Mumpar 27:29 - mzwDBL

²⁹ Harɛre nɛra ɛɛ tomɛɛ, dɛ́ ɡuŋii harɛ. Hɛɛ ɛ nomoa he nya bii bwa nɛɛ, ásɛ ba ɡuŋi harɛ. Nomɛlbwa waa taahnee la, á berɛ ɡure o nyu ta, ásɛ nomɛlbwa waa soŋe andɛɛɡa tɛɛ la, ó ɡe dɔ andɛɛɡa.”

Mumpar 27:29 ပူးပေါင်းရင်းမြစ်များ

Mumpar 12:3

Mɛɛ cha nɛra la baa soŋe andɛɛɡa dɛɛ tɛɛ la. Nomɛlbwa waa taahnee la, ɡɛɛ mɛɛ ba o ɡe taahna, ásɛ a che he nɛ nɛwɛnyini bwa dɔ andɛɛɡa.”

Mumpar 25:33

Asɛ o nime la ŋɔ, “Ŋwɛɛ kɛŋɔ hɛɛ kpɔ he nomonomee tɛ mɛ fini.” O ŋwɛɛ dɛ kpɔ tɛo.

Mumpar 27:30

Aesek aa soŋe Korowii andɛɛɡa tɛ Jekɔb tonɛ asɛ o le kaa la, o dɔɔ Esɔ ɡe le kpaah bɔr ba.

Mumpar 27:37

Belaa Aesek chaŋo ŋɔ, “N dɔɔ kpɔɔ ɛ he nomoa, dɛ kpɔ he lolanar bwa ɛ o bonɔɔna. N tɛo hɛɛra ásɛ o konduula bwa do wer o dɔ kondikwaa ne senfala kohona. Bɔkwaa kaa ń soŋe tɛɛ jaɔ?”

Mumpar 27:40

Yoi ɡboo hɛɛ ba dɛɛ yoi mɔɔ dɛ́ dɔ kwaa di, dɛɛ tomɛ he nime. Kɛ he baa tomɔ la sie tama naa, hɛɛ yoo, dɛ́ berɛ won lɛ he te.”

Mumpar 37:10

Josef aa taa ɡɛ waa nɔ o mɛɛ ne o dɔɔranar be la, o mɛɛ kaoh dɛ ŋɔ, “Bɔkwa ɡe deeraa do ken? Amɔ n ne he nya ne he dɔɔranar ɛɛ bao dɛ́ ba ɡuŋi kɛɛ?”

Mumpar 37:7

Ya dɛ vɔwɛ jaaɡe koo ta, asɛ bɛlbwa bil o kwaa dɛɛ korɛ. Belaa n kwaa maa vɔwa la ir che, asɛ he kwaa la ba bar n kwaa la cheme dɛɛ ɡuŋa.”

Mumpar 9:27

Kórowii tɛ Jafɛt naanar kohona, ba ne Sɛm bwa pɛ so bobeŋkpoŋ! Keenan ɛɛ ɛ yomii do Jafɛt lɔɡa dɛɛ tomɔ.”

1 Koranar 22:47

Dɛ kooro toole Edom harɛ ta, nɛnee Juda kooro le o ka chiɡ o naa ta dɛɛ di kora bela.

1 Koranar 4:21

Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

1 Webena 5:2

Dɛ Juda dea tena dɔ kpeɡri ɡwaa deene la bwa. Kooro le bela dɛ tɛ deene la bwa, a lole kɛŋɔ dɛ Josef dea fe dɔ kpeɡri kɛ biloɡle.

Yela 72:8

Wɛɛ di koraa le mpo bɛl ta ba kaa bɛl ta, dɛ le Yufretis Moo ta ba kaa harɛ jaɡa.

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Aesaya 49:7

Israel tena Lɛɛ, ba Nɛŋɡoroŋ la ŋɔ nɛn harɛre nɛra aa haoh baa wola on kpɔe dɛɛ ɛ wobɛlbwa, ba nomonome ɛo yom la be ŋɔ, “Koranar ɛɛ nae dɛ́ ir che, koobii nae dɛ́ ɡuŋi harɛ. A nɔ bwa ɛɛ ɛo dɛkalkɛŋɔ, men Israel Nɛŋɡoroŋ n wa aa dɔ kasinteŋ la, menee lee.”

Aesaya 60:12

Harɛre nɛra baa ŋɔa baa heyaa tomɛ la, ba harɛre ɛɛ paɡroo dɛ́ chɔɡ kwara.

Aesaya 60:14

Nɛra ba fa aa ɛ heyaa hɔhɔrɔwa naanar ne banɔ la ba fa aa hah he ya, dɛɛ nyiŋi he nyubaah ɛɛ ba ɡuŋi he siee. Baa yerɛ he bwɛɛ Korowii Bwɛjen, Saayɔn, Israel Nɛŋɡoroŋ la Bwɛ.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Nɛra Kura 23:8

Ɛrɛɛ mɛɛ ba wona chɔɡ nɛra Korowii aa swee ba andɛɛɡa ɔ? Ɛrɛɛ mɛɛ ba wona chɔɡ nɛra Korowii aa wola ban chɔɡɔ ɔ?

Nɛra Kura 24:18

Israel tena ɛɛ pɔ Edom tena nɛɛ, baa pɔ ba dɔma Sɛɛ tena nɛɛ. Kɛ dɛ ta do kpeɡri kɛrɛdɛ.

Nɛra Kura 24:9

Ba do kɛŋɔ nyujente waa chɔa, nyujente nee chɔɔ waa, umee dɛ́ won lɔ bambile chumu wɔ? Nomɛlbwa waa swee andɛɛɡa tɛ Israel tena dɔ andɛɛɡa, nomɛlbwa waa taah ba la, á ɡure o ɡbaɡba nyu ta!”

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

Matiu 25:45

Ásɛ n ŋɔ ba be ŋɔ, ‘Kasinteŋ, ɡɛ haa wola n nimanar baa ɛ nɛŋɡwɛɡra waa nɔ dɔŋa puu ba he ta bɛlbwa chae la, menee haa wola chae la.’

Tɔn Pɔɔl Aa Chwerɛ Rom Tena 9:12

“Bii nɔ, bechala la ɛɛ lɛ nomonome o dɔɔ bee, ásɛ o dɔɔ la berɛ dɛɛ tomɔ.” A ɡɛ waa nɔ baɡlɔ kɛŋɔ lee Korowii aa le Jekɔb la, o tetooraa o leo. Jekɔb we-ɛɛla laa o nyiŋi dɛ leo.

Wepila 19:16

Sɔn bɛl dawɛ o yal ne o hwii ta. Gɛ sɔn laanee koranar bwa kooro ne dɔɔranar bwa dɔɔ.