Mumpar 24:3 - mzwDBL

³ dɛ́ ŋwɛɛ Korowii waa lɔ nyundua ne harɛ bwa la, kɛŋɔ haa Keenan tena maa soɡe ba baah nɔ bihaahnee nyin tɛ n bie nɔ.

Mumpar 24:3 ပူးပေါင်းရင်းမြစ်များ

Mumpar 14:19

dɛ soŋe andɛɛɡa tɛo ŋɔ, “Nemenɛ Korowii waa dɔ komɛlbwa kpeɡri dɛ ta nyundua ne harɛ la kwaa he kwaa tɛɛ.

Mumpar 14:22

Anee Abram chaŋo ŋɔ, “N ŋwɛɛ ntam, Nemenɛ Korowii waa ta nyundua ne harɛ la sie kɛŋɔ,

Mumpar 21:23

Anomanta, ŋwɛɛ Korowii kɛŋɔ haa n ne n bii ne naanaree neɡre. Nyiŋi kɛrɛdɛ wedɛɛɡa maa ɛɛ la, ásɛ dɛ kpɔ ɡɛ ɛ n ne harɛ nɔ haa baa so o ta taraken dɛ ɛ hɔɔhra nɔ tena bwa.”

Mumpar 24:7

Dɛ berɛ ŋɔ, “Korowii Waa Dɛ Di Kora Nyundua laanee kpɔ mɛ le n mɛɛ dem ne harɛ baa lol mɛ o ta la ta, dɛ ŋwɛɛ baɡ mɛ kɛŋɔ n naanaree wɛɛ ba ɡɛ harɛ nɔ kpɔe tɛ. Wɛɛ ɡeloo o nyundua torome tɔ he sie, ásɛ he won ka dɔ haah ba tɛ n bie nɔ.

Mumpar 27:46

Belaa Rebɛka ŋɔ Aesek be ŋɔ, “N sie aa Hiti bitoli nɔ nɛɛ lɛ. N kii ba kɔkɔkɔ. Dɛ Jekɔb ŋɔ wɛɛ mo ba bini bɛlee yaa, mɛɛ sewɔɔ hɛo.”

Mumpar 28:1

Belaa Aesek yerɛ Jekɔb dɛ swee andɛɛɡa tɛo dɛ berɛ ŋɔ, “Bɛ Keenan harɛ nɔ ta haahna nɔ bini bɛlbwa mo.

Mumpar 28:8

Esɔ ɡe nao kɛŋɔ Keenan harɛ haahna wa aa were o mɛɛ be kwaraa,

Mumpar 34:9

Gel ya nyoa pɛ yaa mo he bihaahna, ásɛ he ɡe ɛɛ mo ya kwa.

Mumpar 38:2

Waa kaa so bela la, o na bihaah bɛl dɛ moo, o mɛɛ ɛ Keenan te baa yerɔ Sua.

Mumpar 47:31

Anee Jekɔb ŋɔ, “Ŋwɛɛ kɛŋɔ hɛɛ ɛ ɡɛɛ.” Asɛ o ɡe ŋwɛɛ, asɛ Jekɔb ɡuŋi mpa ta dɛ jam Korowii.

Mumpar 50:25

Asɛ Josef berɛ ŋɔ ba be ŋɔ, “Hé ŋwɛɛ baɡ mɛ kɛŋɔ Korowii tɔ he sie dɛ kaa he ne harɛ la ta naa, hɛɛ kpɔ n lalee kaa.”

Mumpar 6:2

belaa nyundua nɛra la aa naa kɛŋɔ harɛ nɛra la bihaahna la wer la, ba kpɔ ba bini bane mo, asɛ ba ne ba so.

Mumpar 6:4

A ɡɛ saŋ ne a habɔɔ bwa la, dɛ nɛra bane lole baa yer ba Nefilim dɛ do harɛ nɔ ta, ba kpeɡo kohona dɛ do kpeɡri. A ɡɛ nɛra nɔ ɛ harɛ nɛra la bihaahna baa lol ba ne nyundua nɛra la naanar. A ɡɛ nɛra nɔɔ kpeɡa kohona a ɡɛ saŋ tena la bini dɛ dɔ sɔna la.

2 Koranar 19:15

Asɛ dɛ soŋe Korowii ŋɔ, “N Naa Korowii Israel tena aa dɛ tomɛ, he so kena kwaa Kerobim doa. Korowii bɛlbwa toole ka ja he nɛ dɛɛ nyiŋi harɛre bwa ta. Henee ta nyundua ne harɛ.

