24 Awola jwaana la ne la, Korowii ba o be kɛŋɔ deera ta ken dɛ ŋɔ, “Menee Korowii he mɛɛ Abraham aa tomɔ la. Bɛ dɛɛ ɔmɛ, mɛɛ che he habɔɔ. Mɛɛ koh n bonɔndɛɛɡe Abraham waa dɛ́ tɛɛ hɛɛra dɛ́ ɡel he naanar warɛ.”
Belaa Korowii no bie la wii, asɛ o nyundua torome che nyundua ŋɔ Heeɡa be ŋɔ, “Heeɡa, bɔkwa waa dɛɛ hae nɔ? Bɛ ɔmɛ. Korowii no he bie la waa chɔ bela la wii.
Berɛ lii kɛŋɔ mɛɛ teŋɛ he nɛɛ, dɛ́ tɔ he nɛɛ bobɛlbwa haa dɛ ba kaala, dɛ́ berɛ ba he ne harɛ nɔ ta ja. Maa hen ta bwa, nemenɛ n ɛ waa maa baɡɛ nyoa la.”
Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.
He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.
Mɛɛ koh ba waa, dɛ́ lii n ne ba naawa fɔo yaa fɔwa la. Gɛ maa ɡela harɛre na n kpeɡri, dɛ lawɛ n nɛra le Ijipt harɛ ba siwi ta la wa. Men Korowiirii bola.”
He bɛ ɡɛ kwaa la bɛlbwa ba kpɔ, ásɛ a ba ɛ musu tɛ heya, ásɛ Korowii baah bɛ hé nɛɛ ba di. Ó na he sum, dɛ́ dɔ tedoma tɛ heya, dɛ́ ɡel he ya kohona ɡɛ waa baɡɛ he naawa nyoa la,