Mumpar 22:17 - mzwDBL

¹⁷ mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,

Mumpar 22:17 ပူးပေါင်းရင်းမြစ်များ

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

Mumpar 15:5

O nao kɛŋɔ Korowii aa lawɔ le buse dɛ ka ŋɔ, “Ha sie nyiŋi nyundua, dɛ́ na ɡɛ weweela aa wara, hɛɛ won kura aa? Gɛɛ mɛɛ ba ɡela he naanar warɛ.”

Mumpar 17:6

Mɛɛ ɡeloo he naanar ya taeh, ásɛ a che he nɛɛ nɛra warɛ harɛre ta, ásɛ ba bini bane ɛ koranar.

Mumpar 24:60

Asɛ ba swee andɛɛɡa tɛ Rebɛka ŋɔ, “Ya nimambie, Korowii ɡel he ya kohona, he mun ya kohona aa wola nyoa dɔ, ásɛ he naanar yo lɛ ba dɔma bwɛɛre dɛɛ di a kpeɡri.”

Mumpar 25:11

Abraham seo habɔɔ la, Korowii swee o bie Aesek andɛɛɡa. Asɛ o so Beɛ Lahae Rɔe jwɛh.

Mumpar 26:24

Awola jwaana la ne la, Korowii ba o be kɛŋɔ deera ta ken dɛ ŋɔ, “Menee Korowii he mɛɛ Abraham aa tomɔ la. Bɛ dɛɛ ɔmɛ, mɛɛ che he habɔɔ. Mɛɛ koh n bonɔndɛɛɡe Abraham waa dɛ́ tɛɛ hɛɛra dɛ́ ɡel he naanar warɛ.”

Mumpar 26:4

Mɛɛ ɡeloo he naanar warɛ kɛŋɔ weweela, dɛ́ kpɔ harɛre nɔ bwa tɛɛ ba. He naanar nɛɛ aa ba cheɡa harɛ nɔ ta nɛra bwa dɔ hɛɛra.

Mumpar 28:3

Kórowii Waa ɛ Kpeɡri Bwa Dɔɔ la che he mun ta, dɛ́ swee andɛɛɡa tɛɛ he hahmor ta, ásɛ he lolɛ bii kohona á che a ta he ɛ harɛre nɛra ɡalɡa naa.

Mumpar 28:4

Onee dɛ́ che he ne he naanar mun ta, ɡɛ waa cheɡɛ Abraham mun ta la, ásɛ harɛ nɔ yaa ɛ hɔɔhra o ta Korowii kpɔ tɛ Abraham nɔ ɛ he kon.”

Mumpar 32:12

Henee ŋɔa ŋɔ hɛɛ ɡeloo he naanar warɛ kɛŋɔ, mpo nyoa hɛŋle nomɛlbwa aa wola won kur ba.”

Mumpar 32:13

Jekɔb chɔ bela awola jwaana la bwa, asɛ dɛ chale o kondɛɛra la bini ane dɛ́ kpɔ ka tɛ Esɔ.

2 Samoɛl 17:11

Anomanta, waa maa dɛ bol laanee kɛŋɔ, he boa Israel tena nyoa le Dan dea waa lɔ weekaŋle nyundua pera, dɛ́ ba kaa Beɛseeba waa lɔ weekaŋle harɛbɔr baa wara kɛŋɔ mpo nyoa hɛŋle dɛ do harɛ la bobɛlbwa, ásɛ he ɡbaɡba tɔ ba sie la ba ne laa.

1 Koranar 4:20

Kooro Solomɔn bere saŋ dɛ Juda ne Israel tena warɔ kɛŋɔ mpo nyoa hɛŋle ken. Kɛ dɛ bɛlbwa dɔɔ dɛɛ di dɛɛ nyɔ, ba sie ɛɛ lɛ.

1 Koranar 9:26

Kooro Solomɔn berɔ ɛ stiimaere bwɛɛ bɛl baa dɛ yerɔ Eseɔn Gɛba ta, o bɛne Elat waa lɔ Edom harɛ ta, Mposwɛm nyoa.

1 Webena 27:23

Kooro Devid ta baala baa wola bene fifraanɛ tele la kure, dɛkalkɛ Korowii baɡɛ nyoa ŋɔ wɛɛ ɡeloo Israel tena warɛ kɛŋɔ weweela ken.

2 Webena 1:9

N Naa Korowii maa dɛ tomɛ, ɡel nyoa haa baɡɛ n mɛɛ la che. He ɡelɔ mɛɛ di kora nɛra baa wara baa wola won kur ba nɛ.

Nehemia 9:23

He tɛɛ ba bii ba warɛ kɛŋɔ weweela ken, dɛ ɡel ba yo nɛra dɛ pɔ ba nɛ, dɛ so harɛ haa baɡɛ ba naawa ŋɔ hɛɛ kpɔɔ tɛɛ ba la ta.

