Mumpar 24:27 - mzwDBL

²⁷ dɛ ŋɔ, “Korowii n dɔɔ Abraham aa dɛ tomɛ, jam kɛŋɔ haa dɔ kasinteŋ dɛ teŋɛ dɛɛ nyin n dɔɔ nɔ. Asɛ dɛ kpɔ n naa andɛɛɡa ba n dɔɔ lolanar buse nɔ.”

Mumpar 24:27 ပူးပေါင်းရင်းမြစ်များ

Mumpar 13:8

Belaa Abram ŋɔ Lɔt be ŋɔ, “Nɛmbeŋkpoŋii n ne he bwa, anomanta, a ta chɛɛ kɛŋɔ n ne he yo, a ta chɛɛ kɛŋɔ n bonɔɔna ne he bonɔɔna ɡe yo.

Mumpar 14:20

Nemenɛ Korowiirii dɔ jam kɛŋɔ waa ba he dɔma ne harɛ asɛ he tiɡri ba nɛɛ nɔ.” Asɛ Abram bɔne koŋkwaare waa kaa lɛ o dɔma la be la bini bɔre fi, dɛ kpɔ bɔrbeŋkpoŋ tɛ kooro Mɛlkesɛdɛk.

Mumpar 24:12

Ate, o soŋe Korowii ŋɔ, “N Naa Korowii n dɔɔ Abraham aa dɛ tomɛ, n dɛ soŋe, ɡel a chiɡ mɛ kɛrɛdɛ fini, dɛ́ teŋɛ nyoa haa baɡɛ n dɔɔ la ta.

Mumpar 24:21

Bonɔɔ la nyiŋu jeiih, o ta wobɛlbwa bolɛ dɛɛ lii kɛŋɔ o ŋwɛnɛ waa bao la, Korowii ɡelɔ wɛɛ ba hɛɛra dɔe kɛɛ?

Mumpar 24:4

N ɡbaɡba harɛ ta ne n lolanar binii mɛɛ nyin kɛ he mo haah tɛ n bie Aesek.”

Mumpar 24:42

Maa tel bule la ta fini la, n ŋɔ, ‘Korowii n dɔɔ Abraham aa dɛ tomɛ, dɛ hɛɛ sɛoh waa, tɛ mɛ hɛɛra waa maa dɛ ba ba ɛ nɔ ta.

Mumpar 24:48

Belaa n ɡuŋi dɛ jam Korowii, dɛ kpɛɛ n dɔɔ Abraham Korowii waa kpɔ n naa andɛɛɡa kɛŋɔ ń ka mo n dɔɔ nime bie ba tɛ o bie la.

Mumpar 32:10

He teŋa haa teŋa dɛɛ nyin mɛ, ne he kasinteŋ haa ɡela n na nɔ bini bɛlbwa ta men maa ɛ he bonɔɔ nɔ chɛɛ. N fa aa ɡale Jɔɔdan Moo la, dɛ n ta komɛlbwa kpoŋe nemenɛ n daŋɡbala ɡbo, taraken he berɛ ɡel n ya dɛ ɛ nɛmbele banɛ.

Mumpar 32:11

N dɛ soŋe kɛŋɔ he lɛɛ mɛ le n dɔɔ Esɔ nɔn ta. N dɛ ɔmɛ kɛŋɔ o bɛ yaa ba yo, dɛ́ kpoo n ne n haahna ne bii bwa.

Mumpar 9:26

Asɛ o berɛ ŋɔ, “Hé kpɛɛ Korowii Sɛm aa dɛ tomɔ, Keenan ɛɛ tomɛ Sɛmii.

2 Samoɛl 18:28

Ate, Ahimas kpɔ silɛɛ yerɛ kooro ŋɔ, “Wobɛlbwa maɡrɔ.” O ɡuŋi kooro sie dɛ kpɔ duure tɛo dɛ ŋɔ, “Korowii haa dɛ tomɔ laanee dɔ jam! O ɡelɔ he pɔ nɛra baa ɛɛ dɔm la nɛ!”

Yela 100:5

Korowii waa wer, o nyina waa dɛ nyin yaa ne o kasinteŋ lole saŋ bɛlbwa dɛɛ la.

