɛn baa kpɔa dɛɛ toɡre danjwɛ.

Matiu 22:32

O ŋɔ, ‘Menee Korowii Abraham ne Aesek dɛ Jekɔb aa tomɔ la.’ Lala laa dɛɛ tomɛ Korowii, weeraa dɛɛ tomɔ.”

We-ɛɛla 7:5

A ɡɛ saŋ la, Korowii ta harɛ la pera teŋe tɛ Abraham kɛŋɔ ó ɛ o ɡe kon nɔ. O ta naɡale beŋkpoŋ del kwara teŋe tɛo. Kɛ Korowii baɡɔ nyoa ŋɔ wɛɛ kpɔɔ tɛo, ásɛ harɛ la ɛ o ne o naanar kon. A ɡɛ saŋ la Korowii aa baɡɛ Abraham nyoa nɔ la, dɛ o ta bii dɔe mɔɔ.

Mmarare 1:8

Harɛ nɔ waa chɔ he sie nɔ, hé kaa dɛ́ ka kpɔ. Harɛ nɔɔ n baɡɛ nyoa ŋɔ mɛɛ kpɔɔ tɛ he naawa, Abraham ne Aesek ne Jekɔb dɛ ba naanar baa ka ba la.’ ”

Mmarare 34:4

Dɛ ŋɔ Mosis be ŋɔ, “Harɛ nɔɔ n kpɔ baɡɛ Abraham ne Aesek dɛ Jekɔb nyoa, ŋɔ mɛɛ kpɔɔ tɛɛ ba naanar la. N ɡelɔ hɛɛ nao te, kɛ maa ɡel he tel o ta.”

Mmarare 9:5

A ta ɛɛ kɛŋɔ he ɛ nɛndɛɛɡa dɛɛ ɛ anɔ la aa wera waa hɛɛ la dɛ́ ka lɛ ba harɛ so. Ba nyubinikpeɡ waa ɡela Korowii ɛɛ ba he sie tɔe dɛ́ doŋ ba le tɛ heya, ásɛ dɛ ɡel waa waa koh a waa baɡɛ he naawa, Abraham ne Aesek dɛ Jekɔb nyoa la won che.

Hibru 11:16

Kɛ ɡɛ laa a do. Harɛdɛɛɡe waa wera ɡwaa bela baa lea la waa baa lii. Harɛ waa lɔ nyundua waa baa lii. Anomanta, a ta Korowii sihiih ɛɛ kɛŋɔ baa dɛ yerɔ ba Korowii, dɛkalkɛŋɔ o kwaa bwɛɛ bɛl cheɡ ba.