Kaala 32:13

Lii he bonɔɔna Abraham ne Aesek dɛ Jekɔb baa tomɛ la wa. He ŋwɛɛ he ɡbaɡba, dɛ baɡ ba nyoa ŋɔ hɛɛ ɡeloo ba naanar mun ya kɛŋɔ weweela, ásɛ dɛ tɛɛ ba harɛ la bwa haa ŋɔa hɛɛ kpɔɔ tɛɛ ba laanee ó ɛ ba kon saŋ bɛlbwa dɛɛ la.”

Aesaya 48:19

He naanar fe ɛɛ warɔ kɛŋɔ mpo nyoa hɛŋle ken. N fe nyiŋ ba kɛrɛdɛ ba dɔma bɛ won chɔɡ ba, ásɛ ba sɔn bɛ he.”

Jeremia 32:22

He kpɔ harɛpare ondɛɛɡe waa do ken nɔ tɛɛ ba, ɡɛ he fa aa baɡɛ ba naawa nyoa la.

Jeremia 33:22

Mɛɛ ɡeloo n bonɔɔ Devid naanar, ne Lewi dea tena baa ɛ n Dea sɔfore mun ya kohona, ásɛ ba bɛ won kur ba, kɛŋɔ baa wola won kure weweela kɛɛ mpo nyoa hɛŋle la.”

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Hosia 2:1

Korowii ŋɔ Hosia yerɛ o bala Israel tena la ‘Korowii nɛra’ ne ‘Korowii nɛnnyina.’

Maeka 1:9

Baa do Samaria tena bolaa baa wola won chah, Juda tena ɡe dɛ ba a dɔŋa nae. A tel bwɛjen Jerusalam doonyojen tenten bela n nɛra aa soɡa.”

Tɔn Pɔɔl Aa Chwerɛ Rom Tena 4:13

Korowii nyoa la o fa aa baɡɛ Abraham ne o naanar ŋɔ harɛ nɔ bwa ɛɛ ba ɛ ba konee la, Mmara ta teŋa waa laa o baɡɔ ɡɛ nyoa la. Dɛ Abraham dɛ yarada Korowii, asɛ a che a ta o ɛ nɛndɛɛɡe o waa su Korowii siwi, a waa Korowii baɡɔ nyoa.

Tɔn Pɔɔl Aa Chwerɛ Rom Tena 9:27

Aesaya bol Israel tena waa ŋɔ, “Dɛ Israel tena warɔ kɛŋɔ mpo nyoa hɛŋle kwaraa naa, ba bini tamaa kenii Korowii ɛɛ ba lɛɛ.

1 Kɔrent 15:57

Korowii chɛ jam kohona. O tɛ yaa kpeɡri dɛ le ya Dɔɔ Yeesu Kristo be ásɛ ya pɔ seo nɛ.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Mmarare 1:10

Korowii he naawa aa tomɔ ɡelɔ taraken he mun ya dɛ warɛ kɛŋɔ weweela ken.

Mmarare 1:11

Ó ɡel he ya ɡɛ bele kaɡboŋ, dɛ́ swee andɛɛɡa tɛ heya, ɡɛ waa baɡɛ heyaa nyoa la.

Mmarare 10:22

He naawa ba fa aa kaa Ijipt harɛ ta la, dɛ ba lɔ nɛra fifraanuanɛ ɡbo. Kɛ taraken Korowii ɡelɔ he mun ya he warɛ kɛŋɔ weweela ken.”

Mmarare 13:17

He bɛ ɡɛ kwaa la bɛlbwa ba kpɔ, ásɛ a ba ɛ musu tɛ heya, ásɛ Korowii baah bɛ hé nɛɛ ba di. Ó na he sum, dɛ́ dɔ tedoma tɛ heya, dɛ́ ɡel he ya kohona ɡɛ waa baɡɛ he naawa nyoa la,

Mmarare 13:18

dɛkalkɛŋɔ he dɛ no Korowii haa dɛ tomɔ nɔ deŋna waa, dɛɛ teŋɛ o waa bwa maa kpɔa dɛɛ tɛ heyaa fini nɔ ta, dɛɛ ɛ anɔ la aa toɡra o be.”

Mmarare 21:19

o nya ne o mɛɛ lawɔ la bwɛɛ la nomonome sie bwɛɛ la doonyoa baa soɡa dɛɛ bol waa la.

Hibru 11:12

Abraham aa hwɛɛhra waa wola kpeɡe kpa la, o wono lolɛ, asɛ o naanar ɡe ya, dɛ warɛ kɛŋɔ weweela kɛɛ mpo nyoa hɛŋle ken.

Hibru 6:14

“N ŋwɛɛrɔ kɛŋɔ mɛɛ sweeree andɛɛɡaa, dɛ́ tɛɛ naanar kohona.”

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”