Mumpar 25:23 - mzwDBL

²³ Anee Korowii ŋɔ o be ŋɔ, “Harɛre nɛra banɛ nomonomaa lɔ he tea bini. Ba baah dɛ́ ba doe kɛŋɔ kolmaala ken. Beŋkpoŋ ɛɛ dɔ kpeɡrii ɡwaa o dɔŋ, ásɛ nomoa la ɛɛ tomɛ bechala la.”

Mumpar 25:23 ပူးပေါင်းရင်းမြစ်များ

Mumpar 17:16

Mɛɛ tɛo hɛɛraa, ásɛ o lolɛ bibaa tɛɛ. Mɛɛ ɡeloo o ɛ harɛre nɛra bwa naa, ásɛ ba bini bane ɛ koojena.”

Mumpar 17:4

“Fɔo n ne haa dɛ fɔwɛ laanee kɛŋɔ mɛɛ ɡeloo he ɛ harɛre damanta nɛra naa.

Mumpar 24:60

Asɛ ba swee andɛɛɡa tɛ Rebɛka ŋɔ, “Ya nimambie, Korowii ɡel he ya kohona, he mun ya kohona aa wola nyoa dɔ, ásɛ he naanar yo lɛ ba dɔma bwɛɛre dɛɛ di a kpeɡri.”

Mumpar 25:24

O tɔpere aa tela kɛ o lolɛ la, o lolɛ kpara.

Mumpar 25:27

Bii la bwa baa kpeɡ. Asɛ Esɔ kpɔ o te ɛ kpɔɡ bini nɛn dɛɛ kpaah kɛrɛdɛ. Dɛ Jekɔb te dɛ so dem.

Mumpar 27:29

Harɛre nɛra ɛɛ tomɛɛ, dɛ́ ɡuŋii harɛ. Hɛɛ ɛ nomoa he nya bii bwa nɛɛ, ásɛ ba ɡuŋi harɛ. Nomɛlbwa waa taahnee la, á berɛ ɡure o nyu ta, ásɛ nomɛlbwa waa soŋe andɛɛɡa tɛɛ la, ó ɡe dɔ andɛɛɡa.”

Mumpar 27:33

Anee o mɛɛ kpɔ bochechela dɛ bɔɔro ŋɔ, “Aah dɛ umee kpɔ kpɔɡ bini ol dɛ daa ba tɛ mɛ laɔ? Gɛ kondikwaa laanee n di tonɛ, dɛ soŋe Korowii andɛɛɡa tɛ naate, dɛ he ɡe deno baa jo la. Kasinteŋ, o wobɛlbwa ɛɛ do werii tɛo!”

Mumpar 27:37

Belaa Aesek chaŋo ŋɔ, “N dɔɔ kpɔɔ ɛ he nomoa, dɛ kpɔ he lolanar bwa ɛ o bonɔɔna. N tɛo hɛɛra ásɛ o konduula bwa do wer o dɔ kondikwaa ne senfala kohona. Bɔkwaa kaa ń soŋe tɛɛ jaɔ?”

Mumpar 27:40

Yoi ɡboo hɛɛ ba dɛɛ yoi mɔɔ dɛ́ dɔ kwaa di, dɛɛ tomɛ he nime. Kɛ he baa tomɔ la sie tama naa, hɛɛ yoo, dɛ́ berɛ won lɛ he te.”

Mumpar 32:6

Toroma la aa bera ba la, ba baa bol o be ŋɔ, “Ya kaa bol he dɔɔ Esɔ be. Baala lafraanaarɛ ja o nɛ do ŋwɛnɛ ta taraken dɛɛ ba dɛ́ ba cheme.”

Mumpar 33:3

Jekɔb berɔ ka tɔ ba bwa sie, asɛ waa dɛ bɛne Esɔ la, o ba harɛ kera anuanɛ mɔɔ dɛ tel o be.

Mumpar 36:31

Koranar baa tɔ sie di Edom kora, mɔɔ Israel te bɛlbwa ɡe ba di la sɔnaa teŋa nɔ.

Mumpar 48:19

O mɛɛ ta sɛɛh dɛ ŋɔ, “N jemɔ, n bie. Manasɛ naanar ɡe ɛɛ warɔɔ dɛ́ ɛ nɛnjena. Kɛ o nime ɛɛ ba ɛ nɛnjenii ɡwaalo, ásɛ o naanar ɡe warɛ kohona.”

2 Samoɛl 8:14

O bɔne laa tena la bini kuore ta ba so bwɛɛre ta Edom harɛ bwa, asɛ harɛ la tena bwa do o lɔɡa dɛɛ tomɔ. Korowii ja o nɛ, bobɛlbwa waa laŋa ka yo bwa.

1 Koranar 22:47

Dɛ kooro toole Edom harɛ ta, nɛnee Juda kooro le o ka chiɡ o naa ta dɛɛ di kora bela.

1 Webena 18:13

O bɔne laa tena la bini kuore ta ba so bwɛɛre ta Edom harɛ bwa, asɛ harɛ la tena bwa do o lɔɡa dɛɛ tomɔ. Korowii ja o nɛ, dɛ ɡel o pɔ bobɛlbwa nɛra waa laŋa ka yo bwa nɛ.

Obadia 1:21

Jerusalam baala baa yoa dɛ le la ɛɛ ka yo Edom tenaa, dɛ́ kpɔ harɛ la dɛɛ nyiŋi o ta. Asɛ Korowii ɡbabir ɛ ba kooro.”

Nɛra Kura 20:14

Kades belaa Mosis tomɛ toroma Edom kooro be ŋɔ, “He lolanar Israel tenaa yaa, he jemɛ ya wenaale yaa lɔ a ta wubwa la.

Mmarare 2:4

A ka tama hé ka kpɔ he lolanar baa ɛ Esɔ naanar dɛ do Sɛɛ harɛ jwɛh ta kaa. Baa dɛɛ ɔmɛ heyaa, kɛ hé nyiŋi kɛrɛdɛ.

Mmarare 2:8

Anomanta, ya kpɔ Esɔ naanar baa lɔ Sɛɛ harɛ la ta, dɛ ɡel Araba ŋwɛnɛ waa kaa Elat ne Eseɔn Gɛba, dɛ kpɔ pua hɛŋle ɡbo harɛ ŋwɛnɛ waa kaa Moab harɛ ta la.

1 Samoɛl 17:14

Ba bwa kaloɡee Devid. Nomonome batoro la ɡe teŋɛ Kooro Sɔɔl nɛ,