2 Webena 2:12

Dɛ berɛ ŋɔ, “Yá kpɛɛ Korowii Israel tena aa dɛ tomɛ, o ta nyundua ne harɛ. O tɛ Kooro Devid bibaa waa dɔ wejema, dɛ dɔ waa mun noe kohona, dɛɛ ba Dea doe tɛ Korowii dɛ́ berɛ do o koodem.

Ɛsra 5:11

Waa baa chaŋe yaa teŋa nɔ. ‘Ya ɛ Korowii Waa Dɛ Di Kora Nyundua ne harɛ bonɔɔna, asɛ ya berɛ kwaa dɛɛ ma Korowii Dea ba fa aa mao saŋ la bwa la. Israel kooro bɛl o fa aa dɛ di kpeɡri kohona laanee pa o mun dɛ tonɔ.

Nehemia 13:25

Asɛ n baah di ba nɛ, dɛ taah ba. N lɔɔ ba, dɛ chuɡri ba bini bane ɡe nyumpona, dɛ ɡel ba ŋwɛɛ ntam Korowii sɔn ta kɛŋɔ, ba ne ba bibaala ne bihaahna bɛ nɛŋhɔɔhra baa wola Korowii tomɛ mo, kɛɛ dɛ yalɛ kpa bwa.

Nehemia 9:6

He ɡboo Korowii, henee ta nyundua ne weweela bwa. Henee ta harɛ ne mpo, dɛ kwaa aa lɔ a ta bwa, dɛ ɡel a bwa do le. Kwaa aa lɔ nyundua bwa dɛ ɡuŋi.

Yela 115:15

Korowii waa ta nyundua ne harɛ la, swee heya andɛɛɡa.

Yela 136:26

Hé kpɔ jam tɛ Korowii Waa Dɛ Di Kora Nyundua O nyina lole saŋ bɛlbwa dɛɛ la.

Kaala 20:7

He bɛ men maa ɛ Korowii haa dɛ tom mɛ la dɛɛ ŋwɛɛ wesale bɛlbwa ta. Mɛɛ tɛr naate waa dɛ ŋwɛɛ mɛ ɡɛ la deŋnee.

Kaala 22:11

ba nɛra banɛ la bwa la Korowii sie, ásɛ naate waa dɛ nyiŋi kon la ta la ŋwɛɛ kɛŋɔ kon la toole o be. Kon te la chɛ kɛ ó no a mun ɡɛ, ate komɛlbwa toole naate bɔ tɛo kpa.

Kaala 23:13

Hé do sie dɛ́ ɛ wobɛlbwa maa bol he be nɔ. He bɛ voɡare dɛɛ tomɛ. He bɛ ɡel ba no a sɔna kwaraa he nyoo.

Kaala 34:16

Hé nyin ba bihaahna tɛ he bibaala ba mo, asɛ baa tomɛ ba voɡa la aa, ba ken ɛɛ berɛ he bibaala la liiree le n be dɛɛ tomɛ ba voɡa la.

Aesaya 45:23

N ŋwɛɛ n ɡbaɡba, maa nentanee ta dɛ́ berɛ kpɛla. N nyoa wobol bɛlbwa toɡrɔ. Nomɛlbwa ɛɛ ɡuŋ mɛ harɛɛ, ásɛ dɛ che n sɔn ta ŋwɛɛ kɛŋɔ ba Dɔɔree men.

Aesaya 48:1

Korowii ŋɔ, “Hé no, Jekɔb naanar baa bera dɛɛ yerɛ heyaa Israel tena he le Juda dea, he dɛ ŋwɛɛ men Korowii sɔn, dɛɛ ɛ kɛŋɔ he dɛ tomɛ Korowii Israel tena aa dɛ tomɔ la, kɛ haa waa haa dɛ bol la ɛ.

Aesaya 65:16

Nomɛlbwa dɛ nyin kɛ o swee andɛɛɡa harɛ la ta naa, ó soŋe le men Kasinteŋ Korowii be. Wahala aa lɔ he nɛɛ wubwa ɛɛ tonɔɔ, he soh a wa.”

Jeremia 10:11

Korowii berɔ ŋɔ, “Ŋɔ ba be ŋɔ voɡare aa wola wone ta nyundua ne harɛ nɔ la, a dɛ ba chɔɡa le harɛ nɔ ta kwaraa.”