Yela 68:19

Ya kpɛɛ Korowii yaa dɛ tomɔ, onee ya Lɛɛ la. Tɔpere bwaa wɛɛ nyiŋi ya nɛ, ya waa bwa dawɛ o nɛ.

Yela 98:3

O teŋɛ nyoa waa baɡɛ Israel tena kasinteŋ ne nyina aa wola jaɡa dɔe bwa ne. Nɛra baa lɔ harɛ jaɡa bwa na ɡɛ Korowii yaa dɛ tomɔ aa lɛ o nɛra.

Kaala 18:10

Asɛ Jetro ŋɔ, “Korowiirii dɔ jam kɛŋɔ waa lɛ heyaa le Ijipt tena ne ba kooro nɔn ta.

Kaala 2:11

Mosis aa kpeɡa la, awola bɛl, o iro dɛ ka chɔɔ o bala Hibru tena, dɛ na ɡɛ baa do ba baa ɛ tomkpeɡa. Asɛ Mosis na Ijipt te kɛŋɔ waa dɛ lɔɔ o bwɛɛ Hibru te.

Kaala 2:13

Tɔ aa pera la, o laŋɔ ŋɔ ó ka chɔɔ o bala la ja dɛ na Hibru tena baala banɛ aa dɛ yo. Belaa o bɔɔ onɔ la o kon aa wola maɡrɛ la ŋɔ, “Ɛrɛɛ hɛɛ lɔɔ he dɔŋ nɔɔ?”

Kaala 34:6

Belaa o teŋe Mosis sie ba kaa dɛ ŋɔ, “Menee Korowii, menee dɔ tedoma dɛɛ na nɛra sum. N baah aa di warawara, n nyina ne n kasinteŋ ɡe kan.

Sɛɡla 3:6

Wobɛlbwa haa dɛ ɛ la, lii Korowii wa, ásɛ o baɡle ŋwɛnɛdɛɛɡe hé kpɔ o ta.

Sɛɡla 8:20

Waa aa toɡraa mɛɛ ɛ, dɛɛ teŋɛ kasinteŋ ta,

Maeka 7:20

Hɛɛ teŋɛ kasinteŋ ne he nyina aa wola jaɡa dɔe taa, dɛ́ sune Jekɔb ne Abraham naanar nɛ, ɡɛ haa baɡɛ ya naawa nyoa saŋ la.

Amanesoma Luk Aa Chwera Tɔn 1:68

“Hé ɡel ya kpɛɛ Korowii Israel tena aa dɛ tomɔ, dɛkalkɛŋɔ o cha o nɛra dɛ lɛ yaa le wahala ta.

Amanesoma Jɔn Aa Chwera Tɔn 1:17

Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

1 Timoti 1:17

Yá kpɔ duure tɛ Koojen la o Kora dii aa wola jaɡa dɔe, waa wola sewɛ bwa, baa wola won on na, o ɡbo aa ɛ Korowii la, dɛɛ ɡuŋu harɛ fini ne tɔpere bɛlbwa. Aamen.

Rut Tɔn 4:14

Anee haahna la ŋɔ Naomi be ŋɔ, “Korowii jam kɛŋɔ fini waa tɛɛ lole tenten wáa di he kwaa nɔ. Korowiirii dɛ́ ɡel o sɔn le Israel harɛ ta bwa!

1 Samoɛl 25:32

Devid ŋɔ Abiɡel be ŋɔ, “Korowii Israel tena aa dɛ tomɔ la chɛ jam, kɛŋɔ waa tomɛ fini he ba chem mɛ nɔ.

1 Samoɛl 25:39

Devid baa no kɛ Nabal sewɔ, asɛ o ŋɔ, “Korowii jam kɛŋɔ waa bɔ Nabal kem n chɛɡa waa chɛɡ mɛ wa, asɛ o ta ɡelɛ men maa ɛ o bonɔɔ ɛ wechɔɡa bɛlbwa nɔ. Korowiirii tɛr o deŋne o wechɔɡa waa ɛa waa la.” Asɛ Devid tomɛ ba ka ŋɔ Abiɡel be ŋɔ o dɛ nyinu dɛ́ mo.