Mumpar 23:4 - mzwDBL

⁴ “N ɛ hɔɔh dɛ ba pu heyaa so, bonɔ laa n le. Anomanta, hé tɛ mɛ harɛ asɛ n yawɛ dɛ huɡe n haah.”

Mumpar 23:4 ပူးပေါင်းရင်းမြစ်များ

Hibru 11:9

Yarada nee o ka so harɛfale Korowii aa baɡɔ nyoa la ta kɛŋɔ hɔɔh ken. Tɛnte deene binii o so kɛŋɔ o bie Aesek ne o ɡe bie Jekɔb Korowii aa baɡɛ ba ɡe a ɡɛ nyoa nɔ tenten la.

1 Webena 29:15

Ya ɛ hɔɔhra he sie kɛŋɔ ya naawa bwa fa aa ɛa la. Ya tɔpera yaa di harɛ nɔ ta do kɛŋɔ lileo, tamaa ken dɛ o kaalɔ la ken. Ya ta hwɛɡa bɛlbwa dɔe.

Mumpar 17:8

Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”

Yela 119:19

N ɛ hɔɔh harɛ nɔ ta, bɛ he waa haa do mɛ a ta la kpɔ sɔɔh mɛ.

We-ɛɛla 7:5

A ɡɛ saŋ la, Korowii ta harɛ la pera teŋe tɛ Abraham kɛŋɔ ó ɛ o ɡe kon nɔ. O ta naɡale beŋkpoŋ del kwara teŋe tɛo. Kɛ Korowii baɡɔ nyoa ŋɔ wɛɛ kpɔɔ tɛo, ásɛ harɛ la ɛ o ne o naanar kon. A ɡɛ saŋ la Korowii aa baɡɛ Abraham nyoa nɔ la, dɛ o ta bii dɔe mɔɔ.

Yela 39:12

N Naa Korowii, no n wesoŋa, no n wii dɛ́ cha mɛ, bɛ he deŋna laa kpɔ n be. N do kɛŋɔ hɔɔh harɛ nɔ ta he sie, kɛŋɔ ya naawa bwa fa aa ɛa la.

Lewi Dea Tena 25:23

Hɛ́ɛ berɛ harɛ yoɡa tɛ nɛn o den ɛ o kon kwara, dɛkalkɛ he ɡbabir kon laa. Men Korowii konee. He do kɛŋɔ hɔɔhra dɛɛ nyiŋi o ta.

Mumpar 49:30

Makpɛlaa o do, o bɛne Mamre waa lɔ Keenan harɛ ta. Abraham yawɛ a ɡɛ bɔr nɔ ne koo la le Efron be o ɛ ba huɡri bɔr.

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Wejereme 12:5

ɡɛ saŋ nɛra aa dɛɛ ɔmɛ bwejaŋa dor laŋa, ne ɔmee aa lɔ fɔɡbaahna, ne ɡɛ saŋ daa bɛl waa dɛ fe fepoŋa. Ásɛ hɔɔhre jah dɛɛ kaa tama tama, pɛlchɔɡa bwa ba a jaɡa, dɛkalkɛŋɔ nɛra boa ba nyoa, dɛɛ ba ba kaa lalabwɛ.

Wejereme 6:3

Dɛ nomɛl soɡo biɡri dɛ dɔ bii lafa, kɛ o soɡa dɛ biɡri bwa habɔɔ, dɛ o ta wone dɔ silɛɛ o kondɔɔh waa dɔa ta, dɛ sewɛ ba huɡo kɛrɛdɛ naa, amɔ dɛ bie baa haro ta kwaraa ɡwaalo.

Job Tɔn 30:23

N jemɔ kɛŋɔ seo binii hɛɛ kaa n ne, bela haa lea cheɡ nomɛlbwa la.

Mumpar 50:13

Ba cheɡɔɔ kaa Keenan harɛ ta, dɛ ka huɡo bwebɔɔ waa lɔ Makpɛla. O bɛne Mamre wee leebɔr koo Abraham aa yawɔ le Hiti te Efron be dɛ kpɔ ɛ huɡri bɔr la.

Mumpar 47:9

Anee Jekɔb chaŋe ŋɔ, “Bene maa kpɔa dɛɛ ɡaaɡe la lɔ lafa fifraatoro, a kwaraa la dɛ a kpeɡri tɛ mɛ. A ta n naawa bene baa dia ba ɡaaɡa bini dɛ so biɡri la tele.”

Mumpar 3:19

Hɛɛ kwee bɔwɔbee mɔɔ dɛ́ di kwa ka tel kɛŋɔ haa berɛ kaa teera maa kpɔa mae la bini, dɛkalkɛ teera hen, teera binii he berɛ dɛɛ ba kaala.”

We-ɛɛla 7:16

Baa serewa la, ba kpɔ ba kaa Sɛkem, dɛ ka huɡ ba lalbɔɔ la Abraham fa aa yawa Hamɔ dea tena be la ta.

Mumpar 23:5

Asɛ ba chaŋo ŋɔ,

Kaala 2:22

Ba lolɛ bibaa, asɛ Mosis ŋɔ, “O sɔne Gɛɛsɔm dɛkalkɛŋɔ, hɔɔhree men harɛ nɔ ta.”