Mumpar 24:32 - mzwDBL

³² Belaa Laban kpɔ o ne nyoɡmare la kaa dem, dɛ ka laa laala nyoɡmare la aa cheɡa la pur. Dɛ tɛa kpɔɡa ne kondikwa. Asɛ dɛ tɛ baala baa teŋɛ o nɛɛ la nee ŋɔ bá sarame nakpale.

Mumpar 24:32 ပူးပေါင်းရင်းမြစ်များ

Mumpar 18:4

Hé ɡel n ba tɛ heyaa nee tama he sarame he nakpale, ásɛ dɛ ka onɛ daa nɔ mun bela.

Mumpar 19:2

“N dɔɔranar n dɛ soŋe heya, hé pere kpɔ men maa ɛ he bonɔɔ be bonɔ, dɛ́ ba sarame nakpale ásɛ dɛ chɔ kere hé kaa.” Anee ba ŋɔ, “Ɔɔhɔh, yaa chɔ buse baahnee.”

Mumpar 24:33

Ba baa tɛɛ ba kondikwa, anee Abraham bonɔɔ la ŋɔ, “Maa di, nemenɛ maa bɔ me amaneɛ mɔɔ.” Asɛ Laban ŋɔ, “Amɔ bɔ he amaneɛ ɔ.”

Mumpar 29:13

Laban aa no o manaara Jekɔb waa la, o chwao ka chemo dɛ ɡbaaro pɛl o te dɛ ba o ne dem. Asɛ Jekɔb bɔ o amaneɛ bwa.

Mumpar 43:24

Ate, o laɡ ba jo dem dɛ tɛɛ ba nee ba sarame ba nakpale, dɛ tɛ ba keeɡore ɡe kwaa a di.

Amanesoma Luk Aa Chwera Tɔn 7:44

Yeesu aa ŋɔ ɡɛ la, o berɛ sie ta haah la be, dɛ ŋɔ Seemɔn be ŋɔ, “Kɛ he na haah nɔ kenɛ? Maa ba he dem bonɔ la, he ta men nee tɛɛ ń sarame n nakpale. Kɛ haah nɔ te wio ta n nakpale ta, dɛ kpɔ o nyumpona feera kɛrɛdɛ ken.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

Sitɔɔla 19:21

Anomanta, o kaa ba ne o dem, dɛ tɛ keeɡore la kwaa a di. O tɛ nɛra la nee ba sarame ba nakpale, dɛ tɛɛ ba kondikwaa ba di dɛ tɛɛ ba sen ɡe ba nyɔ.

1 Samoɛl 25:41

Ate, o ɡuŋi dɛ kpɔ sie pi harɛ dɛ ŋɔ, “O toloo men, mɛɛ tomɔɔ dɛɛ sarame o bonɔɔna nakpale.”