Mumpar 24:29 - mzwDBL

²⁹ Dɛ Rebɛka nimambie bɛl lole baa yerɔ Laban. Laban chwao le buse dɛ la baa la be bule la ta,

Mumpar 24:29 ပူးပေါင်းရင်းမြစ်များ

Mumpar 24:30

dɛkalkɛŋɔ o na noniseɡ la aa lɔ o nime mee ta ne nɔnloɡa la aa lɔ o nɔɔra ta, dɛ no ɡɛ Rebɛka aa bol waa baa la aa bol o be la. O la baa la be, dɛ ka nao kɛŋɔ waa cheɡɛ o nyoɡmare jwɛɛh bule la ta.

Mumpar 24:55

Anee Rebɛka dɔɔ ne o nya chaŋe ŋɔ, “Gel haah la so ya be tama dɛ́ ɛ tɔpera fi mɔɔ dɛ́ kaa.”

Mumpar 24:60

Asɛ ba swee andɛɛɡa tɛ Rebɛka ŋɔ, “Ya nimambie, Korowii ɡel he ya kohona, he mun ya kohona aa wola nyoa dɔ, ásɛ he naanar yo lɛ ba dɔma bwɛɛre dɛɛ di a kpeɡri.”

Mumpar 25:20

Waa di bene fifraanaarɛ la o mo Rebɛka. Bɛtoɛl waa le Mɛsopoteemea harɛ dɛ ɛ Aram te la bihaahnee, asɛ o ɛ Laban nimambie.

Mumpar 27:43

Taraken n bie, no n waa nɔ. N dɛ nyin kɛŋɔ he le bonɔ warane, dɛ́ kaa n dɔɔ Laban be Haran.

Mumpar 28:2

Ir dɛ́ kaa Mɛsopoteemea harɛ ta, dɛ ka mo haah le he nya mɛɛ Bɛtoɛl dem. Ka mo he naara Laban bihaahna la bini bɛl.

Mumpar 29:13

Laban aa no o manaara Jekɔb waa la, o chwao ka chemo dɛ ɡbaaro pɛl o te dɛ ba o ne dem. Asɛ Jekɔb bɔ o amaneɛ bwa.

Mumpar 29:5

O berɔ pɛɛ ba ŋɔ, “He jemɛ Neehɔ naa baa dɛ yerɔ Laban la aa?” Ba ɡe ŋɔ, “Ɔɔh, ya jemɔ.”