Jeremia 12:16

Kɛ dɛ ba wono charɛ ba liire dɛ hweli n nɛra we-ɛɛla, dɛ won dɛɛ ŋwɛɛ n sɔn ta ŋɔ, ‘N ta aa lole saŋ bɛlbwa’ nɔ ɡɛ ba fa aa baɡle n nɛra ba yon ŋwɛɛ voɡ Baal la aa, amɔ ba ɡee ja n nɛra nɛɛ, ásɛ ba wobɛlbwa do wer tɛɛ ba.

Jeremia 29:6

Hé mo haahna dɛ́ loɡle bibaala ne bihaahna, dɛ́ nyin haahna tɛ he bibaala ɡe, ásɛ dɛ kpɔ he bihaahna ɡe tɛ yal, ɡɛ aa ɛ ásɛ ba ɡe dɔ bibaala ne bihaahna. Hé ɡel he mun ya kohona bela, dɛ bɛ mule.

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

Lewi Dea Tena 19:12

He bɛ n sɔn kpɔ dɛɛ ŋwɛɛ waa aa ɛ nyosone, dɛ́ chɔɡ men Korowii haa dɛ tom mɛ sɔndɛɛɡe la. Men Korowiirii bola.

Sefania 1:5

Mɛɛ chɔɡ nɛra baa teehna kaa deene dor kaa tomɛ wee, ne korobie dɛ weweela, ne banɔ la baa ŋwɛɛra ŋɔ ba dɛ tom mɛ kɛ dɛ berɛ kaa tomɛ voɡ Molɛk ɡe ja laanee.

Nɛra Kura 5:21

Kórowii ɡel he hwie serewe, dɛ́ do jeɡre he tea su, dɛ́ ɡel he nɛra taahne dɛ́ vɛɛh.

1 Kɔrent 7:39

Dɛ haah yalɔ, o jaa ta do le naa, baa laanee dɔ haah la kpeɡri. Kɛ dɛ baa la sewaa, o ta haah la kpeɡri dɔe kpa. Haah la won kaala, dɛ́ ka yalɛ baa waa dɛ nyinu ja. Kɛ o bɛ baa waa wola asɔre te ɛɛ yalɛ.

Mmarare 10:20

Hɛ́ɛ duu Korowii haa dɛ tomɔ nɔ, hé tomɔ. Hé kpɔ he te pɛlo, o ɡbo sɔn taa chɛ kɛŋɔ hɛ́ɛ ŋwɛɛ.

Mmarare 6:13

Hɛ́ɛ duu Korowii dɛ́ɛ tomɛ o ɡbo, dɛɛ baɡɛ nyoa o sɔn ta.

Hibru 6:16

Dɛ nɛn dɛ ba ŋwɛɛra aa, kon waa ɡwaaloo o yon ŋwɛɛ, ásɛ ba jemɛ kɛ kasinteŋii wɛɛ bol, dɛ tɔŋla bɛlbwa teŋo.

Josua 2:12

Rahab berɔ ŋɔ ba be ŋɔ, bá ŋwɛɛ Korowii kɛŋɔ dɛ ba dɛ ba dɛ́ ba yo Jeriko tena aa, baa na o ne o lolanar sumii ɡɛ waa na ba sum la. Dɛ ŋɔ ba ɛ we-ɛɛle bɛl ásɛ o na dɛ́ yarada kɛŋɔ

Sitɔɔla 14:3

Anee ba chaŋo ŋɔ, “Haahna toole ya dea kɛɛ ya Israel tena bini hɛɛ la ka mo haah Filisti tena voɡtoroma nɔ bini naa?” Asɛ o ŋɔ o mɛɛ be ŋɔ, “Onee n bambile lawɛ, nyinu tɛ mɛ.”

1 Samoɛl 20:17

Jonatan ɡelɔ Devid berɛ kwaa baɡɛ nyoa kɛ wɛɛ dɛɛ nyin o waa kohonaa, dɛkalkɛŋɔ o dɛ nyin Devid waa kɛŋɔ o ɡbaɡba ken.

1 Samoɛl 30:15

Devid bɔɔ Ijipt te la ŋɔ, “Hɛɛ won tɔ n sie dɛ́ la n ne n laa tena nɔ be naa?” O chaŋe ŋɔ, “Ŋwɛɛ Korowii kɛŋɔ haa men kpo kɛɛ haa men le tɛ n dɔɔ, ásɛ n tɔ he sie la he ne ba be.”