Mumpar 26:28 - mzwDBL

²⁸ Ba chaŋo ŋɔ, “Ya nao kɛŋɔ Korowii teŋɛ he nɛ. Anomanta, ya liiro ŋɔ a chɛ kɛ ya ne he fɔwɛ fɔo. Gel ya ne he fɔwɛ fɔo,

Mumpar 26:28 ပူးပေါင်းရင်းမြစ်များ

Mumpar 24:3

dɛ́ ŋwɛɛ Korowii waa lɔ nyundua ne harɛ bwa la, kɛŋɔ haa Keenan tena maa soɡe ba baah nɔ bihaahnee nyin tɛ n bie nɔ.

Mumpar 24:41

Dɛ he la dea maa le o ta, dɛ ba ta hen haah la tɛɛ kwaraa ɡba aa, dɛ he ta ntam toe kpa.’

Mumpar 31:44

Taraken n sɛoh kɛŋɔ n ne he fɔwɛ fɔo. Gel ya pa bwea dawɛ dɔŋa nɛ á baɡle ya fɔo la.”

Mumpar 39:3

O nomoa la ɡe nao kɛŋɔ Korowii teŋɛ o nɛ dɛ ɡel o wobɛlbwa do wer tɛo.

Mumpar 39:5

Dɛ le a ɡɛ saŋ nomoa la aa kpɔ o dem do o nɔn ta la, Korowii swee andɛɛɡa tɛ nomoa la ne o dem komɛlbwa dɛ o koo kwa.

2 Webena 1:1

Kooro Devid bibaa Solomɔn soɡo kiŋkiŋ o kora ta Israel harɛ ta bwa, asɛ Korowii waa dɛ tomɔ che o mun ta, dɛ ɛo nɛnjen kohona.

2 Webena 15:9

Nɛra warɔ le Efrem ne Manasɛ ne Simeon deene ta dɛ ba ja Kooro Asa nɛ, dɛ so o harɛ ta, dɛkalkɛ ba nao kɛŋɔ Korowii ja o nɛ. Kooro Asa yerɛ ba bwa, ne Juda ne Bɛnjamen deene nɛra cheme.

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Aesaya 60:14

Nɛra ba fa aa ɛ heyaa hɔhɔrɔwa naanar ne banɔ la ba fa aa hah he ya, dɛɛ nyiŋi he nyubaah ɛɛ ba ɡuŋi he siee. Baa yerɛ he bwɛɛ Korowii Bwɛjen, Saayɔn, Israel Nɛŋɡoroŋ la Bwɛ.

Aesaya 61:6

Baa yerɛ heyaa Korowii sɔforee, ne Korowii haa dɛ tomɔ la bonɔɔna. Harɛre nɛra kondɔɔh ɛɛ ɛ he kwaa, ásɛ he koh a waa dɛɛ ɛ mbarafo.

Aesaya 61:9

Ba sɔn ɛɛ leo harɛre nɛra bwa bini, ásɛ nomɛlbwa waa na ba jemɛ kɛŋɔ banee n swee andɛɛɡa tɛ.”

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

1 Kɔrent 14:25

O tea bini waa bwa ɛɛ chɔ baŋee, ásɛ o ɡuŋi Korowii harɛ dɛ́ soŋo, ásɛ dɛ ŋɔ nɛra be ŋɔ Korowii ja he nɛɛ kpela.

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”

Hibru 6:16

Dɛ nɛn dɛ ba ŋwɛɛra aa, kon waa ɡwaaloo o yon ŋwɛɛ, ásɛ ba jemɛ kɛ kasinteŋii wɛɛ bol, dɛ tɔŋla bɛlbwa teŋo.

Josua 3:7

Belaa Korowii ŋɔ Josua be ŋɔ, “Finii mɛɛ ba mun pae dɛ́ ɡel Israel tena bwa jemɛ kɛŋɔ henee ba sitɔɔ, ásɛ ba jemɛ kɛrɛdɛ kɛŋɔ n ja he nɛɛ kɛŋɔ n fa aa ja Mosis nɛɛ la.”

1 Samoɛl 11:1

Dɛ ɛ korobie beŋkpoŋ habɔɔ la, Amɔn Kooro Nahas tɔ o laa tena sie ba ka bar bwɛɛ Jabes waa lɔ Gelead harɛ ta dɛ́ yoo ba. Anee Jabes baala bwa ŋɔ Kooro Nahas be ŋɔ, “Gel ya ne he fɔwɛ fɔo, ásɛ ya do he lɔɡa.”

1 Samoɛl 18:28

Kooro Sɔɔl aa naa kɛŋɔ Korowii ja Devid nɛɛ, asɛ o bihaah la ɡe ɛɛ nyinu la,